في المانيا تتعامل وزاره النقل مع الشعب بمبدا...

[Ali Fakree Eldin ElSallabi]

في المانيا تتعامل وزاره النقل مع الشعب بمبدا الثقه
فمثلا في مالطا واسبانيا عندما تركب الباص الحكومي تدفع وتاخذ التذكرة عند باب السواق
او ايجيك المحصل لعندك
بس في المانيا حاطين الاله بتاع التذاكر في النص
وايتوقعوا منك كمواطن محترم اتخش تاخذ تذكرتك واتقمعز من غير محد ايتابعك او ايجي شورك .
تخايلو لو طبق الامر في ليبيا

 

[Asia Mohameed]

مليح بكل لو طبقوها عندنا احتمال الوزارة تفلس نص الشعب مش حيخلص

 

[Ali Fakree Eldin ElSallabi]

الموظفين مش حيقبضو بال 10 سنين

 

[Selima Azouz]

المانيا وليبيا فيها بشر مافيش اي فرق بينهم في الاصل ،،، يعني على ما عوداته بلاده وحكومته
الخطوة هذي في المانيا سبقها خطوات واجدة بكل من تطبيق للقانون في البلاد ،، يعني البلاد كلها ماشية عالقانون بالميلي
لكن تجي لبلاد الجيش فيها هو اول من يقص الاشارة الجمرا ويمشي عكسي "خطأ في التوقيت بس"

 

[Orayda S. Gaderbouh]

بس مش في جميع مدن المانيا المدن الكبيرة فقط لان ماعندهمش وقت يوقفوا لعند يبيع تذكرة لكل راكب ، مثال ميونخ فيها الخاصية هذي شفتها بعيني ههههههه

 

[Ali Fakree Eldin ElSallabi]

عديت لمدينه صغيره اسمها كولنجه وكان فيها النظام هذا

 

[Schatze Hamid]

بس برضو يديروا في تفتيش مفاجئ واللي ما عنداش تذكره يدفع أربعين يورو غرامه

 

[Asia Mohameed]

هو هذا القوانين الصارمة هما ماعندهمش هدا صاحبي وهدا قريبي وهذا جاري القانون يمشي ع الكل يوم اللي نقتنعوا بنظرية هادي حتتعدل بلادنا

 

[Homy Alwarfally ʚïɞ]

حتي في ايطاليا هكي ..جميع وسائل النقل الحكوميه

 

[Mahboba El Harir]

بس في المانيا مره مره تلقي مفتش قدامك في القطار و يقولك وين تذكرتك

 

[Monia Bugrain]

صح ماتلقاهش قدام

 

[Ezeddin BenAli]

الأله هده حتدير الغبره وما حد حيحي جهتها وممكن يديروها طفايه

 

[Hatem Gebril]

ههههههههه احتمال الأله يمشطوها

 

[Gamal Elfiture]

علي فكره اللمانيا عشت فيها .. مافش منه الدوه هذي .. بالعكس شبه يومي يفتشو ع التذاكر

 

[Hanin Benhalim]

في هولندا تخش عادي بالكرت من اي باب سواء الامامي او الخلفي ولما توصل مكانك وتبي تنزل تمشي الكرت عالالة قبل الخروج ههههه طبعا من ذكائي انا وزوجي مش فاهمين كيفية التعامل خشينا وطلعنا بدون ماندفعوا شي ههههه بعدها تتبعنا الخطوات وفهمنا

 

[Heba F ELsaity]

 

[Dagh Amy]

 

[Hanin Benhalim]

ونعطيك معلومة عن احدى الباصات في امريكا حيثما انا الان احد انواع القطارات الاله بتاع تمرير بطاقة الدفع موجودة بالخارج جنب مقاعد جلوس انتظار الباص والقطار وكلهم قبل ما يوصل الباص والقطار يمررو البطاقة ثم يركبو الباص او القطار وكله تعامل بالضمير ،، كنت نقول كيف يعرف سائق الباص من دفع من لا ،، بعدها اكتشفت انها مساءلة ضمير ليس الا

 

[Radia Ali]

نفس الشي في فرنسا، تدفع بنفسك وتاخذ كرتك أو يكون عندك كرت إشتراك متاع الدفع المسبق. مع إن الواحد يقدر يركب من غير أي كرت يعني الترام والباص والمحطات مفتوحات عادي ولكن لو جاء موظف الكنترول وماعندكش بطاقة حتاخد غرامة أقل شي 50 يورو.