S
Soha Al Hashmi
:: مسافر ::
#احكي_عن_سفرك_مع_ترافل_لوفرز
خلي نحكيلكم موقف ثاني الغرض من مواقفي أنكم تتفادو الاخطاء اللي درتها ....
الرمضان اللي فات قررنا انصيومو في دوله عربية بما أننا مقييمين في المجر و اخترنا تونس لانها قريبه من ليبيا و احبابنا يقدرو يجونا المهم وقتها بابا كيف كان شاري سيارة عائلية قلنا خلي نمشو بالسيارة #جو_افلام
المهم طلعنا ثاني يوم رمضان و مشينا لسلوفينيا و ميلانو الحب و انتهت الرحله بميناء جنوا و ركبنا الباخرة و كانت أول مرة نركب باخرة استمعت بالرحلة عالاخر كانت مدتها 24 ساعه
وصلنا لتونس #حلق_الواد كنا حاجزين في سوسة بس اول ما وصلنا أصحابنا أصرو نقعدو معاهم يومين في العاصمه و قعدنا و ثاني يوم اصبحنا علي خبر الإرهابي اللي قتل الناس في شط سوسة حرمنا و قعدنا في مكانا المهم قعدنا 5 أسابيع شبه يوميا الفطور عالبحر و ريحه الياسمين مرافقه اجازتنا
#نصيحه اللي يبي بحر لا قبله و لا بعده حاجه بجد ابداااااع و قريب من العاصمه يمشي لغار الملح بنزرت شي خياااالي
المهم تمت الرحلة سلمنا الشقه و اطلعنا للميناء خشينا القينا الميناء فاضي اللطف وين الناس اسألنا واحد قال مافيش رحله لجنوا اليوم غير ركز يا سي المحترم غير يهديك ربي قال و الله مافي هاتو الحجوزات خلي نتأكدلكم طلع الحجز يوم 27 . 6 في عوض 27.7
غلطنا في الحجز و المشكله اني اللي حجزت
العيله قريييييب كلوني ضيعت عليهم 1800 يورو
المهم رجعنا و حجزتا فندق و هربت قطوسي تهريب لاني ما خلونيش اندخله للهوتيل قعدت معاه في السيارة للساعة 3 في الليل باش غيرت التوكة بتاع الريسبشن و فرحت بيهم و هربته ...
ثاني يوم مشينا حجزنا و طلعنا الضهر من تونس
طبعا المخططات كانت أن حنقعدو في فينيسيا يومين بس بما اني ارزيتهم في قريب 2000 ورقه نقدية من عمله اليورو فالتغي الموضوع .... و خوتي قسما بالله قريييييب قتلوني سبان و قرص ..
مزال الكوارث مستمرة أنزلنا جنوا و كيف خشينا طريق ميلانو خرب الGPS
و كان يوم أحد و كل شي مسكر لدنا ميلانو ممكن 10 مرات
لين في الأخير ضربت الجهاز و عزقته و شحنته و مشعارفه شن درتله انفتح
و كملنا الطريق بس تعبنا هلبا و كنا جنب فينسيا قعدت انقول لبابا ارتااااااح يا وبييي كله إلا صحتك لازم ترتاح خلينا انباتو ليله في فينيسيا و شكله بابا كان تعبان بجد سمع كلامي
و نزلنا قعدنا ليله و طبعا اني ما ارقدتش لدت فينسيا شااارع شارع في عقابات الليالي زي الخانب ..
و بعدين كملنا و رجعنا بالسلامة الحمد لله
و شكرا
ركزوا في حجوزاتكم دييمه و انتبهوا و في تونس ما تفرحوش بحد لو متأكدين أنكم مش غالطين اه و في الباخرة من جنوا لتونس شيلو معاكم أكل لأن اكلهم حاشة النعمه
خلي نحكيلكم موقف ثاني الغرض من مواقفي أنكم تتفادو الاخطاء اللي درتها ....
الرمضان اللي فات قررنا انصيومو في دوله عربية بما أننا مقييمين في المجر و اخترنا تونس لانها قريبه من ليبيا و احبابنا يقدرو يجونا المهم وقتها بابا كيف كان شاري سيارة عائلية قلنا خلي نمشو بالسيارة #جو_افلام
المهم طلعنا ثاني يوم رمضان و مشينا لسلوفينيا و ميلانو الحب و انتهت الرحله بميناء جنوا و ركبنا الباخرة و كانت أول مرة نركب باخرة استمعت بالرحلة عالاخر كانت مدتها 24 ساعه
وصلنا لتونس #حلق_الواد كنا حاجزين في سوسة بس اول ما وصلنا أصحابنا أصرو نقعدو معاهم يومين في العاصمه و قعدنا و ثاني يوم اصبحنا علي خبر الإرهابي اللي قتل الناس في شط سوسة حرمنا و قعدنا في مكانا المهم قعدنا 5 أسابيع شبه يوميا الفطور عالبحر و ريحه الياسمين مرافقه اجازتنا
#نصيحه اللي يبي بحر لا قبله و لا بعده حاجه بجد ابداااااع و قريب من العاصمه يمشي لغار الملح بنزرت شي خياااالي
المهم تمت الرحلة سلمنا الشقه و اطلعنا للميناء خشينا القينا الميناء فاضي اللطف وين الناس اسألنا واحد قال مافيش رحله لجنوا اليوم غير ركز يا سي المحترم غير يهديك ربي قال و الله مافي هاتو الحجوزات خلي نتأكدلكم طلع الحجز يوم 27 . 6 في عوض 27.7
غلطنا في الحجز و المشكله اني اللي حجزت
العيله قريييييب كلوني ضيعت عليهم 1800 يورو
المهم رجعنا و حجزتا فندق و هربت قطوسي تهريب لاني ما خلونيش اندخله للهوتيل قعدت معاه في السيارة للساعة 3 في الليل باش غيرت التوكة بتاع الريسبشن و فرحت بيهم و هربته ...
ثاني يوم مشينا حجزنا و طلعنا الضهر من تونس
طبعا المخططات كانت أن حنقعدو في فينيسيا يومين بس بما اني ارزيتهم في قريب 2000 ورقه نقدية من عمله اليورو فالتغي الموضوع .... و خوتي قسما بالله قريييييب قتلوني سبان و قرص ..
مزال الكوارث مستمرة أنزلنا جنوا و كيف خشينا طريق ميلانو خرب الGPS
و كان يوم أحد و كل شي مسكر لدنا ميلانو ممكن 10 مرات
لين في الأخير ضربت الجهاز و عزقته و شحنته و مشعارفه شن درتله انفتح
و كملنا الطريق بس تعبنا هلبا و كنا جنب فينسيا قعدت انقول لبابا ارتااااااح يا وبييي كله إلا صحتك لازم ترتاح خلينا انباتو ليله في فينيسيا و شكله بابا كان تعبان بجد سمع كلامي
و نزلنا قعدنا ليله و طبعا اني ما ارقدتش لدت فينسيا شااارع شارع في عقابات الليالي زي الخانب ..
و بعدين كملنا و رجعنا بالسلامة الحمد لله
و شكرا
ركزوا في حجوزاتكم دييمه و انتبهوا و في تونس ما تفرحوش بحد لو متأكدين أنكم مش غالطين اه و في الباخرة من جنوا لتونس شيلو معاكم أكل لأن اكلهم حاشة النعمه
