M
Mawada Bushnaf
:: مسافر ::
بلادي الجميله 
بصراحه اول مره نمشي في حياتي للحمامه عباره عن شاطئ قريب من مدينه البيضا. نص ساعه بالسياره.. ماكنتش متحمسه ابدا اني نمشي خاصه اني ياما شايفيه شواطئ جميله اثناء السفر خارج ليبيا ... نزلنا من الجبل وهنا بدا سحر منظر تلاقي البحر مع السماء لدرجه انك معش تعرف وين بحر وين السماء ومنظر جميل تشوفه من قمه الجبل الاخضر وسياره تتحرك بين مزارع التفاح وخوخ وسبول ونباتات اخري ماعرفتهنش بس منظر كنت شايفته من قبل في اروبا الا ان منطقه هذي تتميز بتلاقي البحر مع جبل... مشينا لمصيف الملك وهو عباره عن خليج فيروزي اللون مياه نظيفه وشاطئ ذهبي كانت ساعه ثمانيه الصبح ... وكان في المصيف عائلتين اجنبيتين "باين انهم من مكان ما من القاره الاروبيه وتقريبا شرق اروبا" للحظه حسيت اني في مكان سياحي ساحر خارج الوطن ... وبدون اي تردد قلت لهلي لازم نعوم في هذا مكان جميل ... كان منظر روعه يعني نشوف ايدي بكل وضوح تحت ميه ورايا جبل وامامي بحر ... طبعا في خدمات " شمسيات وكراسي
️ خيم
️ شوايات ملاهي علي قوله الراجل علي بوابه واللي هن كم لعبه مصديه " بس في بصيص امل ... نذكر سنه اللي فاتت زي وقت هذا عمنا في المحيط علي شواطئ كالفورنيا في مدينه لوس انجلوس ... بالنسبه للخدمات مش حنحكي عليهن لانها تتوفر فيها كل شي اما بحر كان مقرف مقارنه بالحمامه وبالجمال اللي شفته اليوم ... الفرق ان في انسان قرر يدير شي وفي انسان قرر انه مايقدرش نعمه اللي بين ايدينا ... علي فكره الليبين يحبو حياه ويحبو يصرفو في حاجه سمحه يعني لو حد يدير مشروع صغير علي هذا شاطئ ويدير رسوم حتي لو غاليه حيجوه الليبين من كل المدن ... مكان رائع طبيعه خلابه مدينه شحات الاثريه مش بعيده يعني يصير فيها مشروع سياحي خيالي...
حكيت واجد بس مرات واحد يسافر واجد عشان يدهور وينسي ان بلاده حلوه وممكن يدير سياحه فيها
بصراحه اول مره نمشي في حياتي للحمامه عباره عن شاطئ قريب من مدينه البيضا. نص ساعه بالسياره.. ماكنتش متحمسه ابدا اني نمشي خاصه اني ياما شايفيه شواطئ جميله اثناء السفر خارج ليبيا ... نزلنا من الجبل وهنا بدا سحر منظر تلاقي البحر مع السماء لدرجه انك معش تعرف وين بحر وين السماء ومنظر جميل تشوفه من قمه الجبل الاخضر وسياره تتحرك بين مزارع التفاح وخوخ وسبول ونباتات اخري ماعرفتهنش بس منظر كنت شايفته من قبل في اروبا الا ان منطقه هذي تتميز بتلاقي البحر مع جبل... مشينا لمصيف الملك وهو عباره عن خليج فيروزي اللون مياه نظيفه وشاطئ ذهبي كانت ساعه ثمانيه الصبح ... وكان في المصيف عائلتين اجنبيتين "باين انهم من مكان ما من القاره الاروبيه وتقريبا شرق اروبا" للحظه حسيت اني في مكان سياحي ساحر خارج الوطن ... وبدون اي تردد قلت لهلي لازم نعوم في هذا مكان جميل ... كان منظر روعه يعني نشوف ايدي بكل وضوح تحت ميه ورايا جبل وامامي بحر ... طبعا في خدمات " شمسيات وكراسي
️ خيم️ شوايات ملاهي علي قوله الراجل علي بوابه واللي هن كم لعبه مصديه " بس في بصيص امل ... نذكر سنه اللي فاتت زي وقت هذا عمنا في المحيط علي شواطئ كالفورنيا في مدينه لوس انجلوس ... بالنسبه للخدمات مش حنحكي عليهن لانها تتوفر فيها كل شي اما بحر كان مقرف مقارنه بالحمامه وبالجمال اللي شفته اليوم ... الفرق ان في انسان قرر يدير شي وفي انسان قرر انه مايقدرش نعمه اللي بين ايدينا ... علي فكره الليبين يحبو حياه ويحبو يصرفو في حاجه سمحه يعني لو حد يدير مشروع صغير علي هذا شاطئ ويدير رسوم حتي لو غاليه حيجوه الليبين من كل المدن ... مكان رائع طبيعه خلابه مدينه شحات الاثريه مش بعيده يعني يصير فيها مشروع سياحي خيالي...حكيت واجد بس مرات واحد يسافر واجد عشان يدهور وينسي ان بلاده حلوه وممكن يدير سياحه فيها
