T
Travel Secrets
:: مسافر ::
تحديد ميزانية السفر :
خطوة مهمة جدا لازم تفكر فيها قبل السفر و هي اختيار الدولة اللي نفسك تزورها و اللي السفر ليها مناسب للميزانيه اللي حتحددها , يبقى قبل ما نسافر أي مكان حنحدد الأول ميزانيتنا تقريبا أد ايه , و بعدها نشوف ممكن نروح بالميزانيه دي فين .
نقول مثال : انت عارف انك ممكن تسافر لدولة زي تركيا مثلا طيران و رحلات و اقامة في الفندق و انتقالات بمبلغ لا يزيد عن 3500 جنيه , و ده لو عرفت تختار الوقت المناسب للسفر و تختار المكان المناسب لميزانيتك , فأهم حاجه هي ازاي تعرف تنظم الرحلة و تختار الوقت المناسب و صدقني بأي ميزانيه حتعرف تسافر و تتبسط و تشوف أماكن جديدة .
(( أسرار تحديد الميزانية )) :
المرحلة الأولى : تعرف أن أكبر سعر في تحديد الميزانية هي تذكرة الطيران ( فيه قسم خاص لأسرار أختيار أرخص سعر لتذكرة الطيران ) و دي تقريبا سعرها بيكون حوالي 34 % من اجمالي الميزانية
المرحلة الثانية : أختيار مكان السكن المناسب لامكانيتنا و ده ممكن يكون هوستل ( سرير مشاركة في غرفة ) أو يكون فندق بيوفر غرف أقتصادية مثلا و ده نسبته حوالي 34 % من الميزانية
المرحلة الثالثة : و دي المرحلة اللي بتاخد مننا وقت في الترتيب شوية و هي تحديد الأماكن اللي عاوزين نزورها و أسعار تذاكر الدخول لها. و نقدر نعرف ده بسهولة جدا من الانترنت . أرشحلكم موقع tripadvisor.com و ده منه تقدر تعرف احسن الأماكن السياحية في أي مدينة مثلا ومنه تقدر تحدد انت عاوز تروح فين و سعر تذكرة دخول المكان ده كام. و المزارات السياحية نسبتها من الميزانية حوالي 15%
المرحلة الرابعة: تحديد ميزانية للانتقالات و حنعرف ازاي نقدر نتحرك في أي دولة سياحية بأقل تكلفة عن طريق استخدام المواصلات العامة زي أهل البلد و دي نسبتها من الميزانية حوالي 10%
المرحلة الخامسة : ميزانية الوجبات و مبلغ بسيط للهدايا و التذاكارات . و دي ممكن نخلي لها ميزانية لاتزيد عن 10%
في الاخر كل اللي بترجع بيه لبلدك هو صورك و تذكارات بسيطة و ذكريات حلوة و تجارب جديدة بتخليك انسان مختلف
أهم حاجه في أي رحلة أنك تمشي و تشوف و تتوه و صدقني في كل خطوة حتكتشف حاجات جديدة .
الأحلى كمان أنك تعيش زي ما أهل البلد عايشين يعني تاكل من أكلهم و تركب مواصلاتهم و تعرف عاداتهم و تقاليدهم و بعض كلماتهم . و ده حيثبت لك أد ايه أن مهما كانت بتفصلنا حدود و بنختلف في عاداتنا و تقاليدنا و معتقداتنا بس أحنا في الأخر انسااااااان
#travel_secrets
خطوة مهمة جدا لازم تفكر فيها قبل السفر و هي اختيار الدولة اللي نفسك تزورها و اللي السفر ليها مناسب للميزانيه اللي حتحددها , يبقى قبل ما نسافر أي مكان حنحدد الأول ميزانيتنا تقريبا أد ايه , و بعدها نشوف ممكن نروح بالميزانيه دي فين .
نقول مثال : انت عارف انك ممكن تسافر لدولة زي تركيا مثلا طيران و رحلات و اقامة في الفندق و انتقالات بمبلغ لا يزيد عن 3500 جنيه , و ده لو عرفت تختار الوقت المناسب للسفر و تختار المكان المناسب لميزانيتك , فأهم حاجه هي ازاي تعرف تنظم الرحلة و تختار الوقت المناسب و صدقني بأي ميزانيه حتعرف تسافر و تتبسط و تشوف أماكن جديدة .
(( أسرار تحديد الميزانية )) :
المرحلة الأولى : تعرف أن أكبر سعر في تحديد الميزانية هي تذكرة الطيران ( فيه قسم خاص لأسرار أختيار أرخص سعر لتذكرة الطيران ) و دي تقريبا سعرها بيكون حوالي 34 % من اجمالي الميزانية
المرحلة الثانية : أختيار مكان السكن المناسب لامكانيتنا و ده ممكن يكون هوستل ( سرير مشاركة في غرفة ) أو يكون فندق بيوفر غرف أقتصادية مثلا و ده نسبته حوالي 34 % من الميزانية
المرحلة الثالثة : و دي المرحلة اللي بتاخد مننا وقت في الترتيب شوية و هي تحديد الأماكن اللي عاوزين نزورها و أسعار تذاكر الدخول لها. و نقدر نعرف ده بسهولة جدا من الانترنت . أرشحلكم موقع tripadvisor.com و ده منه تقدر تعرف احسن الأماكن السياحية في أي مدينة مثلا ومنه تقدر تحدد انت عاوز تروح فين و سعر تذكرة دخول المكان ده كام. و المزارات السياحية نسبتها من الميزانية حوالي 15%
المرحلة الرابعة: تحديد ميزانية للانتقالات و حنعرف ازاي نقدر نتحرك في أي دولة سياحية بأقل تكلفة عن طريق استخدام المواصلات العامة زي أهل البلد و دي نسبتها من الميزانية حوالي 10%
المرحلة الخامسة : ميزانية الوجبات و مبلغ بسيط للهدايا و التذاكارات . و دي ممكن نخلي لها ميزانية لاتزيد عن 10%
في الاخر كل اللي بترجع بيه لبلدك هو صورك و تذكارات بسيطة و ذكريات حلوة و تجارب جديدة بتخليك انسان مختلف
أهم حاجه في أي رحلة أنك تمشي و تشوف و تتوه و صدقني في كل خطوة حتكتشف حاجات جديدة .
الأحلى كمان أنك تعيش زي ما أهل البلد عايشين يعني تاكل من أكلهم و تركب مواصلاتهم و تعرف عاداتهم و تقاليدهم و بعض كلماتهم . و ده حيثبت لك أد ايه أن مهما كانت بتفصلنا حدود و بنختلف في عاداتنا و تقاليدنا و معتقداتنا بس أحنا في الأخر انسااااااان
#travel_secrets