T
Travel Secrets
:: مسافر ::
مهم أوي قبل السفر أنك تنظم رحلتك و تعرف انت عاوز تروح فين , و تنظم خط سير الرحلة . حقولك ليه !!! كل يوم بتقضيه في بلاد بره محسوب عليك و انت دافع فلوسه و مش عاوز يضيع منه أي دقيقة بدون ما تشوف فيه حاجه جديدة أو تعمل تجربة مختلفة , لكن حلو بردو في بعض الأوقات أنك تمشي في الشوارع تستكشف الجديد بدون ما تكون مخطط . أكيد حتكتشف حاجات مقرتش عنها و مشفتهاش في كتب .
حتقول ايه التناقض ده !! و لا تناقض و لا حاجه أنا قصدي بتحديد خط السير أنك تكون عارف انت حتعد في كل بلد اد ايه و حتسافر من فين لفين امتى و حتروح فين النهارده و حقولك مثال على كده , مثلا في باريس بعض المتاحف بتكون قافله في بعض الأيام و بعضها مفتوح و بعضها بيفتح بليل في أيام معينة و بعضها بيكون قافل , فلو أنت مكنتش عارف التفاصيل دي قبل ما تزور المكان ممكن يضيع عليك نص يوم في المواصلات و تروح تلاقي المكان اللي انت عاوزة قافل و المصيبه بقى لو كنت مسافر تاني يوم و ده أخر يوم ليك في المدينة حتكون فوت فرصة أنك تزور حاجه نفسك تشوفها علشان منظمتش خط سيرك مسبقا .
بعض أسرار تنظيم الرحلة و خط السير :
1. قبل ما تسافر تجيب ورقة و قلم و تكتب كل الأماكن اللي نفسك تزورها و طبعا عرفنا ازاي من TRIPADVISOR.COM مثلا . و تشوف كل مكان بيفتح أمتى و من الساعه كام و مقفول اي يوم علشان تبدأ تعمل جدول بزياراتك اليومية
2. بعض المتاحف في أوروبا و اللي تذكرة دخولها ممكن تكون أكتر من 100 جنيه فيه أيام بتكون مجانا ببلاش و ده غالبا يوم الأحد الأول من كل شهر . حاول تستغل اليوم ده كويس أوي علشان تدخل فيه أكتر من متحف , مع العلم أن بيكون زحمة طبعا علشان مجانا .
3. بعض المتاحف بتكون مجانا بعد الظهر فقبل ما تروح أدخل على صفحتهم على النت و أعرف الأوقات المجانية للدخول
4. حاول دائما أنك تشتري تذاكر الدخول أون لاين و ده حيوفر عليك وقت كتير جدا . مثال لدخول متحف الفاتيكان مثلا ممكن تقف في طابور لمدة 3 ساعات علشان فقط تشتري تذكرة , و لو حضرتك ناصح و أشتريت التذكرة أون لاين بتدخل مباشره في 10 ثواني بدون أي طوابير
5. في زياراتك لأوروبا متصدقش الناس اللي بيبيعوا تذاكر في الشارع و يقولك دي أوفر و حوفرلك وقت و حدخلك على طول بدون طوابير , كل ده كلام فارغ و بيستغلوا السائح جدا و سعر التذكرة معاهم بتبقى ساعات أغلى الضعف , فخليك أنت أنصح منهم و أشتري تذكرتك مسبقا أون لاين
6. خلي دايما و قت كافي للتنقل من مكان لمكان لأنك جديد في المكان فمش عارف حتاخد وقت أد ايه و متضغطش يومك أوي بزيارات و متاحف في الأول و الأخر انت رايح تتبسط و تستمتع و تقضي وقت حلو و تشوف حاجات جديدة
7. خلي دايما يوم راحه وسط البرنامج بتاعك تروح تقضيه في جنينه مفتوحه أو تتمشى في سوق شعبي أو تروح تعد على البحر أو تعد على نهر أو تؤجر عجلة و تلف بيها في الشوارع ده حيكون يوم ممتع جدا تريح فيه شوية و تشحن طاقتك و تستكشف حاجات و أماكن جديدة انت متعرفهاش و حتكون فرصة حلوة تشوف أهل البلد عايشين ازاي و بيشتروا منين و بيقضوا وقتهم ازاي
8. حاول دايما تبعد عن الأماكن الزحمة في الويك اند , يعني مثلا لو حتروح صن واي لاجون في كوالالامبور حاول أنك تتجنب تروحها بوم السبت و الأحد علشان بيكون يوم عطلة رسمية و أهل البلد بيروحوا هناك فبتكون زحمة أوي , فمهم أوي تختار يوم زيارتك للمكان صح , و صدقني ده حيوفر عليك كتير و يخليك تستمتع بالمكان لأقصى حد بعيد عن الزحمة
9. النقطة دي للمحبين للفن : خد وقتك في كل مكان و استمتع بيه على أد ما تقدر , و متحولش أنك تجري علشان تلحق حاجه تانيه لأنك لا حتستمتع بدي و لا بالتانيه , متحف زي رايكس مثلا في امستردام فيه لوحات تعد تحف فنيه لا تقدر بثمن بيكونوا حاطين أمام اللوحه كنبه علشان الناس تعد تتأمل في اللوحه , تخيل واحد قاعد أمام لوحه نص ساعه مثلا بيتأمل في كل تفاصيلها و الرسام رسمها أزاي
لو أنت محب للفن حتقدر الكلام ده أوي .
10. تنظيمك كمان لازم يشمل استخدامك لوسائل المواصلات العامة و دي حيكون ليه بوست منفصل لأنه موضوع مهم جدا و حيوفر عليك فلوس كتير , فلازم قبل ما تتحرك و تزور أي مكان تكون عارف حتركب ايه و حتركبه منين علشان توفر وقت و كمان توفر فلوس
دي بعض أسرار تنظيمك لخط سير الرحلة و دي نقطة مهمة أوي علشان تعرف تستمتع بكل دقيقة في اجازتك
ملحوظة الصورة الأولي أمام الموناليزا في متحف اللوفر بباريس , و الصورة التانية أمام متحف الفاتيكان
حتقول ايه التناقض ده !! و لا تناقض و لا حاجه أنا قصدي بتحديد خط السير أنك تكون عارف انت حتعد في كل بلد اد ايه و حتسافر من فين لفين امتى و حتروح فين النهارده و حقولك مثال على كده , مثلا في باريس بعض المتاحف بتكون قافله في بعض الأيام و بعضها مفتوح و بعضها بيفتح بليل في أيام معينة و بعضها بيكون قافل , فلو أنت مكنتش عارف التفاصيل دي قبل ما تزور المكان ممكن يضيع عليك نص يوم في المواصلات و تروح تلاقي المكان اللي انت عاوزة قافل و المصيبه بقى لو كنت مسافر تاني يوم و ده أخر يوم ليك في المدينة حتكون فوت فرصة أنك تزور حاجه نفسك تشوفها علشان منظمتش خط سيرك مسبقا .
بعض أسرار تنظيم الرحلة و خط السير :
1. قبل ما تسافر تجيب ورقة و قلم و تكتب كل الأماكن اللي نفسك تزورها و طبعا عرفنا ازاي من TRIPADVISOR.COM مثلا . و تشوف كل مكان بيفتح أمتى و من الساعه كام و مقفول اي يوم علشان تبدأ تعمل جدول بزياراتك اليومية
2. بعض المتاحف في أوروبا و اللي تذكرة دخولها ممكن تكون أكتر من 100 جنيه فيه أيام بتكون مجانا ببلاش و ده غالبا يوم الأحد الأول من كل شهر . حاول تستغل اليوم ده كويس أوي علشان تدخل فيه أكتر من متحف , مع العلم أن بيكون زحمة طبعا علشان مجانا .
3. بعض المتاحف بتكون مجانا بعد الظهر فقبل ما تروح أدخل على صفحتهم على النت و أعرف الأوقات المجانية للدخول
4. حاول دائما أنك تشتري تذاكر الدخول أون لاين و ده حيوفر عليك وقت كتير جدا . مثال لدخول متحف الفاتيكان مثلا ممكن تقف في طابور لمدة 3 ساعات علشان فقط تشتري تذكرة , و لو حضرتك ناصح و أشتريت التذكرة أون لاين بتدخل مباشره في 10 ثواني بدون أي طوابير
5. في زياراتك لأوروبا متصدقش الناس اللي بيبيعوا تذاكر في الشارع و يقولك دي أوفر و حوفرلك وقت و حدخلك على طول بدون طوابير , كل ده كلام فارغ و بيستغلوا السائح جدا و سعر التذكرة معاهم بتبقى ساعات أغلى الضعف , فخليك أنت أنصح منهم و أشتري تذكرتك مسبقا أون لاين
6. خلي دايما و قت كافي للتنقل من مكان لمكان لأنك جديد في المكان فمش عارف حتاخد وقت أد ايه و متضغطش يومك أوي بزيارات و متاحف في الأول و الأخر انت رايح تتبسط و تستمتع و تقضي وقت حلو و تشوف حاجات جديدة
7. خلي دايما يوم راحه وسط البرنامج بتاعك تروح تقضيه في جنينه مفتوحه أو تتمشى في سوق شعبي أو تروح تعد على البحر أو تعد على نهر أو تؤجر عجلة و تلف بيها في الشوارع ده حيكون يوم ممتع جدا تريح فيه شوية و تشحن طاقتك و تستكشف حاجات و أماكن جديدة انت متعرفهاش و حتكون فرصة حلوة تشوف أهل البلد عايشين ازاي و بيشتروا منين و بيقضوا وقتهم ازاي
8. حاول دايما تبعد عن الأماكن الزحمة في الويك اند , يعني مثلا لو حتروح صن واي لاجون في كوالالامبور حاول أنك تتجنب تروحها بوم السبت و الأحد علشان بيكون يوم عطلة رسمية و أهل البلد بيروحوا هناك فبتكون زحمة أوي , فمهم أوي تختار يوم زيارتك للمكان صح , و صدقني ده حيوفر عليك كتير و يخليك تستمتع بالمكان لأقصى حد بعيد عن الزحمة
9. النقطة دي للمحبين للفن : خد وقتك في كل مكان و استمتع بيه على أد ما تقدر , و متحولش أنك تجري علشان تلحق حاجه تانيه لأنك لا حتستمتع بدي و لا بالتانيه , متحف زي رايكس مثلا في امستردام فيه لوحات تعد تحف فنيه لا تقدر بثمن بيكونوا حاطين أمام اللوحه كنبه علشان الناس تعد تتأمل في اللوحه , تخيل واحد قاعد أمام لوحه نص ساعه مثلا بيتأمل في كل تفاصيلها و الرسام رسمها أزاي
لو أنت محب للفن حتقدر الكلام ده أوي .10. تنظيمك كمان لازم يشمل استخدامك لوسائل المواصلات العامة و دي حيكون ليه بوست منفصل لأنه موضوع مهم جدا و حيوفر عليك فلوس كتير , فلازم قبل ما تتحرك و تزور أي مكان تكون عارف حتركب ايه و حتركبه منين علشان توفر وقت و كمان توفر فلوس
دي بعض أسرار تنظيمك لخط سير الرحلة و دي نقطة مهمة أوي علشان تعرف تستمتع بكل دقيقة في اجازتك
ملحوظة الصورة الأولي أمام الموناليزا في متحف اللوفر بباريس , و الصورة التانية أمام متحف الفاتيكان