السلام عليكم, انا الحين ابي ارجع للسعودية عشان...

[Annoos Tariq]

السلام عليكم,
انا الحين ابي ارجع للسعودية عشان اجدد جوازي, هل لازم اطلع فيزا جديدة للجواز الجديد؟
وسؤال ثاني, تذكرة الرجعة راح تكون برقم الجواز القديم. اقدر اغير رقم الجواز بالتذكرة؟

 

[Albeshi Jebryl]

مايحتاج فيزا جديدة + بامكانك تغير

 

[Abady Sawari]

تاخذ الجوازين معاك اذا رجعت ع امريكا ان شاءالله ومايحتاج فيزة جديدة.

 

[أحمد الجبيري]

اذا رحت تجدد الجواز قولهم فيه فيزا لأمريكا مدة صلاحيتها ما انتهت واحتاج الجواز القديم يخرمونه ويعطونك الجواز الجديد مع القديم وتدخل بها لأمريكا

 

[Abdulaziz Jasim]

تقدر تجدد جوازك من اي قنصليه في امريكا ، اتصل ع السفاره السعوديه في امريكا وهم يقولون لك اقرب قنصليه قريبه منك

 

[Hassan Al Nasser]

اهم شيقولهم لايخرمون الفيزا وانك تحتاج الفيزا واذا جيت تدخل امريكا اخذ الجواز القديم معاك لو خرموها لازم تطلع جديده

 

[Khalid M Alsehli]

انا ارسلت على القنصلية ما رحت السعودية و عشرة ايام والجواز ممدد له سنتين

 

[Hawra Almasoud]

انا جددت الجواز قبل 6شهور تقريباً وانا بامريكا وارسلو لي الجوازين مع بعض القديم والجديد عشان الفيزا بالقديم

 

[Khalid M Alsehli]

جددتيه من السعودية ؟

 

[Ahmad Al-Qhtani]

اتوقع الفيزا مالها دخل يتجديد الجواز ،، تجيب الجواز القديم والجديد وهم يشوفو الفيزا اللي بالقديم عادي ،، بالنسبه للتذكره ماعندي فكره ،، بس ارسل ايميل لهم عشان تتاكد

 

[Alb Eem]

تقدر تجدد عن طريق السفاره أنا جددته عن طريقهم.

 

[Annoos Tariq]

يعطيكم العافية على الردود جميعاً
انا ودي اجدد جوازي من السعودية لأني اذا جددته من السفارة بأمريكا راح ياخذ له كم من شهر وانا اخاف اقعد مدة طويلة بأمريكا بدون جواز عشان لو اضطريت أرجع للسعودية لسبب طارئ لا سمح الله. وغير كذا ما عندي صورة شخصية حديثة 4*6 بشماغ وعقال للجواز الجديد

طيب بالنسبة للسيفس والآي توني هل يترتب عليهم اي شي لمن اطلع جواز جديد؟

 

[Samer F Aljishi]

لا ما يحتاج فيزة ثانية بس تأكدو انه الموظف حق الجوازات ما يخرم صفحة الفيزا

 

[Ali Alanazi]

اذا جددت في السعودية تأكد مثل ما قالوا لك الشباب ان تقول للموظف ترى فيها فيزا علشان مايخرمها لك .. ومايحتاح تطلع فيزا جديده بس الجواز القديم لازم يكون معك دايم الين تنتهي الفيزا .. بالتوفيق

 

[Khalid Alotaibi]

اطلع لاقرب قنصليه قريبه منك وهم يمددون لك جوازك وانت واقف ماياخذ نص ساعه واذا رجعت السعودية تجدده من هناك ويبقى القديم معك

 

[Mohammed Almakki]

مثلك انا

 

[Mohammed Hakami]

تطلع الجواز القديم، واستخدم الفيزا اللي في الجواز القديم، يعني تكون حامل الجوازين عند الدخول لإمريكا.
ولا تسوي أي شي في التذكرة.

 

[Omar Al Qhtani]

مو لازم بس وانت راجع جب جوازك القديم معاك

 

[Manar Awad]

مو لازم ترجعين السعودية
وديه لأقرب قنصلية منك وعبي طلب تجديد الجواز اون لاين
انا جددت جوازي في نيويورك

 

[Manar Awad]

خليهم يدبسون جوازك القديم مع الجديد في القنصلية عشان سمعت في السعودية يدبسون بطريقة غلط تخرب الفيزا ويبغالك تطلعين فيزا جديدة
طبعا الطريقة يدبسلك اول صفحة في الجديد مع آخر صفحة في القديم وكذا تسلم الفيزا