سلام عليكم يعطيكم العافية انا استخرجت ايتوني...

[Meshari Ta]

سلام عليكم
يعطيكم العافية انا استخرجت ايتوني لزوجتي وان شاء الله بتجي معي في الكرسمس
الان ابي اقدم على الفيزا وش المتطلبات للمرافقةF2 وايت ابلكيشن اعبية للفيزا وهل احتاج ادفع رسوم سيفيز علماً ان رقم السيفز مختلف عن رقمي
ثانيا/ الايتوني الي وصلني موضح فيه التاريخ ٢٤ اغسطس الجاي وهي بتجي على الكرسمس هل فيه اشكالية لدى السفارة الامريكية في السعودية او اذا وصلت لامريكا
شاكر ومقدر لكم.

 

[Kadem Al-Jabr]

المرافق له نوعين فيزا ونوعين آي توني :
فيزا F1 إذا كان بيدرس فل تايم ، F2 إذا كان بيدرس دراسة جزئية ، ونفس الشي الآي توني F1 و F2
أولاً / حدد النوعية الي تبغاها للمرافق
ثانياً / تطلب من معهد اللغة او الجامعة الي عندك قبول منها أنهم يزودونك بآي توني ، وراح يطلبون اوراق
ثالثاً / إذا حصلت الاي توني تقدم على الفيزا على نفس النوع .
رابعاً / إذا كان الاي توني والفيزا F2 ما راح تدفع سيفس أما اذا F1 فراح تدفع

 

[Kadem Al-Jabr]

السؤال الثاني / بصراحة ما عندي جواب ، لكن أنا فرق عني شهرين من تاريخ اي توني إلى أن جيت أمريكا

 

[Meshari Ta]

بالنسبة للابلكيشن للتقديم للفيزا f2 ايت واحد اعبيه

 

[Meshari Ta]

الله يعطيك العافية اخوي ويجعلها في ميزان حسناتك
شاكر لك

 

[Meshari Ta]

الله لا يهينكم الي عنده الطلبات للتقديم على فيزا F2 وشرح لتعبئة الابلكيشن لا يقصر معنا
شكراً لكم

 

[Saleh Alqahtani]

تقدم زي اي ابلكيشن واثناء تعبيئة النموذج اذا راح تختار F2 تحتاج تذكر معلوماتك انت انك زوج وما راح تدفع سيفيس فقط بتدفع موعد السفاره.
الطلبات عند حضور السفاره:
١- طباعة النموذج
٢- ايصال دفع البنك
٣- الاي توني حق الزوجة الاصلي
٤- صوره من الاي توني حقك
٥- جواز السفر للزوجه وصوره من جوازك
٦- ضمان مالي حقك

بعض الاشياء ذكرتها ممكن ما يطلبوها منك بس للاحتياط تاخذها معها

انا زوجتي فقط طلبوا منها F2 حقها F1 حقي اضافة النموذج حق الطلب والموعد فقط.

 

[Meshari Ta]

الله يعطيكم الف عافية اخواني ماقصروتو معي الله يجزاكم اللف خير

 

[Meshari Ta]

خلصت تعبئة الابلكيشن وكل شيء لكن باقيلي الصورة كل ما ارفقها يقلي فيه خطا في خلفية الصورة حاولت اعدل مقاسها وصغرت حجمها وكل شيئ لكن يقلي المشكلة في الصورة نفسها مع العلم انها بمواصفاتهم في الموقع فــ مادري اذا بقدم الابلكيشن في السفارة من دون ما ارفع الصورة بتمشي الامور او لا احد مر عليه مثل مشكلتي!! والله يعطيكم الف عافية تعبتكم معي.

 

[Kadem Al-Jabr]

هل سويت للصورة ( سكان Scan ) بالماسح الضوئي ولا صورتها جوال ؟ في العادة إذا ما كان الوضوح جيد يرفضها ، أو إذا ما كانت بالمقاسات المطلوبة . أفضل شي تروح استديو وتصور من جديد وتأخذ الصورة في USB وبعدين تحملها مباشرة .
هذا بالضبط الي صار لي ، وسويت الي قلت لك عليه

 

[Meshari Ta]

شكرا على ردك ومساعدتك اخوي انا حملتها من السيدي على طول بس للاسف ماقبلت