السلام عليكم بما انكم من محبي السفر ياريت اللي...

  • بادئ الموضوع بادئ الموضوع Asia Mohameed
  • تاريخ البدء تاريخ البدء
عرض العطلة
A

Asia Mohameed

:: مسافر ::
#1
السلام عليكم
بما انكم من محبي السفر ياريت اللي عنده خلفية علي التأشيرة الماليزية كيف ناخدها من ليبيا ولو حد يعرف معهد لغة كويس غادي نقدر نراسلهم ومنهم نحصل التأشيرة نكون شاكرة ليكم
 
#4
تأشيرة الدراسة برضو بالمراسلة مع المعهد و تدفعي التكاليف و يعطوها لك في المطار خويا لما قدم عليها ما مشش اي سفارة كله عن طريق النت و بينه و بين معهد البريتش كاونسل و بعدها سافر و سلم بسابورته للمعهد و عطوها له
 
عرض العطلة
#6
ي اهلين

انا لما خذيت التأشيرة خذيتها من السفارة قبل مانمشي لماليزيا لكن حالياً قالو من المطار مش متأكده الحق..


بالنسبة للغة ننصحك ب ELS ف اي فرع كان.. لكن انا نفضل يلي موجود ف جاهور بارو JB " اسم مدينة"
احسن من سوبرجايا و كوالالمبور لان يكونو زحمة عليهم و بالذات العرب واجد..
لكن متاع جاهور بارو ننصحك بيه لان من اقوى الفروع يلي ممكن تقري فيهم و موقعه رائع جداً و متأكده بترتاحي فيه واجد..
لان بجد المديره متاعنا فيها جو مس سوسز ❤ يعني تريحك من حاجات واجد و تساعدك لو تبي شقة قريبه..

في حالة اخترتي منطقة JB ممكن تقوليلي قبلها و نقولك ع شقة قريبه كنت فيها و مريحه جداً لك ك بنت ونخلي صديقاتي يشوفولك امورك بإذن الله..

ننصحك ب ELS بشدة لان تقري فيه الانجلش كله بجميع اقسامه لكن سمعت ان البريتش كانسل يركزو ع السبيكينق اكثر شي..
و شوفي امورك ❤
و أي استفسار ع الحياة و الروتين أو أي شي تقدري تقوليلي ❤❤
موفقة ان شاءالله و اختيارك لماليزيا موفق جداً..
 
#7
لو بتركزي عالكونفرزيشن والسبيكنق عليك وعال British Council ولو لغرض أكاديمي ال ELS أفضلهن وبرضو حسب ميزانيتك لان اسعارهن أغلى من المعاهد التانية

بالنسبة للتأشيرة راسلي المعهد اللي بتقري فيه افضل شي وهما ايساعدوك لأنه القرارات قعدن ايتغيرن واجد
 
#8
تأشيرة تأخذيها بالمراسله مع المعهد ويعطوها لك كله ع النت خويا عن طريق معهد ELS الأمريكي حتى بعد وصل ماليزيا استقبله شخص تبع المعهد وهو دارله إجراءات وهكي ربي يوفقك
 
عرض العطلة
عرض العطلة
أعلى أسفل
عودة
قائمة