T
Travel Secrets
:: مسافر ::
أسرار السفر لماليزيا : ( الجزء الأول الانتقالات في الجزر )
مهم جدا تعرف أزاي حتتنقل ما بين الجزر و داخل الجزر علشان تعرف تنظم رحلتك كويس الى ماليزيا
أسرار الانتقالات في ماليزيا :
• المسافة من مطار كوالالامبور الدولي الى داخل العاصمة كوالالامبور حوالي 50 دقيقة بالسيارة و سعر السياره حوالي 80 رنجت , السر الأول : لو كنتوا فردين أو 3 أفراد حتركب تاكسي اسمه Budget Taxi و حتلاقي الكاونتر بتاعه داخل المطار قبل بوابة الخروج , لو أنت لوحدك الأوفر أنك تركب المترو و اسمه KLIA EXPRESS و سعره للفرد 35 رنجت و بيروح الى KL SENTRAL خلال 23 دقيقة فقط.
• لو حتوصل مطار كوالالامبور الصبح سافر بعد الوصول مباشره الى لانكاوي أو بينيج ( حسب ما حتقرر) و ده حيوفر معاك ثمن الانتقالات من و الى داخل كوالالامبور نفسها و حتكسب وقت و مش حتضيع يوم تاني في السفر . نصيحه خلي على الأقل 3 ساعات بين وقت وصول الرحلة الدولية و اقلاع الرحلة الداخلية
• كوالالامبور فيها مطارين : المطار الدولي و فيه صالتين KLIA1 & KLIA2 , صالة 1 لشركات الطيران الدولية الكبرى زي طيران الماليزية مثلا و صالة 2 للشركات منخفضة التكاليف زي اير ايشيا و تقدر تتنقل ما بينهم من خلال مترو في 60 ثانيه و سعره 2 رنجت , و فيه أيضا في كوالالامبور مطار أصغر اسمه SUBANG و ده الأقرب الى العاصمة كوالالامبور و لكن ده مخصص للرحلات الداخليه فقط , معلومة مهمه : خلي بالك و أنت بتحجز رحلات الطيران الداخلي أنت حتسافر و حتوصل على اي مطار فيهم .
• السفر من كوالالامبور الى الجزر: فيه طريقتين : الأولى : عن طريق الباص الى جزيرة بينيج فقط و مافيش باص الى لانكاوي , و ده طريقه مسلي بس طويل و متعب جدا و ممل و حتضيع يوم كامل في الطريق و لا أنصح بيه , الطريقة التانيه : الطيران الداخلي و ده أسرع طبعا و بيروح من كوالالامبور الى بينيج أو لانكاوي في حوالي ساعة فقط و سعره رخيص مش غالي.
• لانكاوي : جزيرة صغيرة تصلح أكثر لشهر العسل لأن أجوائها رومانسيه , و فيها منطقتين مهمين للسكن: منطقة كواه و دي تعتبر العاصمة فيها مول واحد صغير و كام مطعم و البحر فيها مش حلو أوي للنزول , بس فيها حديقة لاجيندا و نصب النسر و الينابيع الساخنه air Hangat , و المنطقة التانيه هي سينانج بيتش و دي البحر فيها احلى و فيها مطاعم و بارات صغيره على البحر فتعتبر مسليه أكثر بليل لزوجين, التنقل داخل لانكاوي بالتاكسي فقط لأنها جزيرة صغيره , قبل ما تطلع من المطار احجز الرحلات و الانتقالات و كل شيء من المكاتب السياحية اللي جوا المطار , و لو عاوز تدرس الموضوع كويس خد كل الفلايرز ( عروض الرحلات من كل المكاتب ) و ادرسهم في الفندق براحتك و بعدين ممكن تكلمهم و تحجز معاهم كل حاجه , نصيحه: لو حتحجز كل الرحلات من مكتب واحد فاصل معاه و ممكن يديلك الانتقالات من و الى المطار مجانا لو حجزت أكثر من رحلة , أو على الأقل حيعملك تخفيض كويس على الانتقالات . متتعملش مع أي مكتب فيه عرب لأن للاسف استغلالين جدا و أسعارهم أغلى من أي حد و بيستغلوا العرب لأقصى درجة بحجة اننا مش حنعرف نتعامل مع حد تاني ( بس على مين هههههه , نحن هنا
) , معلومة أخرى : جزيرة لانكاوي منطقة حرة معفاة من الضرائب فأسعار المنتجات المستوردة زي الشوكلاتات و منتجات أخرى أرخص بكثير من كوالالامبور.
• جزيرة بينيج : فيها منطقتين مهمين للسكن : منطقة باتو فرنجي و دي على البحر و كلها فنادق فخمه و منتجعات و فيها فنادق بردو رخيصة و فيها سوق ليلي بليل حلو و مسلي و مطاعم و البحر فيها حلو و يصلح للنزول, المنطقة الثانية اسمها جورج تاون و دي تعتبر عاصمة بينيج و الفنادق فيها أرخص من باتو فرنجي ولكن البحر فيها مش حلو أوي و فيها مولات زي كومتار و سهرات ومطاعم كتير متعدده و معالم الاستعمار البريطاني على الجزيرة .
في الانتقالات داخل بينيج اعتمد على الباص فهو أرخص كثير من التاكسي و بيروح كل مكان و سعر التذكره 2 رنجت , معلومة ذهبية : فيه باص مجاني داخل منطقة جوروج تاون بيلف كل المنطقة بدون ما تدفع و لا مليم ( فرصة حلوة تتفرج على العاصمة ببلاش )
• الانتقال بين الجزيرتين : فيه طريقتين : الأولي هي العبارة السريعه و دي بتوصل في حوالي ساعتين و منصحش بيها لأن البحر ساعات بيكون عالي و بتكون رحلة متعبة جدا بالذات لو فيه أطفال و الصراحه بهدله لو معاك شنط, الطريقة التانيه و هي الطيران و دي أحسن وسيله و رخيصه جدا للتنقل بين الجزيرتين و بتوصل في 35 دقيقة .
البوست القادم حيكون الانتقالات داخل كوالالامبور لأنه ملف مهم جدا و لازم نتوقف عنده شويه علشان نعرف ازاي نقدر نوفر جدا في الانتقالات داخل كوالالامبور
اتمنى المعلومات دي تساعدكم في تنظيم رحلتكم الى ماليزيا
مع تحياتي
#travel_secrets
مهم جدا تعرف أزاي حتتنقل ما بين الجزر و داخل الجزر علشان تعرف تنظم رحلتك كويس الى ماليزيا
أسرار الانتقالات في ماليزيا :
• المسافة من مطار كوالالامبور الدولي الى داخل العاصمة كوالالامبور حوالي 50 دقيقة بالسيارة و سعر السياره حوالي 80 رنجت , السر الأول : لو كنتوا فردين أو 3 أفراد حتركب تاكسي اسمه Budget Taxi و حتلاقي الكاونتر بتاعه داخل المطار قبل بوابة الخروج , لو أنت لوحدك الأوفر أنك تركب المترو و اسمه KLIA EXPRESS و سعره للفرد 35 رنجت و بيروح الى KL SENTRAL خلال 23 دقيقة فقط.
• لو حتوصل مطار كوالالامبور الصبح سافر بعد الوصول مباشره الى لانكاوي أو بينيج ( حسب ما حتقرر) و ده حيوفر معاك ثمن الانتقالات من و الى داخل كوالالامبور نفسها و حتكسب وقت و مش حتضيع يوم تاني في السفر . نصيحه خلي على الأقل 3 ساعات بين وقت وصول الرحلة الدولية و اقلاع الرحلة الداخلية
• كوالالامبور فيها مطارين : المطار الدولي و فيه صالتين KLIA1 & KLIA2 , صالة 1 لشركات الطيران الدولية الكبرى زي طيران الماليزية مثلا و صالة 2 للشركات منخفضة التكاليف زي اير ايشيا و تقدر تتنقل ما بينهم من خلال مترو في 60 ثانيه و سعره 2 رنجت , و فيه أيضا في كوالالامبور مطار أصغر اسمه SUBANG و ده الأقرب الى العاصمة كوالالامبور و لكن ده مخصص للرحلات الداخليه فقط , معلومة مهمه : خلي بالك و أنت بتحجز رحلات الطيران الداخلي أنت حتسافر و حتوصل على اي مطار فيهم .
• السفر من كوالالامبور الى الجزر: فيه طريقتين : الأولى : عن طريق الباص الى جزيرة بينيج فقط و مافيش باص الى لانكاوي , و ده طريقه مسلي بس طويل و متعب جدا و ممل و حتضيع يوم كامل في الطريق و لا أنصح بيه , الطريقة التانيه : الطيران الداخلي و ده أسرع طبعا و بيروح من كوالالامبور الى بينيج أو لانكاوي في حوالي ساعة فقط و سعره رخيص مش غالي.
• لانكاوي : جزيرة صغيرة تصلح أكثر لشهر العسل لأن أجوائها رومانسيه , و فيها منطقتين مهمين للسكن: منطقة كواه و دي تعتبر العاصمة فيها مول واحد صغير و كام مطعم و البحر فيها مش حلو أوي للنزول , بس فيها حديقة لاجيندا و نصب النسر و الينابيع الساخنه air Hangat , و المنطقة التانيه هي سينانج بيتش و دي البحر فيها احلى و فيها مطاعم و بارات صغيره على البحر فتعتبر مسليه أكثر بليل لزوجين, التنقل داخل لانكاوي بالتاكسي فقط لأنها جزيرة صغيره , قبل ما تطلع من المطار احجز الرحلات و الانتقالات و كل شيء من المكاتب السياحية اللي جوا المطار , و لو عاوز تدرس الموضوع كويس خد كل الفلايرز ( عروض الرحلات من كل المكاتب ) و ادرسهم في الفندق براحتك و بعدين ممكن تكلمهم و تحجز معاهم كل حاجه , نصيحه: لو حتحجز كل الرحلات من مكتب واحد فاصل معاه و ممكن يديلك الانتقالات من و الى المطار مجانا لو حجزت أكثر من رحلة , أو على الأقل حيعملك تخفيض كويس على الانتقالات . متتعملش مع أي مكتب فيه عرب لأن للاسف استغلالين جدا و أسعارهم أغلى من أي حد و بيستغلوا العرب لأقصى درجة بحجة اننا مش حنعرف نتعامل مع حد تاني ( بس على مين هههههه , نحن هنا
) , معلومة أخرى : جزيرة لانكاوي منطقة حرة معفاة من الضرائب فأسعار المنتجات المستوردة زي الشوكلاتات و منتجات أخرى أرخص بكثير من كوالالامبور.• جزيرة بينيج : فيها منطقتين مهمين للسكن : منطقة باتو فرنجي و دي على البحر و كلها فنادق فخمه و منتجعات و فيها فنادق بردو رخيصة و فيها سوق ليلي بليل حلو و مسلي و مطاعم و البحر فيها حلو و يصلح للنزول, المنطقة الثانية اسمها جورج تاون و دي تعتبر عاصمة بينيج و الفنادق فيها أرخص من باتو فرنجي ولكن البحر فيها مش حلو أوي و فيها مولات زي كومتار و سهرات ومطاعم كتير متعدده و معالم الاستعمار البريطاني على الجزيرة .
في الانتقالات داخل بينيج اعتمد على الباص فهو أرخص كثير من التاكسي و بيروح كل مكان و سعر التذكره 2 رنجت , معلومة ذهبية : فيه باص مجاني داخل منطقة جوروج تاون بيلف كل المنطقة بدون ما تدفع و لا مليم ( فرصة حلوة تتفرج على العاصمة ببلاش
)• الانتقال بين الجزيرتين : فيه طريقتين : الأولي هي العبارة السريعه و دي بتوصل في حوالي ساعتين و منصحش بيها لأن البحر ساعات بيكون عالي و بتكون رحلة متعبة جدا بالذات لو فيه أطفال و الصراحه بهدله لو معاك شنط, الطريقة التانيه و هي الطيران و دي أحسن وسيله و رخيصه جدا للتنقل بين الجزيرتين و بتوصل في 35 دقيقة .
البوست القادم حيكون الانتقالات داخل كوالالامبور لأنه ملف مهم جدا و لازم نتوقف عنده شويه علشان نعرف ازاي نقدر نوفر جدا في الانتقالات داخل كوالالامبور
اتمنى المعلومات دي تساعدكم في تنظيم رحلتكم الى ماليزيا
مع تحياتي
#travel_secrets