#هاشتاجنا_الجديد بنديرو اليوم هاشتاج اسمه...

[Ali Fakree Eldin ElSallabi]

#هاشتاجنا_الجديد
بنديرو اليوم هاشتاج اسمه #مطار_ترافل_لوفرز
نبي نقرا منكم جميع المواقف الي صارنلكم في المطارات
من تاخير رحلات مواقف مضحكه او حزينه في اي مطار او اي رحله صارت معاك او معاكي
يللا وروني ابداعاتكم
اكتبو مواقفكم
وفوقهن #مطار_ترافل_لوفرز


ملاحظه مهمه
المواقف اكتبوهن في بوستات علي الجروب مش في كومنتات البوست هذا

انطلقو

 

[Aya Fallag]

عندي موقفين هههه مره في مطار اسطنبول حجزوني لمده خمس ساعات وانت تمحمس ونتبكي والكارثه جايه وحدي مَش معايا حد ويبو فلوس بالليره التركي بعد ايش وايش بيش حصلت حد يصرفلي ودفعت وطلعت الساعه خمسه الفجر

ومره في ترانزيت صحبتي حطت شنطتها عندي وفيها فلوسها وجوازتها وانا مفطنتلهش وانسرقن وعدن الجوازات والفلوس وزغرتي يانشراح وشلوشي لين لقينهن معزوقات

 

[Wewa Benghasher]

نحن ديمه تأخير فالمطارات وديمه عنده وزن زايد وانا ديمه ممسوكه وصايرتلي قصه هههههههه

 

[Sarah Elfigih]

مرة مسافرة وانا ف مطار دبي جينا ف طبورالواصلين المهم ماسكين وحده افريقية شكلها تبكي ومنهاره وجعتني عالاخر ينقاني مقدرتش نمسك روحي لقيت روحي ماشية عندها ونسكت فيها وهيا تحكيلي وتبكيلي وتشكي بالافريقي دايره روحي فاهمتها وكذا..شوي طلعت مهاجرة غير شرعية ومتورطة وخذونی معها قالولی شكلك اللی مهربتيها ولا مساعدتيها بفلوس وحي علی امك ياساره شن درتی ف روحك بعد 60واسطة بيش صدقو انها مش شوري ولا من قريب ولا من بعيد...ههههه ومنها شعفت ان شاءالله يشقلب قدامي واحد مش شووووري...

 

[Sarah Elfigih]

بعد كملت كتيبة فطنت للملاحظة..

 

[Eman Manaa]

انا صارلي موقف في مطار برج العرب من سنتين..كانوا وقنها ايبهدلوا فالليبيين راقدين الريح..وقبل مانسافر شرطت الجواز نصين المهم زوجي لصقه ودارله كفر وماقعدش باين الحق بس مشروطلكن قالوله عادي تسافر بيه المهم بعد وصلنا مصر وجينا عند الختم دخلوا زوجي ومسكوني انا وعيالي لانهم معايا فالجواز ..وبدوا عاد زوجي يدويلهم مش معبرينه وانا ندوي يستكردوا فيا وشالوني لمكتب وسؤالات وتخزريط وتكليم بالتليفونات ونجي نبي نتكلم يستكردوا وطلعوني بأحتقار من المكتب ما احترموش حتي اني مرأه ...وفجأه تجيني الحاله من كثر قل القيمه ونمشي للشباك من جديد وداروحه مايبيش ايبحت نعزقله جوازي الامريكي قعد يعيط دخلوها دخلوها اختملها اختملها هما فرج وفاطمه معاكي فالجواز والا ايه دخلوهم دخلوهم وطلع وجاني ونحنا اسفين وشالني خششني والليبيين والعرم اللي ماسكينهم ايبحتوا وخاطرهم يعرفوا شن صاروالنكته ان الجواز الامريكي طايح حتي هو ومغيرينه بكل اصلا وانا كنت ماشيه اصلا لمصر بنطلع واحد جديد ..علي قد ماقهروني قهرتهم

 

[Eman Manaa]

ومره في مطار ميونخ نهربلك من امي الله يرحمها وكان راسي كاسح وتقوللي تعالي وانا نوخر وهي تجدا والناس اتبحت يحسابوها تبي تخطفني نين فعلا جاها الأمن يستفسر ومازلت مش متحرمه نفسي ومانبيش انجيهاكنت صغيره طبعا واللي جاني جاني ....وعندي قصص في مطار الابرق بس اكيد مريتوا بيهن او بمواقف مشابهه لهن

 

[Eman Manaa]

انا كتبت هنا مانعرفش اندير الهاش تاق اصلاماتضحكوش عليا