A
Ali Fakree Eldin ElSallabi
:: مسافر ::
#القصه_نمبر_ثري
بعد القصه الاولي #وارسو
والقصه الثانيه #بروكسل
حان وقت القصه الثالثه من #اسفاري والمره هذي من عاصمه الحب #paris
التاريخ: شهر 8 الي فات
كنت انا وصاحبي #ادم ( اكيد حفظتو اسمه من كثره منسافر معاه )
كنت انا وياه مسافرين من #الابرق ل تونس ومن تونس الى باريس ومن باريس عندنا قطار الساعه 6 الفجر ياخذنا الى مدينه كولنجه في المانيا #ثاني_يوم_الصبح
يعني الجدول كان كالاتي
الابرق لتونس 8 صباحا
تونس باريس 2 ظهرا
باريس لكولنجه 6 فجرا ثاني يوم
بتت في مطار الابرق زي الشاطر ورقدت يلا الشناطي بتاعاتي وجو سمح وتليفونات ونت وحياه جميله جدا وكنت اول مره انشوف مطار الابرق ، جاءت الساعه الثامنه صباحا وتوقعت ان الرحله تبدا وموظفين المطار حيبدو في البوردينج باس .
عدت الساعه ورا الساعه ومزلت انراجي في البوردينج و انراجي في الرحله الي مفروض طالعه من الساعه 8
الساعه 11 ومزالت الرحله مطلعت
وانا مزال ورايا رحله وحده اخرا من تونس لباريس
جت الساعه 12/30
واخيرا بدأو في الطابور والزحمه والبوردينج باسس
مركبنا الطياره الا كانت الساعه 1ونص
وفقدت كل امل عندي اني نوصل في الرحله بتاع تونس لباريس
بعد شق الانفس
وصلنا لتونس
سالنا ع الرحله قالولنا طلعت
باهي نبو رحله جديده لباريس
في طياره تقلع بعد 5 ساعات
من المطار الفرعي القريب
تمام مفيش مشكله بنحجزوا عليها
صرفنا فلوس تونسيات عشان نشرو التذكرة
وصارلتلنا كم مشكله ( تو نحكيلكم عليهن في قصه اخرى اتكون خاصه بتونس )
عموما وصلنا باريس الساعه 10 ونص لباريس
( وبما ما أننا خبره في باريس بحكم ان جايينها اكثر من مره)
محجزناش هوتيل وقررنا قضاء الليله في محطه القطار ( الي شفناها اون لاين وكانت رائعه جدا من حيث التسليه والكماليات
)
ركبنا في المترو بتاعهم لعند وصلنا لمحطة القطارات الي بنركبو منها لكولنجه
وصلنا للمحطه الساعه 11 ونص
( وعلي فكره ، القصه مزالت مبدتش )
دخلنا للمحطه
ناس ماشيه وناس جايه وزحمه
عرفنا مكان القطار وين
حطينا الشناطي وقمعزنا يلا الناس الي قاعدين ايراجو في القطار
لعند هنا الامور جيده والحياه سمحه وجو تمام بكل
في نفس المكان
حاطيلك بيانو تقدر تعزف عليه مجانا عشان اتمشي وقتك
وحاطين يلاه اختراع من اجمل ما شفت في حياتي ، اله جري اتولد الطاقه الكهربائيه
يعني وانتا تجري عليها ، تقدر تشحن تليفونك لابتوبك اي حاجه تحتاج شحن وكل متزيد سرعتك عليها كل متشحنلك تليفونك اسرع
المهم
هيجنا ولعبنا وجرينا وعزفنا واكلنا وجونا سمح بكل
لعند مجاءت الساعه 2 ومعها الاخبار السيئه
جانا شرطي من الي يحرسوا في المحطه وكان معاه كلب
وبكل ذوق قاللنا لو سمحتو لازم اتغادرو المحطه لعند الساعه 5 عشان الوقت هذا وقت بريك خاص بالموظفين ولازم اتسككر فيه المحطه
طبعا جتنا صدمه عالميه
لان الحاجة هذي مكنناش نعرفوها
والسؤال الاهم
(وين حتقضي 3 ساعات #ليل في باريس؟ )
طبعا لو ممعانش شناطي
كان السؤال هذا تقعد اجابته ساهله
اكيد حنعدي للشانزيليزيه
او حنعدي انقضي الليل يلا المكبدين جنب برج ايفيل
بس زحمه الشناطي( انا شنطتين ، وادم شنطتين + لابتوب )
وشحورتهن
خللنا حايرين مش عارفين شن انديرو
عموما طلعنا من المحطه وشعرنا بشعور الهومليس في الشارع مش عارفين شن انديرو
والفكره كانت ان في هوتيلات واجد قدامنا بس مش من المنطقي انك تحجز في هوتيل وتدفع من 80 الي 150 يورو عشان تقعد ثلاث ساعات بس
لفينا شويه في المنطقه نحنا وشناطينا
لعند مقابلونا اشكال غريبه ، الي سكران والي هوملس زينا ومعندش فلوس .
المهم قررنا انردو ونقعدو قدام المحطه لعند ميمرن الثلاث ساعات
بس صديقي ادم قالي انه جعان
ويبي ياكل
قعدنا نبرموا اندورو في مطعم فاتح لمده 20 دقيقه
لعند مقابلنتنا لافته صغيره في شارع فرعي مكتوب عليها مطعم ( باللغه الفرنسيه طبعا )
توكلنا ع الله وخشينا
واكتشفنا انه مطعم ماسكينه مجموعه شباب جزائيريين ، فرحو بينا بما اننا عرب وقعدنا نحكو وانهدرزوا لعند مطلع الاوردر بتاعنا والراجل يشكيلي من العنصريه الي ضد العرب والمسلمين في باريس
ويحكيلي ان المطعم مكسد وتبيله فلوس عشان ايديرله ديكور واعلانات وهكي
خذينا الاوردر بتاعنا وجينا بنقمعزوا ع الطاولات بتاع المطعم
بس وجعنا ان واحد مش الشباب توا كيف ماسحهن عشان كانو بيقفلو عشان الوقت متاخر والشغل مكسد
المهم
حطينا الشناطي قدام المطعم وقمعزنا عليهن وقعدنا ناكلو
وسبحان الله في الي صار بعد هكي
وكانه ربي بيجعلنا سبب في الرزق الي جا للشباب هذوما
مر علينا اكثر من 12 شخص خلال قعدتنا 5 وحدين منهم سالونا بعد ما شافونا ناكلو
Is that a good resturant ?
( في الاول يسالو فرنسي وبعدها يقلبو انجلش )
عموما خلال قعدتنا قدام المطعم الصغير
خششت للمطعم اكثر من 10 زبائن
#سهفتهم ريحه الشاورما الي كنا ناكلو فيها
اكثر من واحد كانو ماريين ومش عارفين ان في مطعم اصلا ولما ايشوفو فينا ناكلو ايخشو للمطعم علي طول ...
والراجل صاحب المطعم مش مصددق
وقعد ايقول كل ميخشله زبون جديد
Free drinks Viva libyan friends
ونحنا مقمعزين برا وانسهفو في الناس الي يمشو وناكلو علي اقل من مهلنا
وهوا ايدزلنا في free drinks كل شويه
( كوكاكولا_بيبسي_عصائر )
وعجبنا الموضوع فقعدنا الي ايمر انقولوله
" Come inside , Good resturant "
" Cheap food "
" Are you hungry ? "
عموما سكننا للبشر الي يمشو قدامنا
وفي ناس ايفوتو فينا وناس يعجبهم الموضوع وايخشو
والراجل مزال ايعيط
Viva libyans
وبعد خمس دقايق
مرروا جروب شباب وبنات all black عددهم 5 او 6 سكرانين ميحقو في شي قدامهم
جو قمعزوا يلانا وقعدنا انصوروا معاهم في سيلفيات هههههههههههه وقعدو ايغنو في النشيد الوطني الفرنسي
ونحنا انغنو معاهم داير روحنا حافظينه
وكل منوحلو نقطعو النشيد ونقعدو انغنو
يا بلاااادي
يا بلاادي
ومرات نقلبو وانغنو الاغنيه الفرنسيه الوحيده الي نعرفوها
Papa outi
وطبعا اقنعناهم حتا هما انهم ايخشو ياكلو من المطعم
المهم بعد متصورنا ان الثلاث ساعات
مستحيل ايعدن
انقلبت الليله واصبحت من اجمل وامتع الليالي في حياتي
وجت الساعه خمسه تجري والمطعم مزال مسككر
وقعد يضضبط فينا ونحنا ماشيين وايقوللنا
في كلمه بالفرنسي معناها زي
You were sent from above
او كانه يعني ايقوللنا ، ربي بعثكم ليا
في النهايه #ليلتي كانت من اروع الليالي الي قضيتها في باريس وانشالله مطولتش عليكم
والصور فيهن المحطه الي لزونا منها
والمطعم النزيك الي قضينا فيه ليلتنا
والي اللقاء في حلقه قادمه #ههههههههههه
بعد القصه الاولي #وارسو
والقصه الثانيه #بروكسل
حان وقت القصه الثالثه من #اسفاري والمره هذي من عاصمه الحب #paris
التاريخ: شهر 8 الي فات
كنت انا وصاحبي #ادم ( اكيد حفظتو اسمه من كثره منسافر معاه )
كنت انا وياه مسافرين من #الابرق ل تونس ومن تونس الى باريس ومن باريس عندنا قطار الساعه 6 الفجر ياخذنا الى مدينه كولنجه في المانيا #ثاني_يوم_الصبح
يعني الجدول كان كالاتي
الابرق لتونس 8 صباحا
تونس باريس 2 ظهرا
باريس لكولنجه 6 فجرا ثاني يوم
بتت في مطار الابرق زي الشاطر ورقدت يلا الشناطي بتاعاتي وجو سمح وتليفونات ونت وحياه جميله جدا وكنت اول مره انشوف مطار الابرق ، جاءت الساعه الثامنه صباحا وتوقعت ان الرحله تبدا وموظفين المطار حيبدو في البوردينج باس .
عدت الساعه ورا الساعه ومزلت انراجي في البوردينج و انراجي في الرحله الي مفروض طالعه من الساعه 8
الساعه 11 ومزالت الرحله مطلعت
وانا مزال ورايا رحله وحده اخرا من تونس لباريس
جت الساعه 12/30
واخيرا بدأو في الطابور والزحمه والبوردينج باسس
مركبنا الطياره الا كانت الساعه 1ونص
وفقدت كل امل عندي اني نوصل في الرحله بتاع تونس لباريس
بعد شق الانفس
وصلنا لتونس
سالنا ع الرحله قالولنا طلعت
باهي نبو رحله جديده لباريس
في طياره تقلع بعد 5 ساعات
من المطار الفرعي القريب
تمام مفيش مشكله بنحجزوا عليها
صرفنا فلوس تونسيات عشان نشرو التذكرة
وصارلتلنا كم مشكله ( تو نحكيلكم عليهن في قصه اخرى اتكون خاصه بتونس )
عموما وصلنا باريس الساعه 10 ونص لباريس
( وبما ما أننا خبره في باريس بحكم ان جايينها اكثر من مره)
محجزناش هوتيل وقررنا قضاء الليله في محطه القطار ( الي شفناها اون لاين وكانت رائعه جدا من حيث التسليه والكماليات
)ركبنا في المترو بتاعهم لعند وصلنا لمحطة القطارات الي بنركبو منها لكولنجه
وصلنا للمحطه الساعه 11 ونص
( وعلي فكره ، القصه مزالت مبدتش )
دخلنا للمحطه
ناس ماشيه وناس جايه وزحمه
عرفنا مكان القطار وين
حطينا الشناطي وقمعزنا يلا الناس الي قاعدين ايراجو في القطار
لعند هنا الامور جيده والحياه سمحه وجو تمام بكل
في نفس المكان
حاطيلك بيانو تقدر تعزف عليه مجانا عشان اتمشي وقتك
وحاطين يلاه اختراع من اجمل ما شفت في حياتي ، اله جري اتولد الطاقه الكهربائيه
يعني وانتا تجري عليها ، تقدر تشحن تليفونك لابتوبك اي حاجه تحتاج شحن وكل متزيد سرعتك عليها كل متشحنلك تليفونك اسرع
المهم
هيجنا ولعبنا وجرينا وعزفنا واكلنا وجونا سمح بكل
لعند مجاءت الساعه 2 ومعها الاخبار السيئه
جانا شرطي من الي يحرسوا في المحطه وكان معاه كلب
وبكل ذوق قاللنا لو سمحتو لازم اتغادرو المحطه لعند الساعه 5 عشان الوقت هذا وقت بريك خاص بالموظفين ولازم اتسككر فيه المحطه
طبعا جتنا صدمه عالميه
لان الحاجة هذي مكنناش نعرفوها
والسؤال الاهم
(وين حتقضي 3 ساعات #ليل في باريس؟ )
طبعا لو ممعانش شناطي
كان السؤال هذا تقعد اجابته ساهله
اكيد حنعدي للشانزيليزيه
او حنعدي انقضي الليل يلا المكبدين جنب برج ايفيل
بس زحمه الشناطي( انا شنطتين ، وادم شنطتين + لابتوب )
وشحورتهن
خللنا حايرين مش عارفين شن انديرو
عموما طلعنا من المحطه وشعرنا بشعور الهومليس في الشارع مش عارفين شن انديرو
والفكره كانت ان في هوتيلات واجد قدامنا بس مش من المنطقي انك تحجز في هوتيل وتدفع من 80 الي 150 يورو عشان تقعد ثلاث ساعات بس
لفينا شويه في المنطقه نحنا وشناطينا
لعند مقابلونا اشكال غريبه ، الي سكران والي هوملس زينا ومعندش فلوس .
المهم قررنا انردو ونقعدو قدام المحطه لعند ميمرن الثلاث ساعات
بس صديقي ادم قالي انه جعان
ويبي ياكل
قعدنا نبرموا اندورو في مطعم فاتح لمده 20 دقيقه
لعند مقابلنتنا لافته صغيره في شارع فرعي مكتوب عليها مطعم ( باللغه الفرنسيه طبعا )
توكلنا ع الله وخشينا
واكتشفنا انه مطعم ماسكينه مجموعه شباب جزائيريين ، فرحو بينا بما اننا عرب وقعدنا نحكو وانهدرزوا لعند مطلع الاوردر بتاعنا والراجل يشكيلي من العنصريه الي ضد العرب والمسلمين في باريس
ويحكيلي ان المطعم مكسد وتبيله فلوس عشان ايديرله ديكور واعلانات وهكي
خذينا الاوردر بتاعنا وجينا بنقمعزوا ع الطاولات بتاع المطعم
بس وجعنا ان واحد مش الشباب توا كيف ماسحهن عشان كانو بيقفلو عشان الوقت متاخر والشغل مكسد
المهم
حطينا الشناطي قدام المطعم وقمعزنا عليهن وقعدنا ناكلو
وسبحان الله في الي صار بعد هكي
وكانه ربي بيجعلنا سبب في الرزق الي جا للشباب هذوما
مر علينا اكثر من 12 شخص خلال قعدتنا 5 وحدين منهم سالونا بعد ما شافونا ناكلو
Is that a good resturant ?
( في الاول يسالو فرنسي وبعدها يقلبو انجلش )
عموما خلال قعدتنا قدام المطعم الصغير
خششت للمطعم اكثر من 10 زبائن
#سهفتهم ريحه الشاورما الي كنا ناكلو فيها
اكثر من واحد كانو ماريين ومش عارفين ان في مطعم اصلا ولما ايشوفو فينا ناكلو ايخشو للمطعم علي طول ...
والراجل صاحب المطعم مش مصددق
وقعد ايقول كل ميخشله زبون جديد
Free drinks Viva libyan friends
ونحنا مقمعزين برا وانسهفو في الناس الي يمشو وناكلو علي اقل من مهلنا
وهوا ايدزلنا في free drinks كل شويه
( كوكاكولا_بيبسي_عصائر )
وعجبنا الموضوع فقعدنا الي ايمر انقولوله
" Come inside , Good resturant "
" Cheap food "
" Are you hungry ? "
عموما سكننا للبشر الي يمشو قدامنا
وفي ناس ايفوتو فينا وناس يعجبهم الموضوع وايخشو
والراجل مزال ايعيط
Viva libyans
وبعد خمس دقايق
مرروا جروب شباب وبنات all black عددهم 5 او 6 سكرانين ميحقو في شي قدامهم
جو قمعزوا يلانا وقعدنا انصوروا معاهم في سيلفيات هههههههههههه وقعدو ايغنو في النشيد الوطني الفرنسي
ونحنا انغنو معاهم داير روحنا حافظينه
وكل منوحلو نقطعو النشيد ونقعدو انغنو
يا بلاااادي
يا بلاادي
ومرات نقلبو وانغنو الاغنيه الفرنسيه الوحيده الي نعرفوها
Papa outi
وطبعا اقنعناهم حتا هما انهم ايخشو ياكلو من المطعم
المهم بعد متصورنا ان الثلاث ساعات
مستحيل ايعدن
انقلبت الليله واصبحت من اجمل وامتع الليالي في حياتي
وجت الساعه خمسه تجري والمطعم مزال مسككر
وقعد يضضبط فينا ونحنا ماشيين وايقوللنا
في كلمه بالفرنسي معناها زي
You were sent from above
او كانه يعني ايقوللنا ، ربي بعثكم ليا
في النهايه #ليلتي كانت من اروع الليالي الي قضيتها في باريس وانشالله مطولتش عليكم
والصور فيهن المحطه الي لزونا منها
والمطعم النزيك الي قضينا فيه ليلتنا
والي اللقاء في حلقه قادمه #ههههههههههه