السلام عليكم انا جواز السفر امتاعي اخضر...

[تاحو الهري]

السلام عليكم
انا جواز السفر امتاعي اخضر ومانقدرش نمشي بيه الا لاردن وتركيا وتونس
هل نقدر نغيره لألكتروني في جيهة خاصة باليبين في احد الدول هذينا
بيش نقدر نطلع للدول الاخري ونحاول نكمل قرايتي برا
ياريت تفيدوني بمعلوماتكم
اخوكم فتح الله الهري

 

[Ali Fakree Eldin ElSallabi]

والله المعلومات الي عندي
انك اتعدي بيه حتا لامريكا عادي

 

[تاحو الهري]

انا مره يقولوا يقبلو ومره يقولو لا
لكن المعلومه الاكيده ان من 2016 معش يقبلو غير الالكتروني Ali El Sâllabì

 

[Ali Fakree Eldin ElSallabi]

صدقني يا خويا قالوها ميه مره من قبل وكله كلام فاضي
ع الاقل انتا سافر توا
ولما اتصير المشكله اتعدي اتغيره من سفاره الدوله ااي ماشيلها

 

[تاحو الهري]

يعني نقدر نغيره من السفاره الليبيه في تركيا ولا الدول الاخري ومايخدش وقت

 

[Ali Fakree Eldin ElSallabi]

بالظبط
خيرلك من الزحمه الي هنا
انتا وين ماشي تقرا ؟

 

[تاحو الهري]

كندا ان شاءالله

 

[Ali Fakree Eldin ElSallabi]

خلاص يا اما غيره من سفاره تركيا او كندا
وانشالله موفق

 

[Ali Fakree Eldin ElSallabi]

السفاره الليبيه في كندا وتركيا

 

[تاحو الهري]

بارك الله فيك علي المعلومات
ان شاء انعدي نغيره من تركيا بعد رمضان ونبدا اجراءات تأشيرتي من غادي

 

[Abdullah Abdullah]

اطمن على اوراقك قبل ما تمشي

 

[Abdullah Abdullah]

خير ما يتعبوك كل شوي طالبين ورقه... شوف النواقص , وتوكل على الله.

 

[تاحو الهري]

لا الحمدالله اوراقي واتيات

 

[Iman Koc]

يعني يغيرو فيه في تركيا ؟؟!
وهل مكان التغيير السفارة في أنقرة والا القنصلية في اسطنبول ؟!

 

[Ali Fakree Eldin ElSallabi]

Iman Koc
اسئليهم غادي يا ايمان

 

[Iman Koc]

ان شاء الله بكرا نتصل بالسفارة لأنه القنصلية ديما ما يعرفو شي

 

[Hamadi Haslok]

هو في في ليبيا وماتغيرش وتجي تقول برا

 

[تاحو الهري]

Iman Koc لو سمحت بعد اتكلمي السفاره قوليلي شن صار

 

[تاحو الهري]

Hamadi Has Luk الله غالب زحمه هنا وانا عندي امكانيه انغيره برا

 

[Hamadi Haslok]

معناها توكل ياخونا لو في فرصه فالخارج
عندنا هنا تبرم عالمرج والبيضاء وسلوق وأجدابيا ومايصير شي