T
Travel Secrets
:: مسافر ::
تحب السنه الجاية تصيف في الساحل و لا أمستردام !!! 
ليه هو انا ممكن أسافر أمستردام 6 أيام و مدفعش غير 4000 جنيه مثلا شامل كل حاجه !!؟؟ :O
تصدق ممكن , و حقولك ازاي
حنقلكم تجربتي كما هي لزيارة مدينة الأحلام امستردام, أول فكره حتيجي في بالك عن امستردام انها بلد التناقضات حتلاقي فيها الطبيعه و الورود الساحرة و طواحين الهواء ، و القنوات المائية اللي ممكن تعد تتمشى على ضفافها طول اليوم بدون ممل, و أشهر متاحف أوروبا اللي بتضم أعمال لأشهر فنانين زي رامبرانت و فان جوخ , و الكنايس اللي أجراسها بتدق كل ساعة , و في نفس الوقت بلد مصرح فيها بالدعارة والحشيش عادي ( و كله بالقانون )
!!
طيب خلينا ندخل في المهم , هو السعر ده حقيقي !! أه و الله حقيقي . خلينا نعرف ازاي !
( أسرار السفر الى امستردام ) :
• ثمن تذكرة الطيران الدولي على الخطوط الايطاليه من القاهره بسعر 2540 جنيه , و دي طبعا أغلى حاجه في الموضوع
• أول ما حتوصل المطار حتاخد القطار لحد المحطة المركزية في وسط امستردام في 15 دقيقة بس و ده حيكلفك 5 يورو للوجهه الواحده , يعني 10 يورو رايح جاي لمطار شيبول في امستردام .
• تقدر تنزل في هوستل في امستردام زي مثلا Princess Hostel Leidse Square بسعر 770 جنيه لمدة 6 ايام. و موقعه كويس أوي و في هوستلز كتير ممكن تختار منها. مع العلم ان أفضل بيوت شباب في العالم في امستردام.
• أمستردام مدينه صغيره بس رائعه و منظمة جدا , تقدر تؤجر عجلة و تلفها كلها من الصبح لحد الساعه 6 بليل بمبلغ 9,4 يورو .
• أهم متحف في امستردام اسمه متحف رايكس , Rijksmuseum و ده اكبر و أشهر متحف في المدينة و أنصح أي حد محب للفن انه ما يفوتش تجربة زيارة المتحف ده و سعره اون لاين 17 يورو ( بجد رهيييب ) . بعد ما تطلع من المتحف حتلاقي علامة ( I AMSTERDAM ) المميزة و دي لازم تتصور عندها و امامها حديقة كبيرة و بحيره و فرق موسيقية و فرق رقص طول اليوم و في أيام الويك اند بيبقى فيها أنشطه كتير و كلها مجانيه
• رحلة الكروز في القنوات المائية , و دي تقدر تركبها لمدة ساعه و نصف و تلف على أشهر معالم أمستردام بسعر 14 يورو
• المترو في امستردام تذكرته بالساعه و سعرها 3 يورو و ممكن تشتري تذكرة يوم كامل بسعر 7.5 يورو و تركب جميع المواصلات العامه بالمبلغ ده طول اليوم .
• طيب مش نفسك تشوف طواحين الهواء و الريف الهولندي , قشطه جدا , حتروح المحطة المركزية و تركب من هناك باص Connexxion bus 391 الى ZAANSE SCHANS ( ذهاب و عوده 10 يورو ) , و دي حته كده سبحان الله كأنها من الجنه , طبيعه و خضرا و بحيرات و طواحين الهواء و مصانع الأجبان و مصانع القباقيب الخشبيه , و المفاجأه بقى كل ده مجانا يعني مش حتتكلف غير تمن الباص يا بلاش
• أشهر سوق مفتوح في امستردام هو Albert Cuyp markt و ده كله أكشاك بتبيع كل حاجه : ملابس و أكل و تحف و تذاكارات , حتقضي وقت حلو أوي و انت بتتمشى فيه و بتتفرج على الهولنديين و هما بيبعوا بضاعتهم . و أسعاره كويسه أوي .
• أحلى حاجه تستكشف بيها أمستردام انك تطلع في جولة مع مجموعة سياحية لمدة 3 ساعات تمشي في شوارعها و تكتشف تاريخها و تسمع قصص شيقة عنها مع مرشد من أهل البلد , و تصدق كل ده ببلاش بردو , ادخل على الموقع ده للحجز www.newamsterdamtours.com و اختار التاريخ و الوقت و مبروك كسبت جولة مع مرشد في امستردام ببلاش . ( ممكن طبعا تكريما للمرشد انك تدفعله بقشيش في حدود 5 يورو مثلا , انت و ذوقك )
• طبعا أوعى تفوت تجربة البطاطس الهولندية و بالذات لو الجو برد و تكون لسه البطاطس طالعه سخنه و عليها جبنه ياسلام على الاحساس تحسها بتدفي كل جسمك و سعرها 2 يورو للقرطاس
• طيب ايه رايك تطلع رحلة بحرية بسيطه و ببلاش , ده ممكن في امستردام , كل اللي عليك انك تروح خلف المحطة المركزية مباشرة و تركب العباره المجانيه اللي بتعدي على خليج ( اي جي ) و تتفرج على أحلى مناظر من العباره.
• عاوز تتفرج على أهل البلد بيقضوا وقت فراغهم ازاي ؟ يبقى لازم تزور أكبر حديقة في المدينه Vondelparkو دي مليانه بالسياح و الزوار المحليين و فيها مسرح مفتوح عليه عروض تقريبا بشكل يومي و كمان بيكون فيه حفلات و عروض موسيقية و كل ده مجانااااا.
• طبعا تجربتك في امستردام متكملش بدون المرور بليل على الشارع الأشهر في امستردام شارع ( RED LIGHT DISTRICT ) أعتقد أغلب الناس عارفه ده شارع ايه !! المهم انه لفوق 18 سنه و نصيحه أوعى تفكر تصور اي حد في الشارع ده علشان ممكن جدا تلاقي واحده جت و اخدت منك الكاميرا و راحت رامياها في النهر ههههه
• أشهر ميادين امستردام هو دام سكوير و ده القلب النابض لامستردام , كل الشوارع توصلك ليه بس وجودك فيه بحد ذاته متعه مختلفه لأنك بتشوف الحياة الهولنديه العصرية على طبيعتها , و أيضا ساحة ليدين و ده يعتبر معقل الشباب في امستردام لأنه كله مطاعم و كافيهات و ديسكوهات و سهرات
امستردام مدينة رائعة و مليانه بالتناقضات اللي حتخليك تحس فيها أنك أمام تجربة فريدة من نوعها نادرا ما حتتكرر في حياتك .
ملحوظة : امستردام أغلب السنه برد لكن أحسن وقت لزيارتها من شهر 7 الى شهر 9 و لكن موسم الورود من منتصف شهر مارس الى نصف مايو , و يا سعدك يا هناك لو كنت هناك في الوقت ده و زرت حديقة Keukenhof
حتفاجئ و انت ماشي في امستردام أن أغلب العاملين في المطاعم و محلات الأكل مصريين ( شكل فيلم همام في امستردام أثر في مصريين كتير و قالك نجرب )
بالنسبه لموضوع الفيزا : فيه بوست كامل على الصفحه عن كيفية الحصول على فيزا شنجن , أرجو انه يفيدكم
أتمنى اننا نكون قدرنا نساعدكم في ترتيب سفريتك لامستردام و لو الموضوع عجبك لايك و شير و خلي كل أصحابك تستفيد
#travel_secrets
BY: BAHAA
ليه هو انا ممكن أسافر أمستردام 6 أيام و مدفعش غير 4000 جنيه مثلا شامل كل حاجه !!؟؟ :O
تصدق ممكن , و حقولك ازاي
حنقلكم تجربتي كما هي لزيارة مدينة الأحلام امستردام, أول فكره حتيجي في بالك عن امستردام انها بلد التناقضات حتلاقي فيها الطبيعه و الورود الساحرة و طواحين الهواء ، و القنوات المائية اللي ممكن تعد تتمشى على ضفافها طول اليوم بدون ممل, و أشهر متاحف أوروبا اللي بتضم أعمال لأشهر فنانين زي رامبرانت و فان جوخ , و الكنايس اللي أجراسها بتدق كل ساعة , و في نفس الوقت بلد مصرح فيها بالدعارة والحشيش عادي ( و كله بالقانون )
!! طيب خلينا ندخل في المهم , هو السعر ده حقيقي !! أه و الله حقيقي . خلينا نعرف ازاي !
( أسرار السفر الى امستردام ) :
• ثمن تذكرة الطيران الدولي على الخطوط الايطاليه من القاهره بسعر 2540 جنيه , و دي طبعا أغلى حاجه في الموضوع
• أول ما حتوصل المطار حتاخد القطار لحد المحطة المركزية في وسط امستردام في 15 دقيقة بس و ده حيكلفك 5 يورو للوجهه الواحده , يعني 10 يورو رايح جاي لمطار شيبول في امستردام .
• تقدر تنزل في هوستل في امستردام زي مثلا Princess Hostel Leidse Square بسعر 770 جنيه لمدة 6 ايام. و موقعه كويس أوي و في هوستلز كتير ممكن تختار منها. مع العلم ان أفضل بيوت شباب في العالم في امستردام.
• أمستردام مدينه صغيره بس رائعه و منظمة جدا , تقدر تؤجر عجلة و تلفها كلها من الصبح لحد الساعه 6 بليل بمبلغ 9,4 يورو .
• أهم متحف في امستردام اسمه متحف رايكس , Rijksmuseum و ده اكبر و أشهر متحف في المدينة و أنصح أي حد محب للفن انه ما يفوتش تجربة زيارة المتحف ده و سعره اون لاين 17 يورو ( بجد رهيييب ) . بعد ما تطلع من المتحف حتلاقي علامة ( I AMSTERDAM ) المميزة و دي لازم تتصور عندها و امامها حديقة كبيرة و بحيره و فرق موسيقية و فرق رقص طول اليوم و في أيام الويك اند بيبقى فيها أنشطه كتير و كلها مجانيه
• رحلة الكروز في القنوات المائية , و دي تقدر تركبها لمدة ساعه و نصف و تلف على أشهر معالم أمستردام بسعر 14 يورو
• المترو في امستردام تذكرته بالساعه و سعرها 3 يورو و ممكن تشتري تذكرة يوم كامل بسعر 7.5 يورو و تركب جميع المواصلات العامه بالمبلغ ده طول اليوم .
• طيب مش نفسك تشوف طواحين الهواء و الريف الهولندي
, قشطه جدا , حتروح المحطة المركزية و تركب من هناك باص Connexxion bus 391 الى ZAANSE SCHANS ( ذهاب و عوده 10 يورو ) , و دي حته كده سبحان الله كأنها من الجنه , طبيعه و خضرا و بحيرات و طواحين الهواء و مصانع الأجبان و مصانع القباقيب الخشبيه , و المفاجأه بقى كل ده مجانا يعني مش حتتكلف غير تمن الباص يا بلاش • أشهر سوق مفتوح في امستردام هو Albert Cuyp markt و ده كله أكشاك بتبيع كل حاجه : ملابس و أكل و تحف و تذاكارات , حتقضي وقت حلو أوي و انت بتتمشى فيه و بتتفرج على الهولنديين و هما بيبعوا بضاعتهم . و أسعاره كويسه أوي .
• أحلى حاجه تستكشف بيها أمستردام انك تطلع في جولة مع مجموعة سياحية لمدة 3 ساعات تمشي في شوارعها و تكتشف تاريخها و تسمع قصص شيقة عنها مع مرشد من أهل البلد , و تصدق كل ده ببلاش بردو , ادخل على الموقع ده للحجز www.newamsterdamtours.com و اختار التاريخ و الوقت و مبروك كسبت جولة مع مرشد في امستردام ببلاش . ( ممكن طبعا تكريما للمرشد انك تدفعله بقشيش في حدود 5 يورو مثلا , انت و ذوقك )
• طبعا أوعى تفوت تجربة البطاطس الهولندية و بالذات لو الجو برد و تكون لسه البطاطس طالعه سخنه و عليها جبنه ياسلام على الاحساس
تحسها بتدفي كل جسمك و سعرها 2 يورو للقرطاس• طيب ايه رايك تطلع رحلة بحرية بسيطه و ببلاش , ده ممكن في امستردام , كل اللي عليك انك تروح خلف المحطة المركزية مباشرة و تركب العباره المجانيه اللي بتعدي على خليج ( اي جي ) و تتفرج على أحلى مناظر من العباره.
• عاوز تتفرج على أهل البلد بيقضوا وقت فراغهم ازاي ؟ يبقى لازم تزور أكبر حديقة في المدينه Vondelparkو دي مليانه بالسياح و الزوار المحليين و فيها مسرح مفتوح عليه عروض تقريبا بشكل يومي و كمان بيكون فيه حفلات و عروض موسيقية و كل ده مجانااااا
. • طبعا تجربتك في امستردام متكملش بدون المرور بليل على الشارع الأشهر في امستردام شارع ( RED LIGHT DISTRICT ) أعتقد أغلب الناس عارفه ده شارع ايه !! المهم انه لفوق 18 سنه و نصيحه أوعى تفكر تصور اي حد في الشارع ده علشان ممكن جدا تلاقي واحده جت و اخدت منك الكاميرا و راحت رامياها في النهر ههههه
• أشهر ميادين امستردام هو دام سكوير و ده القلب النابض لامستردام , كل الشوارع توصلك ليه بس وجودك فيه بحد ذاته متعه مختلفه لأنك بتشوف الحياة الهولنديه العصرية على طبيعتها , و أيضا ساحة ليدين و ده يعتبر معقل الشباب في امستردام لأنه كله مطاعم و كافيهات و ديسكوهات و سهرات
امستردام مدينة رائعة و مليانه بالتناقضات اللي حتخليك تحس فيها أنك أمام تجربة فريدة من نوعها نادرا ما حتتكرر في حياتك .
ملحوظة : امستردام أغلب السنه برد لكن أحسن وقت لزيارتها من شهر 7 الى شهر 9 و لكن موسم الورود من منتصف شهر مارس الى نصف مايو , و يا سعدك يا هناك لو كنت هناك في الوقت ده و زرت حديقة Keukenhof
حتفاجئ و انت ماشي في امستردام أن أغلب العاملين في المطاعم و محلات الأكل مصريين ( شكل فيلم همام في امستردام أثر في مصريين كتير و قالك نجرب )
بالنسبه لموضوع الفيزا : فيه بوست كامل على الصفحه عن كيفية الحصول على فيزا شنجن , أرجو انه يفيدكم
أتمنى اننا نكون قدرنا نساعدكم في ترتيب سفريتك لامستردام و لو الموضوع عجبك لايك و شير و خلي كل أصحابك تستفيد
#travel_secrets
BY: BAHAA