السلام عليكم. اخذت مخالفة في كاليفورنيا قيمتها...

[Nasser Alanazi]

السلام عليكم.
اخذت مخالفة في كاليفورنيا قيمتها 500$ تقريباً بسبب عدم ربط واحد من احزمة كرسي الطفل الاربعة.
وعطوني موعد محكمة في شهر 1 في 2017.
اذا احد له تجربة، هل ممكن تقديم موعد المحكمة وجعله في شيكاغو بدل الذهاب لكاليفورنيا؟
هل هناك موعد محدد للسداد ؟
لاني مالقيت التفاصيل لا في المخالفة ولا موقعهم !
وشكراً

 

[SMl Alla]

تأكد من المخالفه
هم بيعطوك موعد اذا كنت معترض على المخالفه او ما انت حاب تدفع
بس لو دفعت ماله داعي تروح المحكمه
و عادة يعطوك وقت محدد للدفع موضح بالمخالفة
صورها لنا نقراها معاك

 

[Turki Alnefaie]

اللي اعرفه انه المحكمة تكون من نفس الولاية اللي عملت فيه المخالفة ولا اعرف احد قد يغير المحكمة من ولاية إلى ولاية ثانية ...

لان كل ولاية لها نظام للمخالفات مختلف عن الثانية

 

[Asaem Ajeeb]

لازم تحضر في نفس الولاية اذا ماتقدر تحضر هذاك الوقت روح ويدخلوك على القاضي واشرح له انك ماتقدر تجي بهذاك الوقت وراح يتفهم ويغير لك التاريخ للي تبيه

 

[Abdullah Zayer]

وكل محامي ينوب عنك

 

[Naif Almutairi]

ماينفع بولاية ثانية حسب علمي المخالفة حررت بكاليفورنيا والامور الاخرى تستمر بكاليفورنيا لان وقت المحاكمة بيحضر خصمك اللي هو اللي عطاك المخالفة والله اعلم
يمكن الشباب عندهم معلومات افضل ويفيدونك

 

[Mohanad Bin Abdullah]

لا تقدر تروح المحكمه وتدفعها وخلاص تطيح عليك!

 

[Nasser Alanazi]

شكراً لكم جميعاً

 

[Albandari Abdullah]

بعض المحاكم يكون بموقعهم مكان تكتب فيه مبررك وترسله عن طريق النت وتنتظر لين يردون عليك وبكذه ماتحتاج تروح للمحكمه اتصل على المحكمه وشوف اذا عندهم هالخدمه