A
Ali Fakree Eldin ElSallabi
:: مسافر ::
#القصه_نمبر_فور والاخيره 
بعد #وارسو و #بروكسل و #باريس
شهر 8 2014
القصه الاخيره والي حتقطع قلوبكم والي كانت بالنسبه ليا اسوأ تجربه مريت بيها علي الاطلاق ، من بلد عربي شقيق كان حتى وقت قريب من الدول الي يحترمو ويخافو من الليبيين وايعلوا في قدرهم
بس حاليا الليبين فيها يداس عليهم بالاحذيه وبتعاملو معامله كلاب #حشاكم
عموما بعيدا عن السياسه نبدو قصتنا الاخيره من #تونس
كنت مروح من رحله زرت فيها بولندا وفرنسا و المانيا الي كنت منبهر جدا بمدى ثقافه شعبها وصنفتها في رحلتي انها من افضل الدول الاوروبيه على الاطلاق
المهم ان معنوياتي كانن مرتفعه جدا وانا نستنا في رحلتي من باريس الى تونس ومن تونس الى الكبيده #بنغازي
وصاحبي ادم ( الي كان معايا في الرحله ) سيبني وعدا للسويد وقاللي انه حيرد بعد 4 ايام لبنغازي عشان عنده شغل في السويد
وصلت لتونس بسلامه الله وكنت مفروض اني نقعد فيها 4 ساعات لابال مرحلتي الثانيه تقلع
قعدت مقمعز في المطار انراجي في طيارتي وعلي حين غفله
رن تليفوني
انا: الو
الحاجه امي: ايوه يا علي
بعد الترحيبات والسلامات واطمنت عليها واطمنت عليا
قالتلي: يا علي الوضع في بنغازي مش تمام ونحنا ماشين للقاهره بكرا
فانت حاول انك تحجز من تونس للقاهره دغري بدل متروح ليبيا لان ترويحتك في خطر ومش مضمونه
انا ( من غير اقتناع ): باهي ساهل خليني توا انروح بس وتو نطلعو مع بعضنا بكرا للقاهره
هيا: محصلنش الا تذكرتين بس انا وخوك وزحمه ومش حتحصل ، عشان هكي نبيك تحجز تونس القاهره ، ونحنا اصلا طالعين توا للبيضا ومنها لطبرق وحنسافرو من المطار الاخر فلذلك مش حتطق فينا .
بعد شد وخبط ولت وعجن ودوه واجد معاها اقنعتني بحس الامومه ودواعي الخوف اني انفوت رحله العوده وانعدي نقعد في هوتيل يوم واحد وانشوف اول رحله بكره للقاهره
وياريتني ماقتنعت
ملاحظة بس نبيكم تعرفوها: انا مش من نوعيه الناس الي اتحب الفيزا كارد( وحنندم علي الحاجه هذي في السطور القادمه ) ديما انحب انشيل معايا كاش وفي كل رحله وفي اخر يوم انخلي في جيبي في مبلغ ايعيشني يومين في البلاد الي حننروح منها حتا لو كنت قاعد فيها ساعتين بس
وفي الرحله هذي كنت مكمل فلوسي كلهن ما يقارب عن ( 5000 يورو ) في ماركات المانيا وحفلات بولندا والشانزليزيه بتاع باريس وخليت معايا 120 يورو نصررفهن بالتونسي ايجن قريب 600 دينار وكسور ممكن نصرفهن في duty free علي اساس اني مروح لليبيا وكان عندي برضو 20 او 30 دينار تونسي من رحله الذهاب
وبعد الحديث الي صار مع الوالده كلمت صديق ليا عشان يحجزلي في هوتيل في تونس وقتله لما انجي بنغازي حنعطيه الفلوس .
قضيت يومي في الفندق واموري تمام ( حجزت ليله وحده )
وفي اليوم التاني نضت خذيت شنطتي وجوازي وتوكلت علي الله عشان نحجز تونس القاهره بالفلوس الي عندي
وانا في التاكسي في طريقي للمطار رنت الحاجه
الو
الو يا حاجه
يا علي راه صارت مشكله في المطار ومقدرنش نركبو للقاهره والتذكره بتاعنا مش حنقدروا نركبو بيها الا بعد اربع ايام فانتا حاول انك اتجينا هنا وخلاص ونطلعو مع بعضنا عشان حصلتلك تذكره راه .
انا بكل غضب الدنيا: مو قلنا هكي من الاول وتوا التذكره راحت عليا .
هيا بصوت اسف مرير: معلش يا وليدي مو انا نسحاب روحي حنسافر اليوم .
انا بنبره الغضب: باهي باهي خلاص سكري توا .
طبعا كنت في قمه الغضب وانا انقول للتاكسي ايغير مساره من المطار لشارع الحبيب عشان انعدي للخطوط الليبيه انغير التيكت علي اقرب طياره
وصلت للمكتب
دخلت
صار الحوار هذا باختصار شديد
انا: نبي انغير التذكره بتاعي .
هيا: اقرب رحله بعد 10 ايام وتدفع فرق 60 دينار .
انا مصدوما: مفيش اقرب من هكي ؟
هيا ؛ لا .
لففت بيا الدنيا وانا مش عارف شن اندير وكيف حنقعد عشر ايام في بلاد انا منحبش امها بككل
بس في النهايه قررت اني نحجز التذكره ؤخلاص
#امر_واقع
انا: اوك بنحجزها .
هيا: عطيني جوازك وتذكرتك ولازم فلوس تونسيات ، صررف اليورو الي معاك .
انا في قمه الغضب: حاضر استني شويه
لعند هنا احبابي واصدقائي وصديقاتي القصه مزالت مبدتش والمعاناه الحقيقيه جايه في الطريق
سيبت الشنطه والجواز والتيكت عند الانسه في المكتب وطلعت انصرف في اليورو
دورت ودورت
ملقيتش مكان قريب
تباعدت شويه نين وصلت لنهايه ااشارع ولقيت قدامي اسوء ناس ممكن انقابلهم في حياتي
مجموعه من الشرطة التونسيه
حسوني مش تونسي
فسالوني وين اثبات الشخصيه
انا: حكيتلهم الموضوع
هما: كيف طالع من غير اثبات . انتا كذاب
انا ؛ تعالو معايا للمكتب
هما: لالا تو انشدوك معانا للحاكم ( مركز الشرطة )
وقعدنا نص ساعه في كر وفر ودوه وهما موضوعهم كله ان بيطلعو مني باي مبلغ ممكن وانا مسككر راسب وحتا لو بنعطيهم معش عندي الا 100 يورو بنصرفهن عشان نعطي منهن للمكتب
بعد بهدله نص ساعه وفتح مواضيع قذافي ما قذافي
طلقوني
ودورت دورت صرافه نين لقيت
وصرفت ورديت بسرعه للمكتب
وهنا الصدمه
المكتب سككر
وقفت قدامه مصعوق وكاني قابلت قيامتي
المكتب سككر وفيه
جوازي
وشنطتي
والتيكت بتاعي
استكيت في مكاني لمده 6 دقايق مش عارف شن اندير
بحتت في تليفوني
مش عارف من بنكلم
وشن بندير
بحتت في المكتب
مكتوب انهم يخدمو نص يوم ومش حيفتحو الا بكره صباحا
خسفت بيا الارض
وبحتت في الشنطه الصغيره الي كانت علي كتفي
فيها شحني وعده الحلاقه وشويه اوراق وذكريات من الرحله
وقعدت انفكر شن اندير شن اندير
طلععت تليفوني
وكللمت الحاجه
شرحتلها الموقف وقلتلها اتكللم خويا يحجزلي في هوتيل نقعد فيه لمده عشر ايام ( علي فرض ان الانسه حجزتلي الرحله بعد 10 ايام )
وحولولي فلوس من حسابي عشان نصرف بيهن لابال مروحت
صدمتني باحقر خبر ممكن
الويسترين يونيون ( طريقه تحويل الفلوس ) مسككر في بنغازي
زاد الرعب عندي طبعا
10 ايام
من غير فلوس
حاجه صعبه جدا
وهذي كانت تاني ضربه وخبر مفزع ايجيني في نفس اليوم
سكرت من الحاجه واتفقت معاها علي حجز الهوتيل وقلتلها تو نصصرف في الفلوس وكلمت واحد صديقي في تونس حكيتله القصه وقالي تعال اقعد معايا في شقتي لابال محجزولك الهوتيل
بدل منعديله في شقته تلاقينا في كفي قريب منه وقعدنا اليوم كله مع بعضنا من غير منعدو لشقته لعند الساعه 12 في الليل وانا انحاول ننسي الshit الي صارلي طول اليوم
وبعدها نزلت قدام الهوتيل وهما عددو
خشيت للهوتيل
باختصار
عندي حجز عندكم
تمام بس عطيني جوازك
جوازي صارله كذا وكذا وكذا
للاسف منقدرش انخششك من غير جواز او اثبات
او اتخلي عندنا ضمان 150 يورو
انا مفيش لا هذا ولا هذا
هما: معندي منديرلك لازم اثبات شخصيه
انا: باهي خللي 400 دينار ضمان
هما: للاسف منقدرش
بعد ساعه ونص نقاش
ملقيتش حل انديره الا اني نطلع من الفندق
وفي تلك اللحظة اسكرن جميع السبل في وجهي
وعشت اسوء لحظة في حياتي وانا قاعد في شارع الحبيب بورقيبه الساعه واحد ونص في الليل
من غير مكان انبات فيه
من غير جواز
من غير دبش
وشحن تليفوني 4 في الميه
والشحن معايا بس وين نشحن
صبيت في شارع الحبيب مصدوم
والشارع فاضي الا من بعض الماره
انا الي كنت في المانيا وبولندا مهيج من كم يوم
نلقا روحي في الشارع
#صعبت_عليا_نفسي
رنيت علي صاحبي 40 مره
مردش
عشان كان عنده عمليه في الصبح وخش رقد
وشحني قعد 3 في الميه
وانا شعوري شعور الهوملس
خشيت ع النت ورنيت علي ناس بالمسنجر عشان ايرنو علي اصحابي وهلي ايديرولي حل
الي رد منهم مقدرش ايطق في هلي
والي مردش مردش
عموما
الشحن 1 في الميه
ومفيش امل في اي حاجه
( اكيد صارلكم التشويق وبتعرفو المسكين انا شن حيصير فيا )
مريت من يلا واحد شحات وقتله السلام عليكم
رد عليا السلام وناداني وانا انتباعد عليه
خويا
انا: نعم
هوا ( مترجم لليبي ) : انحس فيك تبرم من بدري لو تبي اي خدمه او حاجه قولي انحس فيك حايس .
انا والدمعه قريب تنزل مني من كثره موجعتني روحي: نبي حد يشحنلي التليفون هذا بس .
وكانه ربي بعثه ليا من السما
شالني معاه لواحد صاحب بار شحننا عنده تليفوني وقعد ايهدرزلي انه معندش مكان ايبات فيه وانه ايحس بالناس الي كيفي الي قاعدين ايلفو في الشوراع وصاحب الهوتيل الي هوا يسكن فيه لززه عشان مدفعش له اسبوعين
المهم
هدرزنا
وهدرزنا وهدرزنا ودخننا مع بعضنا لعند متليفوني شحن
وانا مش مصدق كيف ربي دزلي الانسان هذا في هذا الوقت بالذات
وخذا رقمي كتبه في يده
وعطيته فلوس يشري بيهن اكل وشكرته واجد بكل ورنيت علي صاحبي اخرا نين رد عليا وقالي عنوان الشقه
ركبت في تاكسي وعديتله
وقعدت عنده الليله وانا انتاسفله ع السكنان الي درته له
عموما
الصبح جا
ونظت بسرعه اول واحد في الدنيا درت دوش
و خذيت تاكسي ( بنفس الدبش من امس )
وعديت خذيت حاجاتي من المكتب
وصعقوني بالصعقه الجديده
اقرب موعد بعد اسبوعين
والبنت محجزتليش عشان انا مجبلتهش الفلوس #امس
انا طبعا مزلت مش فاهم كيف الدنيا تضرب فيا هكي
مبتش نحجز بعد اسبوعين
وسالتها مفيش حل ؟
قالتلي املك الوحيد انك تركب waiting
في حاله حد من المسافرين مجش
صدمات صدمات صدمات
خذيت التيكت منها وجوازي وشنطتي
طلعت من المكتب لقيت الشحات ايراجي فيا برا سلمت عليه وعطيته من اخر فلوس عندي
مبلغ ايسلك بيه صاحب الهوتيل
ورديت للهوتيل بتاعي تريحت فيه شويه بعد مشافو اخيرا الجواز
وبعدين كلمت هلي قلتلهم يلغو باقي الايام عشان المعامله الزفته الي لقيتها من الفندق في اليوم السابق
وعديت قعدت في شقه صاحبي
وكل يوم نطلع من 7 في الصبح للمطار وانصبي في طابور الوايتينج 100 شخص اقل حاجه
وايركبو في الي معاه ok وايفوتو في الوايتينج
وايعاملو فيهم معاملة معيز
( يا ديرو طابور يا مفش رحله )
وناس بايتين في المطار عشان فلوسهم كملن
عائلات ومصابين مطوحين في المطار املهم يركبو بس في طياره لبلادهم
والتوانسه ايبزنسو وايبيعو في الكرسي ب 100 و 200
اسبوع ع الحال هذا وانا كل يوم نقعد في المطار 12 ساعه
انراجي في الرحلتين
وايتينج
وميصير شي
انوض 7 ونقعد في المطار لل8 وانروح نرقد
وانوض اليوم التالي وهكذا
وفي اخر يوم ركبت مع تاكسي وحطني عند المطار وجرا بشنطه دبشي قبل منسلكة
) سرقها )
وانا فاض بيا الحيل واسلفت فلوس من صديقه لي في مالطا عشان فلوسي كملن
وعلي اخر يوم كلمت شخصيات مهمه في بنغازي بش كلمو شخصيات مهمه في تونس بش اخيرا حصلت بوردينج
وقعدت انبوس في البوردينج
كاني مسافر امريكا
واول منزلت لمطار الابرق بست الارض وعرفت قيمه انك اتكون في بلادك وبين ناسك من غير محد ايذلك ولا ايفشك عليك
وروحت لبنغازي من القهر سحبت 6000 جنيه من حسابي سللكت بيهن الي يبو مني فلوس والباقي حطيتهن قدامي وقعدت انبحت فيهن بلا سبب
مجرد شعور بالنقص مما صارلي في رحلتي واسف جدا جدا ع الاطاله
وانشالله عجبتكم الستوري وتعلمتو منها اي حاجه والسلام عليكم
الصوره: لعيل صغير ليبي كنت انكسسد معاه كل يوم في المطار ونسمعوا في اغاني مع بعضنا من #الكساد
بعد #وارسو و #بروكسل و #باريس
شهر 8 2014
القصه الاخيره والي حتقطع قلوبكم والي كانت بالنسبه ليا اسوأ تجربه مريت بيها علي الاطلاق ، من بلد عربي شقيق كان حتى وقت قريب من الدول الي يحترمو ويخافو من الليبيين وايعلوا في قدرهم
بس حاليا الليبين فيها يداس عليهم بالاحذيه وبتعاملو معامله كلاب #حشاكم
عموما بعيدا عن السياسه نبدو قصتنا الاخيره من #تونس
كنت مروح من رحله زرت فيها بولندا وفرنسا و المانيا الي كنت منبهر جدا بمدى ثقافه شعبها وصنفتها في رحلتي انها من افضل الدول الاوروبيه على الاطلاق
المهم ان معنوياتي كانن مرتفعه جدا وانا نستنا في رحلتي من باريس الى تونس ومن تونس الى الكبيده #بنغازي
وصاحبي ادم ( الي كان معايا في الرحله ) سيبني وعدا للسويد وقاللي انه حيرد بعد 4 ايام لبنغازي عشان عنده شغل في السويد
وصلت لتونس بسلامه الله وكنت مفروض اني نقعد فيها 4 ساعات لابال مرحلتي الثانيه تقلع
قعدت مقمعز في المطار انراجي في طيارتي وعلي حين غفله
رن تليفوني
انا: الو
الحاجه امي: ايوه يا علي
بعد الترحيبات والسلامات واطمنت عليها واطمنت عليا
قالتلي: يا علي الوضع في بنغازي مش تمام ونحنا ماشين للقاهره بكرا
فانت حاول انك تحجز من تونس للقاهره دغري بدل متروح ليبيا لان ترويحتك في خطر ومش مضمونه
انا ( من غير اقتناع ): باهي ساهل خليني توا انروح بس وتو نطلعو مع بعضنا بكرا للقاهره
هيا: محصلنش الا تذكرتين بس انا وخوك وزحمه ومش حتحصل ، عشان هكي نبيك تحجز تونس القاهره ، ونحنا اصلا طالعين توا للبيضا ومنها لطبرق وحنسافرو من المطار الاخر فلذلك مش حتطق فينا .
بعد شد وخبط ولت وعجن ودوه واجد معاها اقنعتني بحس الامومه ودواعي الخوف اني انفوت رحله العوده وانعدي نقعد في هوتيل يوم واحد وانشوف اول رحله بكره للقاهره
وياريتني ماقتنعت
ملاحظة بس نبيكم تعرفوها: انا مش من نوعيه الناس الي اتحب الفيزا كارد( وحنندم علي الحاجه هذي في السطور القادمه ) ديما انحب انشيل معايا كاش وفي كل رحله وفي اخر يوم انخلي في جيبي في مبلغ ايعيشني يومين في البلاد الي حننروح منها حتا لو كنت قاعد فيها ساعتين بس
وفي الرحله هذي كنت مكمل فلوسي كلهن ما يقارب عن ( 5000 يورو ) في ماركات المانيا وحفلات بولندا والشانزليزيه بتاع باريس وخليت معايا 120 يورو نصررفهن بالتونسي ايجن قريب 600 دينار وكسور ممكن نصرفهن في duty free علي اساس اني مروح لليبيا وكان عندي برضو 20 او 30 دينار تونسي من رحله الذهاب
وبعد الحديث الي صار مع الوالده كلمت صديق ليا عشان يحجزلي في هوتيل في تونس وقتله لما انجي بنغازي حنعطيه الفلوس .
قضيت يومي في الفندق واموري تمام ( حجزت ليله وحده )
وفي اليوم التاني نضت خذيت شنطتي وجوازي وتوكلت علي الله عشان نحجز تونس القاهره بالفلوس الي عندي
وانا في التاكسي في طريقي للمطار رنت الحاجه
الو
الو يا حاجه
يا علي راه صارت مشكله في المطار ومقدرنش نركبو للقاهره والتذكره بتاعنا مش حنقدروا نركبو بيها الا بعد اربع ايام فانتا حاول انك اتجينا هنا وخلاص ونطلعو مع بعضنا عشان حصلتلك تذكره راه .
انا بكل غضب الدنيا: مو قلنا هكي من الاول وتوا التذكره راحت عليا .
هيا بصوت اسف مرير: معلش يا وليدي مو انا نسحاب روحي حنسافر اليوم .
انا بنبره الغضب: باهي باهي خلاص سكري توا .
طبعا كنت في قمه الغضب وانا انقول للتاكسي ايغير مساره من المطار لشارع الحبيب عشان انعدي للخطوط الليبيه انغير التيكت علي اقرب طياره
وصلت للمكتب
دخلت
صار الحوار هذا باختصار شديد
انا: نبي انغير التذكره بتاعي .
هيا: اقرب رحله بعد 10 ايام وتدفع فرق 60 دينار .
انا مصدوما: مفيش اقرب من هكي ؟
هيا ؛ لا .
لففت بيا الدنيا وانا مش عارف شن اندير وكيف حنقعد عشر ايام في بلاد انا منحبش امها بككل
بس في النهايه قررت اني نحجز التذكره ؤخلاص
#امر_واقع
انا: اوك بنحجزها .
هيا: عطيني جوازك وتذكرتك ولازم فلوس تونسيات ، صررف اليورو الي معاك .
انا في قمه الغضب: حاضر استني شويه
لعند هنا احبابي واصدقائي وصديقاتي القصه مزالت مبدتش والمعاناه الحقيقيه جايه في الطريق
سيبت الشنطه والجواز والتيكت عند الانسه في المكتب وطلعت انصرف في اليورو
دورت ودورت
ملقيتش مكان قريب
تباعدت شويه نين وصلت لنهايه ااشارع ولقيت قدامي اسوء ناس ممكن انقابلهم في حياتي
مجموعه من الشرطة التونسيه
حسوني مش تونسي
فسالوني وين اثبات الشخصيه
انا: حكيتلهم الموضوع
هما: كيف طالع من غير اثبات . انتا كذاب
انا ؛ تعالو معايا للمكتب
هما: لالا تو انشدوك معانا للحاكم ( مركز الشرطة )
وقعدنا نص ساعه في كر وفر ودوه وهما موضوعهم كله ان بيطلعو مني باي مبلغ ممكن وانا مسككر راسب وحتا لو بنعطيهم معش عندي الا 100 يورو بنصرفهن عشان نعطي منهن للمكتب
بعد بهدله نص ساعه وفتح مواضيع قذافي ما قذافي
طلقوني
ودورت دورت صرافه نين لقيت
وصرفت ورديت بسرعه للمكتب
وهنا الصدمه
المكتب سككر
وقفت قدامه مصعوق وكاني قابلت قيامتي
المكتب سككر وفيه
جوازي
وشنطتي
والتيكت بتاعي
استكيت في مكاني لمده 6 دقايق مش عارف شن اندير
بحتت في تليفوني
مش عارف من بنكلم
وشن بندير
بحتت في المكتب
مكتوب انهم يخدمو نص يوم ومش حيفتحو الا بكره صباحا
خسفت بيا الارض
وبحتت في الشنطه الصغيره الي كانت علي كتفي
فيها شحني وعده الحلاقه وشويه اوراق وذكريات من الرحله
وقعدت انفكر شن اندير شن اندير
طلععت تليفوني
وكللمت الحاجه
شرحتلها الموقف وقلتلها اتكللم خويا يحجزلي في هوتيل نقعد فيه لمده عشر ايام ( علي فرض ان الانسه حجزتلي الرحله بعد 10 ايام )
وحولولي فلوس من حسابي عشان نصرف بيهن لابال مروحت
صدمتني باحقر خبر ممكن
الويسترين يونيون ( طريقه تحويل الفلوس ) مسككر في بنغازي
زاد الرعب عندي طبعا
10 ايام
من غير فلوس
حاجه صعبه جدا
وهذي كانت تاني ضربه وخبر مفزع ايجيني في نفس اليوم
سكرت من الحاجه واتفقت معاها علي حجز الهوتيل وقلتلها تو نصصرف في الفلوس وكلمت واحد صديقي في تونس حكيتله القصه وقالي تعال اقعد معايا في شقتي لابال محجزولك الهوتيل
بدل منعديله في شقته تلاقينا في كفي قريب منه وقعدنا اليوم كله مع بعضنا من غير منعدو لشقته لعند الساعه 12 في الليل وانا انحاول ننسي الshit الي صارلي طول اليوم
وبعدها نزلت قدام الهوتيل وهما عددو
خشيت للهوتيل
باختصار
عندي حجز عندكم
تمام بس عطيني جوازك
جوازي صارله كذا وكذا وكذا
للاسف منقدرش انخششك من غير جواز او اثبات
او اتخلي عندنا ضمان 150 يورو
انا مفيش لا هذا ولا هذا
هما: معندي منديرلك لازم اثبات شخصيه
انا: باهي خللي 400 دينار ضمان
هما: للاسف منقدرش
بعد ساعه ونص نقاش
ملقيتش حل انديره الا اني نطلع من الفندق
وفي تلك اللحظة اسكرن جميع السبل في وجهي
وعشت اسوء لحظة في حياتي وانا قاعد في شارع الحبيب بورقيبه الساعه واحد ونص في الليل
من غير مكان انبات فيه
من غير جواز
من غير دبش
وشحن تليفوني 4 في الميه
والشحن معايا بس وين نشحن
صبيت في شارع الحبيب مصدوم
والشارع فاضي الا من بعض الماره
انا الي كنت في المانيا وبولندا مهيج من كم يوم
نلقا روحي في الشارع
#صعبت_عليا_نفسي
رنيت علي صاحبي 40 مره
مردش
عشان كان عنده عمليه في الصبح وخش رقد
وشحني قعد 3 في الميه
وانا شعوري شعور الهوملس
خشيت ع النت ورنيت علي ناس بالمسنجر عشان ايرنو علي اصحابي وهلي ايديرولي حل
الي رد منهم مقدرش ايطق في هلي
والي مردش مردش
عموما
الشحن 1 في الميه
ومفيش امل في اي حاجه
( اكيد صارلكم التشويق وبتعرفو المسكين انا شن حيصير فيا )
مريت من يلا واحد شحات وقتله السلام عليكم
رد عليا السلام وناداني وانا انتباعد عليه
خويا
انا: نعم
هوا ( مترجم لليبي ) : انحس فيك تبرم من بدري لو تبي اي خدمه او حاجه قولي انحس فيك حايس .
انا والدمعه قريب تنزل مني من كثره موجعتني روحي: نبي حد يشحنلي التليفون هذا بس .
وكانه ربي بعثه ليا من السما
شالني معاه لواحد صاحب بار شحننا عنده تليفوني وقعد ايهدرزلي انه معندش مكان ايبات فيه وانه ايحس بالناس الي كيفي الي قاعدين ايلفو في الشوراع وصاحب الهوتيل الي هوا يسكن فيه لززه عشان مدفعش له اسبوعين
المهم
هدرزنا
وهدرزنا وهدرزنا ودخننا مع بعضنا لعند متليفوني شحن
وانا مش مصدق كيف ربي دزلي الانسان هذا في هذا الوقت بالذات
وخذا رقمي كتبه في يده
وعطيته فلوس يشري بيهن اكل وشكرته واجد بكل ورنيت علي صاحبي اخرا نين رد عليا وقالي عنوان الشقه
ركبت في تاكسي وعديتله
وقعدت عنده الليله وانا انتاسفله ع السكنان الي درته له
عموما
الصبح جا
ونظت بسرعه اول واحد في الدنيا درت دوش
و خذيت تاكسي ( بنفس الدبش من امس )
وعديت خذيت حاجاتي من المكتب
وصعقوني بالصعقه الجديده
اقرب موعد بعد اسبوعين
والبنت محجزتليش عشان انا مجبلتهش الفلوس #امس
انا طبعا مزلت مش فاهم كيف الدنيا تضرب فيا هكي
مبتش نحجز بعد اسبوعين
وسالتها مفيش حل ؟
قالتلي املك الوحيد انك تركب waiting
في حاله حد من المسافرين مجش
صدمات صدمات صدمات
خذيت التيكت منها وجوازي وشنطتي
طلعت من المكتب لقيت الشحات ايراجي فيا برا سلمت عليه وعطيته من اخر فلوس عندي
مبلغ ايسلك بيه صاحب الهوتيل
ورديت للهوتيل بتاعي تريحت فيه شويه بعد مشافو اخيرا الجواز
وبعدين كلمت هلي قلتلهم يلغو باقي الايام عشان المعامله الزفته الي لقيتها من الفندق في اليوم السابق
وعديت قعدت في شقه صاحبي
وكل يوم نطلع من 7 في الصبح للمطار وانصبي في طابور الوايتينج 100 شخص اقل حاجه
وايركبو في الي معاه ok وايفوتو في الوايتينج
وايعاملو فيهم معاملة معيز
( يا ديرو طابور يا مفش رحله )
وناس بايتين في المطار عشان فلوسهم كملن
عائلات ومصابين مطوحين في المطار املهم يركبو بس في طياره لبلادهم
والتوانسه ايبزنسو وايبيعو في الكرسي ب 100 و 200
اسبوع ع الحال هذا وانا كل يوم نقعد في المطار 12 ساعه
انراجي في الرحلتين
وايتينج
وميصير شي
انوض 7 ونقعد في المطار لل8 وانروح نرقد
وانوض اليوم التالي وهكذا
وفي اخر يوم ركبت مع تاكسي وحطني عند المطار وجرا بشنطه دبشي قبل منسلكة
) سرقها )
وانا فاض بيا الحيل واسلفت فلوس من صديقه لي في مالطا عشان فلوسي كملن
وعلي اخر يوم كلمت شخصيات مهمه في بنغازي بش كلمو شخصيات مهمه في تونس بش اخيرا حصلت بوردينج
وقعدت انبوس في البوردينج
كاني مسافر امريكا
واول منزلت لمطار الابرق بست الارض وعرفت قيمه انك اتكون في بلادك وبين ناسك من غير محد ايذلك ولا ايفشك عليك
وروحت لبنغازي من القهر سحبت 6000 جنيه من حسابي سللكت بيهن الي يبو مني فلوس والباقي حطيتهن قدامي وقعدت انبحت فيهن بلا سبب
مجرد شعور بالنقص مما صارلي في رحلتي واسف جدا جدا ع الاطاله
وانشالله عجبتكم الستوري وتعلمتو منها اي حاجه والسلام عليكم
الصوره: لعيل صغير ليبي كنت انكسسد معاه كل يوم في المطار ونسمعوا في اغاني مع بعضنا من #الكساد
اهو اانت شن استفدت من الكاش متاعك