#مطار_ترافل_لوفرز الموقف الثاني مره كنت...

[Ali Fakree Eldin ElSallabi]

#مطار_ترافل_لوفرز

الموقف الثاني

مره كنت حاجز تذكره من تونس لباريس الساعه 2 في الظهر تطلع طيارتي من مطار قرطاج لمطار شارل دي غول
والمهم اني جيت لمطار الابرق عشان نطلع منه الساعه 11 في الليل وطيارتي من الابرق لتونس الساعه 8 في الصبح
يعني عشان متلخبطوش
الساعه 8 صباحا الابرق -- تونس
الساعه 2 ظهرا تونس -- باريس

قلت تو انبات في مطار الابرق ومهما تاخرت الطياره مش حتاخر خمس ساعات ( كان مضحوك عليا )

عموما بتت في المطار وجت الساعه 8 وطاقم الطياره مزال مجا
9 ومال مجا حد الا المسافرين
10
11
12 بدو في اجراءات كرت الصعود
الساعه 1 ونص طلعت الرحله
وصلت لتونس وكانت طيارتي الاخري طارت وخذيت تذكره وحده اخري ودفعت قريب 150 يورو في تذكره جديده ولعنت سلسفيل مطار الابرق والي جاب مطار الابرق وقلت الله الله ووينك يا مطار بنينه

#مطار_ترافل_لوفرز

 

[Heba Kord]

خطرت عليا هذك الرحله بعدين نكتبها لكم

 

[Lamya Elsallak]

يأخذ سوك اهم حاجه مشيت باريس

 

[Orayda S. Gaderbouh]

مشكلة والله كان بتت في مطار تونس ارحم

 

[Asma M Altrhoni]

احتمال انا بس الي ما دفعت حق كرت جديد ههههه

 

[Loly Zehri]

مش مشكلة المهم انك في النهاية سافرت
حتى انا صايرلي كم موقف مع مطار الابرق لوز اللوز بعدين توا نحكيهن

 

[Eman Younis]

انت حسبتها غلط معروف التأخير في مطار الابرق من موعد الرحله وعدي انت ضحيت وبتت فيه هذي كانت اول غلطه ...عن نفسي مستحيل نعطي واحد رحلة يكون فيها ترانزيت اقل من 6 ساعات سواء من الابرق او غيره ...تاخذ سوك

 

[Tama Hadia]

تي انت عطيني وصفت السفر
فلوسي قاعدات وجواز سفري قاعد بس مش عارفه نطلع

 

[Fatma Glessa]

جميع اللي يمشو ترانزيت و يطلعو حتى من طرابلس ياخذو في ليلة و ليلتين في الترنزيت .. Take care another time

 

[Eman Manaa]

الابرق وكوارثه

 

[Manona Ims]

قصة حزينه بكل

 

[Emma EJ]

راضية بالتشحوير المهم انسافر
مازال نحلم