جو بدأ يسقع شوية ف بنغازي ومزال حيسقع أخري...

[Amna Jamila]

جو بدأ يسقع شوية ف بنغازي ومزال حيسقع أخري تحس روحك متبش تطلع من حوش توا سؤال الي خطر ف بالي الناس إلى عايشين برا إلى دنيا تلج عندهم ودرجة حرارة تحت صفر كيف تمشوا لاشغالكم وتقروا ف عز صقع وتسيبوا ف سرير كيف دايرين ف موضوع وضوء والصلاة؟

 

[Saleh Mousa]

غير حطني في روسيا

توا نصلي الصلوات الخمسه فالشارع ونلبس نص كم

 

[Swiss Ice]

صدقاً مش عايشة برا ولكن في ناس يفرطو في كل شيء غير يعيشو في جو الثلوج والصقع ووو ✌ وأنا منهم

 

[Ahmed Gzeri]

ع اساس لو جو سمح في بنغازي ومش صقع فيه وين تطلع

 

[Rasha Muftah]

انا توا عندي درجة الحرارة -1 جمود بكل الحوش دافي لانه التدفئة مركزية بس لما تطلعي برا ننقانها واعره الرئتين يتقلصن التنفس صعب جمود بس الواحد يتعود الحمدلله

 

[Rasha Muftah]

الحل طبعا انك تعبي بنزينا كل شوية بعد تطلعي .، ف فلوسك يعدك كلهن عالمطاعم كل مرة امتكية شي ساخن شي شقاشق

 

[Hossam Kashbour]

حطيني عندهم في نص تلج بس وماعليك

 

[Muftah Elteghe]

هههههه نمشوا علي خاطر نكملوا دراسة

 

[Osama Altuhami]

بالرغم ان تلج بس عادي مايضخموا الموضوع واجد فى تدفئة مركزية

 

[Hadier Sulieman]

بالنسبة في الحواشين في تدفئة مركزية حتا في المدارس اما برا ثلج بكل لعند ما ايديك تحسيهن الدم توقف فيهن حتا لو لابسة قوانتي والشخاشير معبيات ميه وهذا اصمط شعور عندي وحي كان ملبستش قوانتي احتمال تلقي ايديك متجمدات وفي وقت ايجي في المدينة يلي عايشة فيها انا في كندا في وقت محدد متطلعش فيها الشمس في الشتاء اما على الوضوء في ميه دافيه ^^ لكن حقيقه انا نفضل الشتاء في كندا❤ احسن من الصيف لأن الجو سمح بكل .....

 

[Furat Assadeg Eghribil]

بالعكس عارفة احلى جو طلعة الصبح وفي الثلج والمطر انا عن نفسي كل ماتمطر لازم نطلع حتى لو ماعنديش شي... وبالنسبة للحيشان والاماكن المغلقة كلها تدفئة

 

[Soha Al Hashmi]

بصراحه الكسل في الشتاء و الثلج يكثر عندي كان ما عنديش خدمه عادي جدا نقعد بالأسبوع ما نطلعش حاليا في بودابست 2 تحت الصفر من السبعه نايضه نقيس و ننقب عندي مشاوير لازم انديرها و ماخاااااااااطريش نطلع

 

[Esraa Adel]

اماكن العمل والجامعات و المولات من جوا كلهن فيهن تدفئة مركزية.. ماتحسيش بالصقع بكل

 

[Arèèj H Mohammad]

غير شيليني لكندا ما عليك انصليهن في جرت بعضهن ههههههه منخليش الشيخ اللي يأذن ياخذ نفس حتى ههههههههههه غير اعزقيني تخافيش ح نواصل حياتي عادي هههههههه

 

[Arèèj H Mohammad]

تو انديرلك زومبا فالشارع في عز الصقع غير شيليني هههههه

 

[Mohammed El Trabelsi]

حنا الخمس حمو قاعدين لتو