يومكم جميل ✋ "" متقدريش تسافري لبلاد أجنبية...

[Swiss Ice]

يومكم جميل
"" متقدريش تسافري لبلاد أجنبية إلا لما تتعلمي لغتها ""✌
من أشهر كذبات أبريل يلي واجهتها في حياتي ومنها بدأت رحلة #تعلم_الإنجليزية_في_أسبوع ✌
أكيد الكل يعرف أن اللغة وأساليب التعامل مع الشعوب المتحدثة بغير لغتنا هي أكثر الإشياء المزعجة يلي تصير في السفر ، الشيء يلي يخلي المسافر حايس في عمره ومش عارف من وين يبدأ.... نظام ( كان أي بارك هير )
وأكيد نسبة كبيرة منكم تتقنو الأنجليزية وتعرفو أنها اللغة العالمية السائدة بإعتبارها أكثر لغة مرنة وشبه الكل يتحدث بيها ناهيكم عن أنها اللغة الرسمية للعلماء ،، بس في بعض الدول زي #تركيا ، فيه هلبة ناس واجهو صعوبة في التعامل مع الأتراك بإعتبارهم يفتقرو للتحدث باللغة الإنجليزية بنسبة كبيرة
شن هم الصعوبات يلي واجهوكم في التحدث مع شعوب البلدان يلي زرتوهم ؟

 

[Homy Alwarfally ʚïɞ]

ايطاليا.. وبرضو من بلدان يلي يفتقرو الانجليزية.. عانيت وااجد في تعامل معاهم بذات في اماكن الحكومية... لعند ماتعودت عل لغتهم قعدت نمشي لروحي شووي مش واجد

 

[Schatze Hamid]

في فرنسا كنا نبو نسألوا عن الطريق لما تسأل حد فرنسي تعرف تحكي انجليزي يقولك يس تسأله يبحت فيك وبعدها يقعد يشير بيديه ويحكي فرنساوي بسرعه بكل وفي الأخير يقولك...اوكي؟؟نحن نحسابوهم هازيين علينا بس طلعوا كلهم هكي ومؤمنين انهم فعلا حكوا انجليزي

 

[Dina El Gallal]

في ألمانيا كان من الصعب يحكو انجليزي اضطريت أقلها نحفظ الأرقام و كم كلمة
في إيطاليا لما مشيتلها زماااان مكانوش يحكو إنجليزي بعد فترة طويلة لما مشيتلها و كنت نحكي ايطالي لقيتهم يحكو إنجليزي كويس و خصوصا المدن السياحية بس ديما يفرحو لما يلقو حد يحكي لغتهم و يشجعوك

 

[Omar Alabbar]

بلجيكا
متعرفش تفاهم معاهم
جزء يحكى فرنسى وجزء يحكى هولندى وجزء المانى
والعاصمة بروكسل يحكى مخلط انت وحظك
تعلمت ارقام فرنسية
قعدت نحصل ف وحدين يحكو المانى ولا هولندى ف قعدت ب إشارات

 

[Nahla Boushnaf]

المانيا و تركيا الالمان يعرفوا يحكوا بس مايبوش و ممكن تحكيله ساعة و هو فاهمك لكن مستحيل يرد عليك الاتراك دمار شامل ساعة عشان توصف حاجة و فوق هذا كل نضطر نستعمل لغة الاشارة

 

[Øbå Sàbøsh]

سؤال صعب الصراحه ..
ان شاءالله نطلعو ويسرلنا مواقف زي اللي ..

 

[Dody Abdu]

اكبر مشكله واحد جاي من الهند ميعرفش أتكلم انجليزي اكويس شوفو الماساة

 

[Dody Abdu]

المصيبه هزة الرأس الي عندهم ع اساس عارف وفاهم

 

[Noor Libya]

تركيا كانت فترة صعبة و المشكله يقعدو عارفينك ماتفهمش فيهم و يقعدو يهزبو و يبوك تقعد فاهم كل حاجة و مافيش داعي انك تسأل او تستفسر و اللي تساله هل تعرف تحكي انجيليزي ايقولك نووو... عهههههههه نووو من وين جت ياعم الحاج

 

[Bello Gargoum]

انا ليا فتره الحق ماسافرتش .. بس عادي نوعيتي انمشي الجو اصلا اغلبيتهم دول نمشيلهم عربيه ... وعادي حتي كان دوله تفهمش انجليزي تفهم لغة الاشاره المهم تسلك

 

[العصفوره المهاجره]

ااشعب الماليزي والاندونيسي فيه نسبه كبيره منهم مايتكلمش انجليزي 'مي نو انجلابشا ' هه فلغة الاشارة هنا تطلع الشعب السيرلانكي سمح يتكلم انجليزي بس الشعب السعودي يتكلم عربي'واني من طول المده في بلاد تكلموش عربي لما مشيت ااسعودي بديت نتكلم انجليزي' لساني مباش ينطق عربي

 

[Aziza M. Salem]

نفهم و نتكلم انجليزي و بديت نفهم تركي كويس . ادعي بس انسافر لتركيا وانا نحكي معاهم للصبح و لا انجيب سيرة الانجليزي. حتى الاتراك لغتهم تعتبر ساهله فيها العربي بنسبه كبيره والفرنسي "عشقي" حتى هو عندهم كلمات فرنسيه واجد

 

[Elghani Weaty]

انا مشيت لبريطانيا فى ال2005 وكنت مانعرفش الا الارقام و الحروف فقط
و فى البداية تعاملت معاهم بلغة الاشارات لعند تعلمت منهم كل شى
و هما لما يعرفوا انك ماتعرفش تحكى انجليزى يساعدوك وااجد

 

[Wijdan Boshrida]

ايطاليا فالبدايه تعبت لأن نحكي انجليزي وهما مش كلهم يحكو يقولو ( نو بارلي انقليزي :-( ) بعدها تعلمت شوي شوي ونخلط فيه بالانجليزي