حتزور اسطنبول ؟؟ طيب أسكن فين ؟؟ لو دي زيارتك...

[Travel Secrets]

حتزور اسطنبول ؟؟ طيب أسكن فين ؟؟

لو دي زيارتك الأولى لاسطنبول مهم أوي تعرف أماكن السكن هناك و ايه الفرق بينهم و مميزات و عيوب كل منطقه فيهم :

أسرار السكن في اسطنبول :

منطقة فانح ( السلطان أحمد ) المنطقة التاريخية : تعتبر المنطقة التاريخية القديمة في اسطنبول (وتشمل منطقة بيازيت ولا لا لي) و دي فيها معظم المعالم السياحية البارزة في اسطنبول، مثل الجامع الأزرق والآيا صوفيا والسوق المسقوف (الجراند بازار)، وقصر توبكابي ومعالم سياحية كتيرة. و المنطقة دي مليانه مطاعم و كافيهات و محلات تجاريه و الميزة في الموضوع انك تقدر تلف كل المعالم السياحية دي مشي بدون مواصلات لانها جنب بعض .
طيب المنطقة دي تناسب مين ؟
لو حتزور اسطنبول أول مرة أو كنت عائلة , أو بتحب المعالم السياحيه القديمة .
الإيجابيات
•تنوع واسع من الفنادق الجيدة تناسب ميزانيات كثيرة
•سهولة التنقل والسفر بالترام والتاكسيات العمومية
•سهولة التنقل بين المعالم والأسواق مشيا على الأقدام
•مطاعم جيدة
السلبيات
•لا توجد حياة ليلية بعد ساعات الغروب
•بعض المطاعم ومحلات الهدايا اسعارها مرتفعة جدا

منطقة تقسيم ( حي بي أوغلو ) ( المنطقة الروشة في أسطنبول ) : المنطقة دي هي قلب أسطنبول و منطقة الروشنه و الشياكه في اسطنبول , تتوسطها شارع الاستقلال و ده الشارع الأشهر هناك, كله مطاعم و محلات و بارات و معارض و المنطقة دي بتمثل اسطنبول الشابة و الحديثة . و طبعا كلها سياح و المنطقه دي لازم تزورها خلال زيارتك لاسطنبول حتى لو لمرة واحده.
طيب المكان ده يناسب مين ؟ الشباب و العرسان و الناس اللي بتحب الحياة الليليه و اللي بيحبوا الشوبنج و المطاعم
الإيجابيات
•مركز اسطنبول النابض
•محلات تسوق تلائم جميع الأذواق والميزانيات
•مطاعم تلائم جميع الأذواق والميزانيات
•حياة ليلية مميزة
السلبيات
•مافيهوش معالم تاريخية
•زحمة فحت في الصيف
•يعتبر غالي بالمقارنة بين الأماكن التانيه
•لازم تاخد تاكسي أو مترو الانفاق للوصل للمعالم السياحية
* لما بيحصل مظاهرات في أسطنبول فميدان تكسيم زي ميدان التحرير عندنا

نيسانتاسي (الحي الشيك ) : و دي تبعد عن تقسيم 10 دقايق مشي و فيها حي عثمان بيه و ماتشكا , و المنطقة دي تعتبر الحي الاوربي الفخيم في اسطنبول و فيها الحياة الليليه الروعه و بالذات في زقاق عطية ( اسمه كده زقاق ) , في المكان ده حتلاقي البراندات و المحلات الغاليه اوي .
طيب المنطقه الفحيته دي تناسب مين ؟ طبعا لو كنت أقل من مليونير مش حينفع تسكن هنا و تناسب اللي بيحبوا الماركات الغاليه , و الشباب ولاد الذوات اللي بيحبوا السهر بليل بس بشكل شيك
الإيجابيات
•الهدوء والحيوية
•مطاعم ومحلات فاخرة
•قريب جدا من شارع الاستقلال الشهير (١٠ دقائق مشيا على الأقدام)
•مواصلات مريحة
السلبيات
•اسعاره مرتفعة

كادكوي ( الجهة الاسيوية ) : و دي بعكس سلطان أحمد و تقسيم بتعتبر منطقة جديدة و بردو مليانه كافيهات و مطاعم و محلات أزياء , و تعتبر مريحة للسكن , أشهر شوارعها بغداد و فيها مولات كتير و شارع موضة الشهير
المنطقة دي تناسب العائلات و اللي زار أسطنبول اكتر من مره و عاوز يغير . أو اللي عاوز يبعد عن الزحمه و كمان اللي بيدور على حاجه رومانسيه
الإيجابيات
•تنوع في الأماكن والفعاليات
•حداثة وهدوء
•تسوق وازياء رفيعة
•مواصلات مريحة
•مطاعم ذات جودة عالية
السلبيات
•بعدها عن معالم اسطنبول الشهيرة، عليك استخدام العبارة للوصول إلى الجهة الأوروبية

دي أهم أربع مناطق للسكن في أسطنبول ( الوجهه الأشهر للسياح المصريين )
أتمنى الموضوع يكون عجبكم , و لو عاوز تفيد أصحابك شير للموضوع علشان الكل يستفيد
By: Bahaa
#travel_secrets

 

[Sameh Motair]

المعلومات ناقصة ليه المرة دي ...أسعار التذاكر ومتوسط أسعار المطاعم والفنادق وأفضل الأوقات اللي نروح فيها

 

[Yasmin Wasfy]

انا رحت قبل كده ونزلت في فندق في تكسيم ولو رحت تاني برضه هنزل في تكسيم انصح الناس بيها خصوصاً لو بنات مسافره لوحدها لأنها منطقه زحمه وفيها حركه طول اليوم وأمان جداً وقريبه من محطه المترو ومن موقف الباص بالاضافه ان شارع استقلال فيه كل حاجه من محلات اللبس لمحلات الأكل والايس كريم ..

 

[Sarah Sobhi]

عايزين ألمانيا وهولندا

 

[Ajmal Ehsas]

Mahmoud Abou Elhija

 

[Mary Kaiser]

كالعادة رائع يابهاء

 

[عمرو شريف]

برضه تعليق علي الادمن و علي المعلومات منطقه فاتح اللي هي السلطان احمد ملهاش علاقه بمنطقه لاالاي و لا بيزيت - و علشان تروح المزارات زي الجامع الازرق و ايه صوفيا و توبكابي محتاج الترام 4 محطات حيث ان لالي ده يعتبر سوق الملابس الجمله ( 6 قطع و طالع ) و معظم شركاات السياحه بتنزل فيه ما فيش شركات سياحه بتنزل في السلطان احمد يا بتنزل في تكسيم يا لالاي و اسعار الاوتيلات في لالاي طبعا ارخص كثير من تكسيم و لالاي منطقه الترام فيها و مترو الانفاق برضه فيها يعني المواصلات الرئيسيه بتعدي فيها بس عيبها الشزارع بتاعتها بليل مش امان اوي او تبان انها خطر حيث البيايعيين بيفرشوا في الشوارع يليل و يباع اي حاجه مضروبه و كميه سود و عراقيين و سوريين كبيره قوي و طبعا مليان مطاعم عربي و اسعار الاكل فيه مناسب جدا مقارنه بتقسيم اللي تحس انك في اوروبا

 

[Saad Mohamed SȜd]

لو سمحت انا محتاج ادي هديا لحد مسافر تركيا اقدر اديله ايه هديه تساعدة هناك ضروري حد يساعدني

 

[Reham Dawoud]

ممتاز و شكرا علي مجودك و استمر

 

[Magda Atallah]

عن تجربتى منطقه اكساراى ممتازه للاقامه فعلا فى النهار بتشترى جمله على الاقل ثلاث قطع لكن بلليل ممكن تنزل فى نفس المحلات وتشترى اللى عايزه قطعه واحده ممكن واسعار ممتازه وانه قريب من كل شئ واسعار الفنادق مناسبه جدا وكذلك المطاعم

 

[Magda Atallah]

كمان انصح جدا بالاقامه فى بورصه كام يوم للاستجمام والمتعه بمناظر جبال اولوداغ والتلفريك

 

[Hopy Ho]

لو ممكن عايزين معلومات عن لندن

 

[Enass Attia]

رووووعه

 

[Aya Azab]

Ahmed, ana 3ayza aro7

 

[Mohamed Hatem]

Gamal Eldeep Gamal Eldeeb

 

[Omnia MustaFa]

فيه في تركيا سوق اسمه محمود باشا حلو جدا ياريت تقولهم عليه

 

[Eman Mostafa]

Rehab El Nahasوحشتني سرمحتنا

 

[Rasha Baset]

Randa Ahmed Fouad

 

[Samar Gamal]

May El Nems

 

[Heba Esam]

Mohamed Esam