M
Mohamed Elselini
:: مسافر ::
#احكي_عن_سفرك_مع_ترافل_لفرز
في عماّن الأردن, في الليل كلمني واحد سوري نعرفه الي هو صاحب اصحابي, وطلب مني خدمة يبيني نشيله في سيارتي بيش ياخذ فلوس "امانة" يبيهن من صاحب باته. المشوار كان لمنطقة بعيدة تجي علي طريق مادبا. المهم قلتله ماعندكش مشكلة وهيا نعدو.
بعدها اكتشفت ان المشوار ابعد مما كنت انتخيل وخشينا بالسيارة في جخاريب بين المزارع وشوارع فرعيات واجدات نين معش جمّعت من كثرت اللف جو المنطقة. بعد ماوصلنا نزل صاحبنا بياخد "الامانة" متاعه وقعدت نرجا فيه . لكن فاتت 40 دقيقة ومعش طلع. ونشوف في سيارات واجدات ايجن قدام المزرعة كل مرة تجي سيارة تقعد شوية وتعدي وتجي سيارة وحدخرا نفس القصة. المهم بعدها اكتشفت ان المكان مقر يبيعو فيه في المرجوانا وحاجات ثانيات , وصاحبنا استغلني بيش يجي يشري مرجوانا وقبل غلظني معاه في قضية (المخدرات في الاردن مافيهنش بصارة والي مشا للاردن اكيدة سامع بالقوانين متاعهم كيف وعرات). نردو للقصة, صاحبنا طلع بعد ساعة وتاريته القدر انتقملي هههههههههه تاريته بعد ماخش للمزرعة جاه زبون كيفه و الزبون دار روحه بياع وخدا منه حق البضاعة وحل بيهن (شي 50 دينار اردني). واصحاب المزرعة طلعو بسيارات يلحقو في الي نصب علي صاحبنا بيش يردوله حقه مايبوش ايخربو سمعتهم ههههههه , لكن في الاخير راحن عليه فلوسه والبضاعة وتشلط قبل مايركب.
في عماّن الأردن, في الليل كلمني واحد سوري نعرفه الي هو صاحب اصحابي, وطلب مني خدمة يبيني نشيله في سيارتي بيش ياخذ فلوس "امانة" يبيهن من صاحب باته. المشوار كان لمنطقة بعيدة تجي علي طريق مادبا. المهم قلتله ماعندكش مشكلة وهيا نعدو.
بعدها اكتشفت ان المشوار ابعد مما كنت انتخيل وخشينا بالسيارة في جخاريب بين المزارع وشوارع فرعيات واجدات نين معش جمّعت من كثرت اللف جو المنطقة. بعد ماوصلنا نزل صاحبنا بياخد "الامانة" متاعه وقعدت نرجا فيه . لكن فاتت 40 دقيقة ومعش طلع. ونشوف في سيارات واجدات ايجن قدام المزرعة كل مرة تجي سيارة تقعد شوية وتعدي وتجي سيارة وحدخرا نفس القصة. المهم بعدها اكتشفت ان المكان مقر يبيعو فيه في المرجوانا وحاجات ثانيات , وصاحبنا استغلني بيش يجي يشري مرجوانا وقبل غلظني معاه في قضية (المخدرات في الاردن مافيهنش بصارة والي مشا للاردن اكيدة سامع بالقوانين متاعهم كيف وعرات). نردو للقصة, صاحبنا طلع بعد ساعة وتاريته القدر انتقملي هههههههههه تاريته بعد ماخش للمزرعة جاه زبون كيفه و الزبون دار روحه بياع وخدا منه حق البضاعة وحل بيهن (شي 50 دينار اردني). واصحاب المزرعة طلعو بسيارات يلحقو في الي نصب علي صاحبنا بيش يردوله حقه مايبوش ايخربو سمعتهم ههههههه , لكن في الاخير راحن عليه فلوسه والبضاعة وتشلط قبل مايركب.