E
Eve Miraculous
:: مسافر ::
☺مرة صارتلنا حاجة تشبه هذي وااجد انا لما صارلنا الموقف البايخ بجديات قعدت متنكدة ومل ماننزل للشارع كل يوم نكون خايفة ومتوجسة من الناس بس لما لما صار الوقف الكويس تعرف لما يقولولك حاجة ترد فيك الروح وترجع ثقتك بالناس ☺☺ فتكون زي الرسالة او نصيحة وجت في وقتها تمام وان في كل مكان تلقي اللي هكي واللي هكي ومش كل اصابعك نفس بعضها❤جميلة
F
Fadwa El-Feituri
:: مسافر ::
أنا بصراحة لما نسافر ما نحبش نحتك بحد، لازم نعلق نت على طول عالموبايل وندق بيه بروحي بس ماما مستحيل تتحرك الا لما تسأل القوم كلهم والدنيا كلها تعرف وين نبوا نمشوا وشنو نبوا نديروا المهم في أغلب المواقف اللي نذكرهم أنه في ناس واجد أجانب وعرب صبايين بكل ويقعدوا معانا لعند نوصلوا للمكان اللي نبوه .. تقريباً المكان الوحيد اللي نذكر نصبوا علينا فيه هو مصر وقتها ما كنتش نعرف نتعامل معاهم بس توا حفظتهم
الحمدلله على سلامتك وصدقت باريس تخوف في الليل وتبي حد عارفها كويس .. أنا لما مشيتلها ما جربتش الميترو كله كان بالسيارة بس سامعة انه يخوف
الحمدلله على سلامتك وصدقت باريس تخوف في الليل وتبي حد عارفها كويس .. أنا لما مشيتلها ما جربتش الميترو كله كان بالسيارة بس سامعة انه يخوف
S
Salma Aldelensi
:: مسافر ::
انا من عادة لما انسافر مع نخالطش العرب بكل بس.في موقف صارلي في جنيف حسيت بانه العرب خوت وبالضمير العربي .... الخ المهم كنت نبي نمشي لوسط البلاد وفيه 2 كوبري بيش اتخش بيهن صحاب التاكسي جزائري وقعدنا في هذك الزحمه والعداد يعد ومش باينه انها هتفض بدري شويا قالي اختي حرام تدفعي فلوس واجد وزحمه انزلي وامشي خوذي باص وعطني رقمه الطريق بتاع الباصات ماشيا ... وفعلا نزل وخذيت الباص ..فا كان من الممكن انه ايخالني وندفع فاتورة