مساء الخير .. اليوم بنحكى على شنطه السفر ،...

  • بادئ الموضوع بادئ الموضوع Moutaz Na
  • تاريخ البدء تاريخ البدء
عرض العطلة
M

Moutaz Na

:: مسافر ::
#1
مساء الخير ..
اليوم بنحكى على شنطه السفر ، طبعا فالعادة الواحد قبل السفر بكم يوم يبداء يشرى الحجات الناقصه والمهمه اللى رح يحتاجها ..

بالنسبه لى فى أمور مهمه ، اول هالاشياء المكوى " الحداد " مكوى السفر لازم يكون صغير الحجم ، نصيحه ماتخذوش مكوى الحوش الكبيرة ..

الشي الثانى بالنسبه للاحذيه ، حاولو تاخذو حذاء او اثنبن مش اكثر ، الشي الثالث والمهم شنطه السفر نفسها حاولوت تاخذوها حاجه كويسه وقويه بلاستك احسن شي ، مش قماش لانها ممكن تتعرض للمزط ، ولازم فى المطار تغلفوها محافظه عليها وعلى الاشياء اللى فيها ..

فى شي ثانى ،،
فى اكياس تخزين الملابس النايلو اللى بالشفط ، ميزتها انها ماتخذش حيز من الشنطه ، ننصحك بيهن ، انا لازم لما نسافر نستعملهن ..

وانتو توا دوركم ، كل واحد يقول نصيحه بخصوص شنطه السفر
 
#3
صح حمزة فى حجات مافيش داعى لهن انك تاخذهن معاك ، خصوصا لو كنت مسافر لمدينه ع البحر مثلا شرم او انطاليا او الحمامات ، زى شرت البحر او سباط البحراو المنشف الكبير لانه ياخذ مساحه من الشنطه .
 
#4
اسمي همام*
صح اصلا تأخذ شنطة تكون صغيرة او متوسطة خير من كبيرة و شحورة الا في المرواحة لازم تكون كبيرة طبعاً
 
#5
اوك ملاك معاك ..
لكن المشكله فى ناس تحط فى اكثر من لبسه ، تلاقيه حاط اكثر من 5 سراويل وسفرته كلها على بعظها اسبوع ، او اكثر من 10 تى شيرتات وهكذا .
 
عرض العطلة
#6
همام عاشت الاسامى ..
صديقى ، انا لازم من شنطتين ، وحدة كبيرة وداخله الصغيرة اللى فيها ملابسي ، شن رايك فالفكرة ؟
 
#7
ملاك ،،
سفر الدراسه او الاقامه يفرق عن السياحه ، ولكن فى كلا الاحوال فالعادة المقيم اكيد كل بعد فترة وفترة حيشري حاجه ، خصوصا فى فترة التخفيضات الهائله
 
#9
جو الحديد والمكوى فوتوه وجو كل يوم طرحة تختلف فوتوه وركزو على ملابس سبورت وحتى كان تعكرشت شوية لما تلبسها تتساوى لان اقل شئ في السفرات السياحية انك ترفع معاك زيادة وبهذا تنقلب من رحلة سياحية الى عقوبة بس في فصل الشتاء بحكم ان الملابس شتوية ماليهاش حل بتاخد حيز في الشنطة. والا حذية سبيدرو صح بس يمشي رياضة وطرحات وننصح بالنايك صح مكلف شوية لكن حقه فيه ويطول معاك. هكي ماشي معاي
 
عرض العطلة
عرض العطلة
عرض العطلة