T
Travel Secrets
:: مسافر ::
أوعى تسافر لتتخطف :O !!!
هو ليه المصريين بتخاف من السفر او مش مقبلين عليه رغم ان السفر ليه فوايد كتير جداً وبيوسع المدارك وبيفتحلك فرص جديده.
بالنسبه للمصرين فى كذا سبب هما الأساس وافكار غلط عاوزين نصلحها مع بعتينا يا كماعه , عشان الناس تنطلق والزحمه تخف
١- الاغنياء بس هم الى بيسافروا :
الكلام دا ابعد ما يكون عن الصح لان مش معنى انك سافرت انك رايح عشان ترتاح على سرير حريرى وتآكل في افخم المطاعم وتعيش حياه الرفاهية. ممكن عادى جداً تسافر وتنام على سرير فغرفة مشتركه وتآكل اكل عادى من الى أهل البلد بياكلوه. عاوز تقتعنى مثلا ان إيطاليا كل اَهلها اغنياء ؟ فى منهم اكيد ناس بتكح تراب بس عايشين برضو في البلد انتا روح لف البلد وظبط نفسك عالبادجت بتاعتك.
٢- السفر مصاريف عالفاضى
الكلمه دى معناها انك مسافرتش قبل كدا بجد. السفر دا اكتر حاجه بتستفيد من دفع الفلوس فيها. مش عشان الصور الى هاتخدها ولا الذكريات الجميله. لان السفر هيديك خبره سنتين تلاته في شهر او اقل. انتا لما بتسافر بتخرج نفسك من دايره الراحه بتاعتك ولما بتخلى ابنك او بنتك تسافر انتا بتخرجهم من دايره الأمان بتاعتك وبتوريهم الدنيا عامله ازاى عالحقيقه. دا فحد ذاته استثمار كبير والعائد بتاعه عائد مدى الحياه لان الخبره مواقف والسفر بيجبرك تشوف حاجه مش متعود عليها ومواقف جديده بتضفها لخبره حياتك.
٣- فلوسك هتتسرق والحراميه هيخطفوك والنمر هياكلك
دى مخاوف الى اهلك كانو بيخوفوك بيها عشان متطلعش بعيد عن البيت وانتا صغنن ولما كبرت اكيد روحت بعيد عن البيت وفلوسك متسرقتش ولا الحراميه خطفوك ولا النمر كلك واكتشفت ان دى تجارب فرديه بتعتمد على القضاء والقدر وممكن تتسرق جنب بيتكم عادى جداً نفس احتماليه انك بعيد . دا غير ان معظم الدول فيها شرطه بجد في الشوارع والطرق
٤-مش هاخد الفيزا
الفيزا للدول بتعتمد على تظبيط الورق ودا مش صعب. اقرا شويه عن متطلبات فيزا البلد الى انتا رايحها وظبط ورقك كويس وراجعه مع حد اخد الفيزا قبل كدا وتوكل على الله. راجع بوست الحصول على الفيزا على صفحتنا
5- لغتي ضعيفة و مش حعرف اتواصل مع الناس:
طبعا من الحاجات المهمه هي التواصل لكن هل تفتكر كل واحد بيسافر بيعرف يتكلم لغة أهل بلدها !! يعني مسافر اليايان لازم اتكلم ياباني و بعدين عديت على الصين لازم اتكلم صيني , طيب افرض سافرت كوالالامبور !! لازم طبعا تاخد كورس في اللغه الكوالالامبورية قبل ما تسافر D: . طبعا كلام فارغ , الانجليزي ماشي في كل مكان و مش لازم تبقى خريج الجامعه الأمريكيه يعني علشان تعرف تتواصل كفايه أوي انك تعرف الاساسيات و ازاي تعبر عن نفسك لو احتجت حاجه , و لو اتزنقت الانترنت موجود و لغة الاشاره موجوده كفايه تشاور على الحاجه اللي انت عاوزها و الناس حتشاورلك بردو و تقضيها صم و بكم
أغلبنا عايشيين في حياة روتينيه و اللي بنعمله كل يوم بيتكرر و لو سألت حد أكلت ايه امبارح حيقولك مش فاكر , لكن تصدق ذكرياتنا الوحيده اللي بتدوم هي ذكرياتنا عن السفر و التغيير, لأن دي الحاجه الوحيده المميزة في حياتنا و مش بتحصل بشكل مستمر, خلي عندك ذكريات حلوة تقدر تحكيها لأحفادك ان شاء الله , انك قدرت تكسر كل القيود و طلعت لفيت العالم
#travel_secrets
by: Bahaa Aldeen Farouk
هو ليه المصريين بتخاف من السفر او مش مقبلين عليه رغم ان السفر ليه فوايد كتير جداً وبيوسع المدارك وبيفتحلك فرص جديده.
بالنسبه للمصرين فى كذا سبب هما الأساس وافكار غلط عاوزين نصلحها مع بعتينا يا كماعه , عشان الناس تنطلق والزحمه تخف
١- الاغنياء بس هم الى بيسافروا :
الكلام دا ابعد ما يكون عن الصح لان مش معنى انك سافرت انك رايح عشان ترتاح على سرير حريرى وتآكل في افخم المطاعم وتعيش حياه الرفاهية. ممكن عادى جداً تسافر وتنام على سرير فغرفة مشتركه وتآكل اكل عادى من الى أهل البلد بياكلوه. عاوز تقتعنى مثلا ان إيطاليا كل اَهلها اغنياء ؟ فى منهم اكيد ناس بتكح تراب بس عايشين برضو في البلد انتا روح لف البلد وظبط نفسك عالبادجت بتاعتك.
٢- السفر مصاريف عالفاضى
الكلمه دى معناها انك مسافرتش قبل كدا بجد. السفر دا اكتر حاجه بتستفيد من دفع الفلوس فيها. مش عشان الصور الى هاتخدها ولا الذكريات الجميله. لان السفر هيديك خبره سنتين تلاته في شهر او اقل. انتا لما بتسافر بتخرج نفسك من دايره الراحه بتاعتك ولما بتخلى ابنك او بنتك تسافر انتا بتخرجهم من دايره الأمان بتاعتك وبتوريهم الدنيا عامله ازاى عالحقيقه. دا فحد ذاته استثمار كبير والعائد بتاعه عائد مدى الحياه لان الخبره مواقف والسفر بيجبرك تشوف حاجه مش متعود عليها ومواقف جديده بتضفها لخبره حياتك.
٣- فلوسك هتتسرق والحراميه هيخطفوك والنمر هياكلك
دى مخاوف الى اهلك كانو بيخوفوك بيها عشان متطلعش بعيد عن البيت وانتا صغنن ولما كبرت اكيد روحت بعيد عن البيت وفلوسك متسرقتش ولا الحراميه خطفوك ولا النمر كلك واكتشفت ان دى تجارب فرديه بتعتمد على القضاء والقدر وممكن تتسرق جنب بيتكم عادى جداً نفس احتماليه انك بعيد . دا غير ان معظم الدول فيها شرطه بجد في الشوارع والطرق
٤-مش هاخد الفيزا
الفيزا للدول بتعتمد على تظبيط الورق ودا مش صعب. اقرا شويه عن متطلبات فيزا البلد الى انتا رايحها وظبط ورقك كويس وراجعه مع حد اخد الفيزا قبل كدا وتوكل على الله. راجع بوست الحصول على الفيزا على صفحتنا
5- لغتي ضعيفة و مش حعرف اتواصل مع الناس:
طبعا من الحاجات المهمه هي التواصل لكن هل تفتكر كل واحد بيسافر بيعرف يتكلم لغة أهل بلدها !! يعني مسافر اليايان لازم اتكلم ياباني و بعدين عديت على الصين لازم اتكلم صيني , طيب افرض سافرت كوالالامبور !! لازم طبعا تاخد كورس في اللغه الكوالالامبورية قبل ما تسافر D: . طبعا كلام فارغ , الانجليزي ماشي في كل مكان و مش لازم تبقى خريج الجامعه الأمريكيه يعني علشان تعرف تتواصل كفايه أوي انك تعرف الاساسيات و ازاي تعبر عن نفسك لو احتجت حاجه , و لو اتزنقت الانترنت موجود و لغة الاشاره موجوده كفايه تشاور على الحاجه اللي انت عاوزها و الناس حتشاورلك بردو و تقضيها صم و بكم
أغلبنا عايشيين في حياة روتينيه و اللي بنعمله كل يوم بيتكرر و لو سألت حد أكلت ايه امبارح حيقولك مش فاكر , لكن تصدق ذكرياتنا الوحيده اللي بتدوم هي ذكرياتنا عن السفر و التغيير, لأن دي الحاجه الوحيده المميزة في حياتنا و مش بتحصل بشكل مستمر, خلي عندك ذكريات حلوة تقدر تحكيها لأحفادك ان شاء الله , انك قدرت تكسر كل القيود و طلعت لفيت العالم
#travel_secrets
by: Bahaa Aldeen Farouk