T
Travel Secrets
:: مسافر ::
ازاي تحصل على فيزا شنجن بكل سهولة :
أسرار الحصول على فيزا شنجن (2) : ( فيزا دخول كل دول الاتحاد الأوربي )
انا عارف ان زيارة أوروبا و الحصول على فيزا اوروبا حلم لناس كثير و ناس كثير بتدفع فيها الوفات متلتله و ناس بتحلم بالشغل هناك و بتترفض فيزتها لأسباب كتير .
قبل ما تسأل على تفاصيل الفيزا و الرحلة , أسأل نفسك الأول هل أنا مؤهل للحصول على الفيزا ؟؟
الموضوع ده بجد حيوفر عليكم تعب و أسئلة و فلوس كتير , انا حديكم شويه نصايح للفيزا و انت حتعرف من الاول انت ممكن تاخدها او لا ؟؟!
الموضوع مش كيميا و لا فيه اي نوع من انواع الحظ او الوسايط. أولا اهم الأوراق المطلوبة للسفاره بالترتيب : –
•خطاب جهه العمل و يكون فيه مكتوب فيه مبلغ المرتب ,و تاريخ التعيين , و اكيد طبعا لازم يكون بقالك سنه او اكثر متعين في الشغل و مرتبك يعتبر كويس و المكان نفسه اللي شغال فيه ليه اسم و معروف.
•كشف حساب البنك لمده سته شهور مش حقول لكم المبلغ اللي فيه يكون كام بس اكيد يكون مبلغ محترم يقنع موظف السفاره انك على الأقل قادر ماديا على الصرف هناك و يكون فيه حركه داخله و طالعه طول ال6 شهور اللي عدوا . على فكرة المبلغ القانوني حسب السفارة هو اللي يغطي تكاليف اقامتك و هما محددنها بحوالي 150 يورو في اليوم يعني لو حتعد 10 أيام يكون في حسابك ما يساوي 1500 يورو , و طبعا أي حاجه تثبت بيها مقدرتك الماليه حتفيد يعني فيزا كارد أو ماستر كارد أو امتلاكك لشقه او عربيه أو محل كل ده بيثبتلهم انك حترجع تاني مش حتروح و تكوت
•طبعا جواز سفرك و يفضل يكون فيه تاشيرات قبل كده و ماتقولش تاشيره السعوديه او حتي تركيا, بالنسبه ليهم دي تأشيرات عاديه , و لو جواز سفرك ما فيهوش تاشيرات يبقي بتجيب شهاده تحركات للسبع سنين اللي عدوا من مجمع التحرير
•حجز تذكره الطيران و حجز الفندق
• التامين الصحي الدولي و ده ب180 جنيه من شركات السياحه
و طبعا كل ورقك مترجم انجليزي
ده المطلوب من حضراتكم كاوراق,
طيب بالنسبه للمقابلة:
لازم تعرف ان مقابله تقديم الفيزا مهمه اوي و السؤال بيسأله ليك اكثر من مره باكثر من طريقه علشان يشوف ردك ايه عليه و برضه بلاش افلمه في الاجابات , و تقول انا طالع ادرس او اتعالج او حاجات كده لانه بيطلبوا بناء علي كده اوراق كثيره و طبعا لازم تقول ما تعرفش حد في البلد نفسه و لا مسافر شغل ، انت تقول مسافر سياحه و بس و ما تقولش مثلا حقعد في البلد اكثر من 15 يوم لان دي واسعه موت و هما ليهم نظره بجد و بيعرفوا الكداب بسهوله جدا و اوعي تضرب الاوراق لانهم بيستعلموا عنها, زي كشف حساب البنك بيبعتوا للبنك يتاكدوا منه لو شاكيين فيك . الموضوع مش سهل أوي و لا صعب أوي و لكن لازم تكون مستعد كويس للموضوع و محضر ورقك كويس. تمن الفيزا 60 يورو يعني 510 جنيه ، و اهم حاجه في الموضوع لو اخدتها مثلا ايطاليا و انت رايح فرنسا يبقي اركب الطيران الايطالي لفرنسا علشان حتنزل ترانزيت في روما و حيتختم جواز سفرك دخول ايطاليا ,
الطياره لباريس بتعبر طيران داخلي زي القاهره شرم كده لان اي فيزا لدوله اوروبيه و دخلت بيها دوله تانيه اوروبيه مسموح بيه اه انما بعد كده ممكن يغلسوا عليك لو طلبت الفيزا لانهم بيعتبروك ضحكت عليهم انا شخصيا شفت مئاسي في السفاره ناس بتدفع دم قلبها و بتترفض لان مصاريف الفيزا بياخدوها عند التقديم و تروح عليك لو اترفضت.
أتمنى شوية المعلومات دي تكون فدتكم و حتلاقو كمان بوست كامل بالتفصيل على الحصول على فيزا شنجن على نفس الصفحه و طريقة تقديم الورق و المقابله و كمان أسباب رفض الفيزا و كل التفاصيل الممله .
لو الموضوع شايف أنه ممكن يفيد أي حد شير مع أصحابك علشان الكل يستفيد .
By: Amr sherif
#travel_secrets
أسرار الحصول على فيزا شنجن (2) : ( فيزا دخول كل دول الاتحاد الأوربي )
انا عارف ان زيارة أوروبا و الحصول على فيزا اوروبا حلم لناس كثير و ناس كثير بتدفع فيها الوفات متلتله و ناس بتحلم بالشغل هناك و بتترفض فيزتها لأسباب كتير .
قبل ما تسأل على تفاصيل الفيزا و الرحلة , أسأل نفسك الأول هل أنا مؤهل للحصول على الفيزا ؟؟
الموضوع ده بجد حيوفر عليكم تعب و أسئلة و فلوس كتير , انا حديكم شويه نصايح للفيزا و انت حتعرف من الاول انت ممكن تاخدها او لا ؟؟!
الموضوع مش كيميا و لا فيه اي نوع من انواع الحظ او الوسايط. أولا اهم الأوراق المطلوبة للسفاره بالترتيب : –
•خطاب جهه العمل و يكون فيه مكتوب فيه مبلغ المرتب ,و تاريخ التعيين , و اكيد طبعا لازم يكون بقالك سنه او اكثر متعين في الشغل و مرتبك يعتبر كويس و المكان نفسه اللي شغال فيه ليه اسم و معروف.
•كشف حساب البنك لمده سته شهور مش حقول لكم المبلغ اللي فيه يكون كام بس اكيد يكون مبلغ محترم يقنع موظف السفاره انك على الأقل قادر ماديا على الصرف هناك و يكون فيه حركه داخله و طالعه طول ال6 شهور اللي عدوا . على فكرة المبلغ القانوني حسب السفارة هو اللي يغطي تكاليف اقامتك و هما محددنها بحوالي 150 يورو في اليوم يعني لو حتعد 10 أيام يكون في حسابك ما يساوي 1500 يورو , و طبعا أي حاجه تثبت بيها مقدرتك الماليه حتفيد يعني فيزا كارد أو ماستر كارد أو امتلاكك لشقه او عربيه أو محل كل ده بيثبتلهم انك حترجع تاني مش حتروح و تكوت
•طبعا جواز سفرك و يفضل يكون فيه تاشيرات قبل كده و ماتقولش تاشيره السعوديه او حتي تركيا, بالنسبه ليهم دي تأشيرات عاديه , و لو جواز سفرك ما فيهوش تاشيرات يبقي بتجيب شهاده تحركات للسبع سنين اللي عدوا من مجمع التحرير
•حجز تذكره الطيران و حجز الفندق
• التامين الصحي الدولي و ده ب180 جنيه من شركات السياحه
و طبعا كل ورقك مترجم انجليزي
ده المطلوب من حضراتكم كاوراق,
طيب بالنسبه للمقابلة:
لازم تعرف ان مقابله تقديم الفيزا مهمه اوي و السؤال بيسأله ليك اكثر من مره باكثر من طريقه علشان يشوف ردك ايه عليه و برضه بلاش افلمه في الاجابات , و تقول انا طالع ادرس او اتعالج او حاجات كده لانه بيطلبوا بناء علي كده اوراق كثيره و طبعا لازم تقول ما تعرفش حد في البلد نفسه و لا مسافر شغل ، انت تقول مسافر سياحه و بس و ما تقولش مثلا حقعد في البلد اكثر من 15 يوم لان دي واسعه موت و هما ليهم نظره بجد و بيعرفوا الكداب بسهوله جدا و اوعي تضرب الاوراق لانهم بيستعلموا عنها, زي كشف حساب البنك بيبعتوا للبنك يتاكدوا منه لو شاكيين فيك . الموضوع مش سهل أوي و لا صعب أوي و لكن لازم تكون مستعد كويس للموضوع و محضر ورقك كويس. تمن الفيزا 60 يورو يعني 510 جنيه ، و اهم حاجه في الموضوع لو اخدتها مثلا ايطاليا و انت رايح فرنسا يبقي اركب الطيران الايطالي لفرنسا علشان حتنزل ترانزيت في روما و حيتختم جواز سفرك دخول ايطاليا ,
الطياره لباريس بتعبر طيران داخلي زي القاهره شرم كده لان اي فيزا لدوله اوروبيه و دخلت بيها دوله تانيه اوروبيه مسموح بيه اه انما بعد كده ممكن يغلسوا عليك لو طلبت الفيزا لانهم بيعتبروك ضحكت عليهم انا شخصيا شفت مئاسي في السفاره ناس بتدفع دم قلبها و بتترفض لان مصاريف الفيزا بياخدوها عند التقديم و تروح عليك لو اترفضت.
أتمنى شوية المعلومات دي تكون فدتكم و حتلاقو كمان بوست كامل بالتفصيل على الحصول على فيزا شنجن على نفس الصفحه و طريقة تقديم الورق و المقابله و كمان أسباب رفض الفيزا و كل التفاصيل الممله .
لو الموضوع شايف أنه ممكن يفيد أي حد شير مع أصحابك علشان الكل يستفيد .
By: Amr sherif
#travel_secrets
