E
Ekoo Shahin
:: مسافر ::
#احكي_عن_سفرك_مع_ترافل_لفرز
موقف من تجربتي في مصر
مرة في رمضان اللي فات ركبت تاكسي والمشوار كان خفيف ، ونذكر اني ركبت بدون عداد عشان المغرب كان قريب ويرفضو يشغلو العداد ، عالمهم كنت ملاحظ ان سواق التاكسي بلعوط اشوية من طريقة كلامه وحركاته ، لكن انا درت روحي امفتح وقلت في خاطري لالا هذا مش حيقدر يبرمني ويضحك عليا ، طبعا الجملة هذي نقول فيها مع جميع التكسيات والحمد لله كلهم يبرمو فينا ، عالعموم وصلنا للمشوار وكان تقريبا يكلف كان كثر وطار 10 جنيه وكان بيقولك كل سنة وانت طيب ياباشا ويبي يجداك حتعطيه 20 جنيه بالرضا وانت مسامح عشان ماتحسش انه انضحك عليك ، طلعت التزدان وطلعت 50 وقتله خوذ حقك ، ردلي 20 جنيه قتله نسامحو في 5 في 10 لكن 20 لنقنهن واجدات ، قعدت 5 دقايق وانا نشرحله في كلمة " لنقنه " و10 دقائق وانا نتفاهم انا وياه انه يردلي الـ10 ، هو صكر راسه ، وانا جتني تصكيرت راس التحشيش اللي قبل المغرب متاع الليبيين ومعاها تصكيرت الراس متاع ماتبيش تحس روحك مضحكة ، عالمهم انختم النقاش بكلمة " ورحمة امك تسيبهم " انا رقا عليا البوري ودخت في هذك الساعة ، قتله ورس امك كيف عرفت ، قالي قولتها بالصدفة ماصدقتش ، قتله اتقولي كيف عرفت نعطيك الـ 10 جنيه وانا مسامح ، قالي طيب وضحك وقالي " انت لما فتحت المحفزة شفت صورة ابيض واسود لست صغيرة في المحفظة فشكيت انها امك ومتوفية لان هذا هو السبب اللي هيخليك تحط صورة لست في محفزتك " ولاني انا صاح حاط صورة للمرحومة في التزدان وبنفص المواصفات سكتت وضحكت وقتله " بعععع " انتم " بعععع " وانا كبهير انبهرت توكل على الله
الملخص انك ماتديرش روحك امفتح عالمصرية نهائي لانه حينضحك عليك حينضحك عليك
موقف من تجربتي في مصر
مرة في رمضان اللي فات ركبت تاكسي والمشوار كان خفيف ، ونذكر اني ركبت بدون عداد عشان المغرب كان قريب ويرفضو يشغلو العداد ، عالمهم كنت ملاحظ ان سواق التاكسي بلعوط اشوية من طريقة كلامه وحركاته ، لكن انا درت روحي امفتح وقلت في خاطري لالا هذا مش حيقدر يبرمني ويضحك عليا ، طبعا الجملة هذي نقول فيها مع جميع التكسيات والحمد لله كلهم يبرمو فينا ، عالعموم وصلنا للمشوار وكان تقريبا يكلف كان كثر وطار 10 جنيه وكان بيقولك كل سنة وانت طيب ياباشا ويبي يجداك حتعطيه 20 جنيه بالرضا وانت مسامح عشان ماتحسش انه انضحك عليك ، طلعت التزدان وطلعت 50 وقتله خوذ حقك ، ردلي 20 جنيه قتله نسامحو في 5 في 10 لكن 20 لنقنهن واجدات ، قعدت 5 دقايق وانا نشرحله في كلمة " لنقنه " و10 دقائق وانا نتفاهم انا وياه انه يردلي الـ10 ، هو صكر راسه ، وانا جتني تصكيرت راس التحشيش اللي قبل المغرب متاع الليبيين ومعاها تصكيرت الراس متاع ماتبيش تحس روحك مضحكة ، عالمهم انختم النقاش بكلمة " ورحمة امك تسيبهم " انا رقا عليا البوري ودخت في هذك الساعة ، قتله ورس امك كيف عرفت ، قالي قولتها بالصدفة ماصدقتش ، قتله اتقولي كيف عرفت نعطيك الـ 10 جنيه وانا مسامح ، قالي طيب وضحك وقالي " انت لما فتحت المحفزة شفت صورة ابيض واسود لست صغيرة في المحفظة فشكيت انها امك ومتوفية لان هذا هو السبب اللي هيخليك تحط صورة لست في محفزتك " ولاني انا صاح حاط صورة للمرحومة في التزدان وبنفص المواصفات سكتت وضحكت وقتله " بعععع " انتم " بعععع " وانا كبهير انبهرت توكل على الله
الملخص انك ماتديرش روحك امفتح عالمصرية نهائي لانه حينضحك عليك حينضحك عليك
والله يرحم الوالده ويغفرلها