M
Mady Mk
:: مسافر ::
انا قاعد ف عمان نقرا تمام ، من اسبوع ماشي ل صاحبي ف مستشفي نزور فيه مهم خشيت من بوابه متاع شرطه عسكرية و مافيش ولا تعريف معايا مسكوني ياعليك عشية سوده نوده ههههههه وانا ركبني الرعب تحقيقات و اسم باتك و امك و وين ساكن و شن ادير ف عمان عليك يوم اسود بعد ماعرفو اني ماكذبتش عليهم في شي و تمام التمام قالي معاش تعاودها وخلي تعريف معاك عشان مايصيرش معاك موقف مره اخره مرات تنحبس بعدها الجو قعد تمام جابولي امية وانا وجهي الوان الوان و الرائد اللي حقق معايا دوته واجد و شفط عليا بعد قالي اربح ههههههه والله يوم ماننسهش
E
Emad El Jelly
:: مسافر ::
في مطار #اسطنبول وانا مروح لبنغازي وانا راقي للطيارة قعدو يفتشو فيا لقو عندي حكية #ريدبول حجم كبير ... قالولي يا تشربها توا ولا اعزقها ف السطل قتلهم حنعزقها ... خشيت من البوابة ومشيت شور السطل بنعزقها للقنها ماهانت علي ... برمت عليه بنقوله ( فرند ذس از اكسبنزف) ...لقيته بارم وجها بعيد ... حطيتها ف الشنطة وخشيت بيها لعند الطيارة
ع الاقل كان طاحت الطيارة. ..نحصل كيف أنطير
ع الاقل كان طاحت الطيارة. ..نحصل كيف أنطير
M
Moutaz Na
:: مسافر ::
Malak Madrid
نحكيلك موقف زى موقفكم بالزبط، طبعا مش صاير معاى
زوج و زوجته ومعهم ولدهم ، كيف وصلو الفندق ، المهم ولدهم قعد يبكي والراجل راقيله وهو مايعرفش يحكى انجليزى وموظف الاستقبال يحكى تركى بس .
المهم ساعه هم الاثنين ، شوى فى الاخيرالراجل التفت لزوجته ، قاللها بالعربي سكتى الفرخ ..
شوى موظف الاستقبال ، رد عليهم بالعربي ،الاخوة عرب ، طلع اردنى فى اخر الحلقه
نحكيلك موقف زى موقفكم بالزبط، طبعا مش صاير معاى
زوج و زوجته ومعهم ولدهم ، كيف وصلو الفندق ، المهم ولدهم قعد يبكي والراجل راقيله وهو مايعرفش يحكى انجليزى وموظف الاستقبال يحكى تركى بس .
المهم ساعه هم الاثنين ، شوى فى الاخيرالراجل التفت لزوجته ، قاللها بالعربي سكتى الفرخ ..
شوى موظف الاستقبال ، رد عليهم بالعربي ،الاخوة عرب ، طلع اردنى فى اخر الحلقه
S
Suleiman El-Dressi
:: مسافر ::
والله موقف غريب،،،
نذكر مره كليت لحم خنزير وشويه قبل مانفطن، وهذي لما كنت مروح ترانزيت من مالطا لبنغازي وقت الغداء في الفندق البوفيه كان مفتوح وفيه جيهه حلال دايرنها مخصوص لليبيين وجيهه عادي، دلفت كم طرف لانشو وانا لاهي نحكي وجيعان عالبوفيه بدون ما نقرا الكتيبه، ربك غفور لاني لم أتعمد، ولبسوني الجماعه وصارت فيا حاله مايعلم بيها الا ربي
نذكر مره كليت لحم خنزير وشويه قبل مانفطن، وهذي لما كنت مروح ترانزيت من مالطا لبنغازي وقت الغداء في الفندق البوفيه كان مفتوح وفيه جيهه حلال دايرنها مخصوص لليبيين وجيهه عادي، دلفت كم طرف لانشو وانا لاهي نحكي وجيعان عالبوفيه بدون ما نقرا الكتيبه، ربك غفور لاني لم أتعمد، ولبسوني الجماعه وصارت فيا حاله مايعلم بيها الا ربي
R
Rami Salah
:: مسافر ::
مرة كنّا في مصر وشايل هلي معايا في السيارة، وكل ما نمشوا لمكان يسكنولنا الشحاتين خاصة انهم يحقوا في السيارة ليبية لعند ما ملينا منهم وقعدنا نفوتوا فيهم، المهم مرة كنّا مدرسين السيارة وقاعدين فيها، جت وحدة شحاتة سكنت، تشحت وتقول "يارب يخليكوا ربنا ينصركوا ربنا مايحرمكم من بعض ربنا يرجعكوا بلدكوا بالسلامة ووووو..." ونحن فايتينها بكل هههه وهي مستمرة وتكرر في نفس الكلام لعن ما ملت منا ومالقتش فينا أمل قالتلنا "ربنا يخربيتكوا" ههههه وعدت
K
Khamkham Abdulbasat
:: مسافر ::
في شهر 10/2014 طلعنا ثلاث اصدقاء من طرابلس تونس ومن تونس ميلانو وفي ميلانو اجرنا سيارة وقضينا كم يوم في ميلانو ومن ميلانو على سويرا ومن سويسرا على النمسا ومن النمسا على المانيا ومن المانيا على تشيكيا ومن تشيكيا على المانيا تاني ومن المانيا على بلجيكا ومن بلجيكا على لكسمبورج ومن لسكمبورج على فرنسا ومن فرنسا سويسرا تاني ورجعنا ميلانو تونس, والموقف اللي صار معانا ان خلال هذه الرحلة حوالي 3500 كيلومتر وفي مدينة مرور بس ومدينة تانية نقضوا فيها كم ليلة في اوروبا ولا شخص وقفنا وقالنا الاوراق او البسبورتات او اوراق السيارة.وهذي بعض الصور من الرحلة.
A
Ali Fakree Eldin ElSallabi
:: مسافر ::
(معلش الموقف هذا طويل بس حيعجبكم )
مره كنت مع اصحابي في بروكسيل في بلجيكا ساكن في هوتيل وقدامي مطار
نطلع كل يوم انشوف في المطار قدام الهوتيل
المهم كان عندي طياره الساعه 11 من بروكسل لبيزا
نظت علي مهلي الساعه 9 ولميت دبشي والساعه 10 كنت طاالع من الهوتيل وقفت تاكسي قتله نبي المطار عدا بيا شور المطار الي قدامي
وبعدين قلت انقوله اسم المطار من باب الاحتياط
قتله نبي مطار charlot
قالي
Charlot airport is so far away from here
رقالي اشويه وقتله عدي شور المطار بسرعه
المهم المطار طلع علي بعد ساعتين من المكان الي كنت فيه
خشيت للمطار سالت ع الطياره قالولي طارت من بدري
ورقالي من روحي وشريت تذكره طياره وحده اخرا الساعه 6 ورقدت في المطار من ال 12 لل 6
وحق التذكره الجديده 120 يورو
وانا شاري التذكره الاصليه ( الي راحت عليا ) ب 25 يورو
#تبا_لكي_بروكسيل
ملاحظة
صاحب التاكسي خذا مني 178 يورو
يعني قريب 300 جنيه
مره كنت مع اصحابي في بروكسيل في بلجيكا ساكن في هوتيل وقدامي مطار
نطلع كل يوم انشوف في المطار قدام الهوتيل
المهم كان عندي طياره الساعه 11 من بروكسل لبيزا
نظت علي مهلي الساعه 9 ولميت دبشي والساعه 10 كنت طاالع من الهوتيل وقفت تاكسي قتله نبي المطار عدا بيا شور المطار الي قدامي
وبعدين قلت انقوله اسم المطار من باب الاحتياط
قتله نبي مطار charlot
قالي
Charlot airport is so far away from here
رقالي اشويه وقتله عدي شور المطار بسرعه
المهم المطار طلع علي بعد ساعتين من المكان الي كنت فيه
خشيت للمطار سالت ع الطياره قالولي طارت من بدري
ورقالي من روحي وشريت تذكره طياره وحده اخرا الساعه 6 ورقدت في المطار من ال 12 لل 6
وحق التذكره الجديده 120 يورو
وانا شاري التذكره الاصليه ( الي راحت عليا ) ب 25 يورو
#تبا_لكي_بروكسيل
ملاحظة
صاحب التاكسي خذا مني 178 يورو
يعني قريب 300 جنيه