S
Shahd Hani
:: مسافر ::
جدا .. نحكي عَل المجتمع الامريكي يلبسو كيف ما يبو بجامات فالجامعة شخشير كل فردة من شكل محد يدورهم بكل و لا حتى ينتبهلهم .. يقمعز يأكل وين ما يبي يصحله يولع مسجل و يرقص ف نص الشارع عادي حدا يخطمو من حداه مكاناش في حد يصحله يفرش و يرقد ف نص اي مكان معاه بطانتيه مخدته عااااااادي .. هذي اكثر حاجة الواحد يفتقدها ف بلادنا الحرية اللي من النوع هذا
R
Rágåd Ål Äśplÿ
:: مسافر ::
فعلا زي ماقالت شهد الامريكان يلبسوو اللي يبوه ولا حد يعلق ولاحد حتي يبحت فيك شن درت ...ماحدش يدخل في حد ولاحد يعدل علي حد ....نقعد مقعمزة في الترين اتشوف كل واحد في حاله مافيش عيونك هكي والا هكي ..اللي في كاتب يقرا فيه واللي في تلفونه. يعني ماتحسش روحك مراقب لان كل حد في حاله وكل حد في عالمه الخاص.
F
Fatma Elbarghathi
:: مسافر ::
نحكي عالشعب الالماني .. يمارسو في نشاطاتهم بكل حرية كل حد لاهي في حاله و ميعدلش على الاخر شن لابس و لا شن داير في روحه ,,, فالصيف تلقي ناس طالعة فالشارع بدون كنادر او اي شي في كرعيهم و عادي محد يبحت فيهم ,لما تطلع الشمس تلقيهم محولين تيشرتاتهم و متمددين ع العشب و غيره و غيره من التصرفات اللي جذبن انتباهي واستغربت منهن اول اقامتي غادي ...
F
Furat Assadeg Eghribil
:: مسافر ::
الكنديين الانجليز السويسريين... وعالكلام السويد النرويج الالمان كللللهم نفس الثقافة انهم عايشين حياتهم بكل حرية لدرجة انك بروحك تلقائيا تتصرف كيفهم وتلقى رااااحة في حياتك غريبة...
نجي للاتراك هم شعب مقسوم الى اتراك بخلفية وطبع اوروبي وهم حياتهم وجوهم كيف الغربيين وواتراك بخلفية وطبع عربي نقاااارة بكل ويقصقصو ولهم اماكن معينة يعيشو فيها حتى في اسطنبول مناطق دون الاخرى
نجي للاتراك هم شعب مقسوم الى اتراك بخلفية وطبع اوروبي وهم حياتهم وجوهم كيف الغربيين وواتراك بخلفية وطبع عربي نقاااارة بكل ويقصقصو ولهم اماكن معينة يعيشو فيها حتى في اسطنبول مناطق دون الاخرى
S
Soha Al Hashmi
:: مسافر ::
كنت انهدرز في الموضوع هذا اليوم أو بالأحرى كنت نتعارك في هالموضوع اسألني شخص اليوم قالي انتي اصلا مسكرة رأسك علي المرواح لليبيا علي خاطر الطلوع و الحرية و الحياة الجميله اللي عندك .... قتله اني مرات لما انكون إجازة حتى أسبوع كامل ما نخطاش برا الحوش و ما عنديش خلوق هلبا للتنسريف لكن وقت يخطرلي نطلع نتمشى في أي وقت نلبس توتة و ننزل و إنمد رجليا بشكلي المزري المتبهدل و مافيش مخلوق يتلفتلي و لا يقول هادي شن طلعها فهاليل بهالشكل ... أو وقت نطلع اني و صاحباتي في نص البارك صوتنا عالي و نهدرزو و نضحكو مافيش حد يقيدلي حوالي و لا حد يتهمني اني سخيفه و مدايرة هرجه بين الناس ..... الحرية حلوة حتى في أبسط تفاصيل الحياة