A
Abdessalam Mhmd
:: مسافر ::
#احكي_عن_سفرك_مع_ترافيل_لوفيرز
عذرا ع المنشور الثاني لكن حتى هوا موقف خطيير بكل وحبيت انشاركه معاكم ..
الموقف حتى هوا كان ف انقره
كنا 4 شباب طلعنا تعشينا مع شباب أخرى من ليبيا والشباب هذوم يسكنوا بعيييد بكل ، المهم درنا محشي وسلايط وجو م الاخير وانسينا الوقت ، بحتنا ف الساعه القيناها قريب ال1 بعد منتصف الليل ، وطبعا وبكل استعجاب سألنا ارواحنا كيف بنروحوا ؟ لأن المترو والباصات يصكرن ع 12 يعني مافيهش الا تكسي والفلوس منين ياحسره كل اللي معانا 9 ليره وملقطات ،" 5 مصكره والباقي حديد ههههههه " والتاكسيات ف اي دوله ف العالم يخدمن بالدبل ف الليل ، المهم واحد م الشباب كان يكلم ف هله ع الفايبر فا ماكانش مركز معانا ، لقينا واحد صاحب تكسي قلناله نبو يلدز ب 9 ليره ضحك الراجل وقال اركبوا ، ضبحنا لصاحبنا وجا قلناله معاك فلوس ؟ استك قال لالا ومازال يكلم ، وبعد ركبنا قلناله نديروا خطه كل مره ينزل واحد بحيث مانخلوش السواق يعرف الحوش قال باهي وانا نزلوني اول واحد قلناله تم ، مشينا اشويه بعدها قعد يقول للسواق دور دور معناها وقف ، نزل صاحبنا ونحن وصلنا للحوش صلينا العشاء وتفرجنا ع التلفزيون وكسدنا ع النت بعدها دق الباب ، فتحنا لقيناه قريب يموت م الدراديح قال كيف صار فيكم ؟ " مازال متشوق يعرف كيف درنا " قلناله وصلنا لعند الحوش ولمدناله 9 ليره وخذاهن وعدا ، عطانا النظره هذ وفهم الجو كله وبدا ف التهزيب ، قال كلام واااجد بكل , المهم عدت ابجوها وامنورين ..
عذرا ع المنشور الثاني لكن حتى هوا موقف خطيير بكل وحبيت انشاركه معاكم ..
الموقف حتى هوا كان ف انقره
كنا 4 شباب طلعنا تعشينا مع شباب أخرى من ليبيا والشباب هذوم يسكنوا بعيييد بكل ، المهم درنا محشي وسلايط وجو م الاخير وانسينا الوقت ، بحتنا ف الساعه القيناها قريب ال1 بعد منتصف الليل ، وطبعا وبكل استعجاب سألنا ارواحنا كيف بنروحوا ؟ لأن المترو والباصات يصكرن ع 12 يعني مافيهش الا تكسي والفلوس منين ياحسره كل اللي معانا 9 ليره وملقطات ،" 5 مصكره والباقي حديد ههههههه " والتاكسيات ف اي دوله ف العالم يخدمن بالدبل ف الليل ، المهم واحد م الشباب كان يكلم ف هله ع الفايبر فا ماكانش مركز معانا ، لقينا واحد صاحب تكسي قلناله نبو يلدز ب 9 ليره ضحك الراجل وقال اركبوا ، ضبحنا لصاحبنا وجا قلناله معاك فلوس ؟ استك قال لالا ومازال يكلم ، وبعد ركبنا قلناله نديروا خطه كل مره ينزل واحد بحيث مانخلوش السواق يعرف الحوش قال باهي وانا نزلوني اول واحد قلناله تم ، مشينا اشويه بعدها قعد يقول للسواق دور دور معناها وقف ، نزل صاحبنا ونحن وصلنا للحوش صلينا العشاء وتفرجنا ع التلفزيون وكسدنا ع النت بعدها دق الباب ، فتحنا لقيناه قريب يموت م الدراديح قال كيف صار فيكم ؟ " مازال متشوق يعرف كيف درنا " قلناله وصلنا لعند الحوش ولمدناله 9 ليره وخذاهن وعدا ، عطانا النظره هذ وفهم الجو كله وبدا ف التهزيب ، قال كلام واااجد بكل , المهم عدت ابجوها وامنورين ..