E
Eman Khalifa
:: مسافر ::
#مطار_ترافل_لو_فرز
قصتي مع التذاكر والمطارات
كنت بنروح نشوف هلي بعد سنتين من الغياب والمقرر اني بنطلع من :
دوسلدورف -إسطنبول
إسطنبول -تونس
تونس -الأبرق
المهم اليلة لي بنسافر قررت تونس ان ماعش في طيران ليبي ينزل في مطار قرطاج والرحلات يتحولن على صفاقس وانا نبي نروح بروحي كيف يصير توا وشن بيوصلني لصفاقس عمكم بابا ماخسر عليا شي غير قالي خلاص اقعدي وين ماانتي وبداء البكاء والدراما وبما اني حجزه من مكتب مشيت للمطار تاني يوم نبي نحاول نبدل تاريخ الرحله وع أساس كان في واحد بياخذها بدالي وفي ذلك اليوم سخر الله الارض ومن عليها لي خدمتي اتصل بيا عمي لقاني نتبكاء قالي كنك حكيتله قالي تعالي لمصر بعد اسبوع وانا توا نجيك ونمشوا مع بعضنا لي ليبيا
توكلت ع الله ومشيت للخطوط التركيه وصارت قصه طويله في الاخر قلت للموظف غيرولي التذكره على مصر وندفع الفرق والأخ سكر راْسه يبي يدفعني 450 يورو حق تذكره جديده جاء مدير مكتب الخطوط قالي ليش بتسافري لي ليبيا قتله عندي امتحان ..في عقلي امتحان في صلة الرحم وانا قبلها ماكنت مقصره بكل حتى في المطار نمشي ونبكي شكلي وجعته قالي حنعطيك تذكره جديده وتقدري تردي بيها عن طريق مصر في اي وقت قتله باهي مرات وانا مروحه نحصل رحله من الأبراق لإسطنبول طول بلا قصة مصر وتونس هل تعتبر التذكره ملغيه ولازم ناخذ تذكره جديده من تركيا لالمانيا ؟؟؟
مشاء ختملي ع التذكره و وقع عليها وقالي خشي لتركيا من اي خطوط كانن وتعالي لمكتب الخطوط التركيه في المطار ويعطوك تذكره على اول رحله لدوسلدورف
والحمدلله سافرت وقلت لعمي نوصل الساعه 4 الليل لمصر وانا نوصل الساعه 2وماعرفتهاش الا في تركيا وقعدت حايسه لعند كلمته وقتله وهزبني المهم جاني ع الوقت
ودمتم سالمين قصدي مسافرين
قصتي مع التذاكر والمطارات
كنت بنروح نشوف هلي بعد سنتين من الغياب والمقرر اني بنطلع من :
دوسلدورف -إسطنبول
إسطنبول -تونس
تونس -الأبرق
المهم اليلة لي بنسافر قررت تونس ان ماعش في طيران ليبي ينزل في مطار قرطاج والرحلات يتحولن على صفاقس وانا نبي نروح بروحي كيف يصير توا وشن بيوصلني لصفاقس عمكم بابا ماخسر عليا شي غير قالي خلاص اقعدي وين ماانتي وبداء البكاء والدراما وبما اني حجزه من مكتب مشيت للمطار تاني يوم نبي نحاول نبدل تاريخ الرحله وع أساس كان في واحد بياخذها بدالي وفي ذلك اليوم سخر الله الارض ومن عليها لي خدمتي اتصل بيا عمي لقاني نتبكاء قالي كنك حكيتله قالي تعالي لمصر بعد اسبوع وانا توا نجيك ونمشوا مع بعضنا لي ليبيا
توكلت ع الله ومشيت للخطوط التركيه وصارت قصه طويله في الاخر قلت للموظف غيرولي التذكره على مصر وندفع الفرق والأخ سكر راْسه يبي يدفعني 450 يورو حق تذكره جديده جاء مدير مكتب الخطوط قالي ليش بتسافري لي ليبيا قتله عندي امتحان ..في عقلي امتحان في صلة الرحم وانا قبلها ماكنت مقصره بكل حتى في المطار نمشي ونبكي شكلي وجعته قالي حنعطيك تذكره جديده وتقدري تردي بيها عن طريق مصر في اي وقت قتله باهي مرات وانا مروحه نحصل رحله من الأبراق لإسطنبول طول بلا قصة مصر وتونس هل تعتبر التذكره ملغيه ولازم ناخذ تذكره جديده من تركيا لالمانيا ؟؟؟
مشاء ختملي ع التذكره و وقع عليها وقالي خشي لتركيا من اي خطوط كانن وتعالي لمكتب الخطوط التركيه في المطار ويعطوك تذكره على اول رحله لدوسلدورف
والحمدلله سافرت وقلت لعمي نوصل الساعه 4 الليل لمصر وانا نوصل الساعه 2وماعرفتهاش الا في تركيا وقعدت حايسه لعند كلمته وقتله وهزبني المهم جاني ع الوقت
ودمتم سالمين قصدي مسافرين