T
Travel Secrets
:: مسافر ::
ازاي تدخل أمريكا بدون مشاكل ؟
طبعا زي ما شفنا قبل كدا عالبيدج مجرد الحصول على تأشيرة دولة ما مش بيضمن 100% دخولك البلد دي .. واحدة من أكتر الدول اللي الناس بتخاف من إجراءاتها الأمنية لحظة دخولها سواء من الجو او البر او البحر هيا الولايات المتحدة الأمريكية ..
طيب ركز معايا .. لو أنت معاك تأشيرة أمريكا ومسافر زيارة في حاجات بسيطة جدا تخلي دخولك للبلد والانترفيو مع موظف الهجرة أسهل بكتير مما تتوقع ..
أسرار بوابة الدخول الى أمريكا :
1- لو انت مسافر امريكا زيارة عمل او سياحة لازم تكون عارف انت محتاج فعلا تقعد مدة قد ايه. دي من أهم المعلومات اللي لازم تكون واثق وانت بتقولها و100% هتتسأل فيها لأن موظف الهجرة دوره تقييمك كشخص هل أنت فعلا هتزور البلد وتمشي وتلتزم بمدة الزيارة اللي هو هيحددهالك او أنت ممكن تكون ليه خطط أخرى.
2- خليك صريح وواثق بشكل كبير من اجابتك واتكلم عن سبب زيارتك والأماكن اللي هتوزرها وكمان ممكن تطلب او تحدد الوقت اللي هيكون كافي ليك, دا هيخليك تساعد موظف الهجرة في اتخاذ القرار وكمان هيطمنلك لأنك ساعتها هتكون واضح وصريح وهيبان انك فعلا مخطط لزيارتك مش جاي تعمل حاجة غلط.
3- على حد علمي الموظف بتاع الهجرة ممكن يختملك شهر او تلات شهور وبحد أقصى ستة شهور لحاملي تأشيرة الزيارة B1/B2 والمدة دي بتعتمد بشكل كبير على الانترفيو.. يعني مثلا انا كنت مسافر لحضور مؤتمر واسبوع بس كان كافي لأني كنت حاجز فندق وطيران لمدة اسبوع بالظبط واتختملي شهر لكن في زيارة اخرى كنت محتاج مدة أطول في البلد واتختملي 6 شهور لأني كنت هحضر تلات مؤتمرات وكنت هزور شوية عملاء وشركات دا غير اني هتفسح واعمل شوبنج طبعا.. ودا معناه ان طريقة كلامك ومعلوماتك عن الرحلة اللي المفروض أنت أكتر واحد عارفها وصلت للموظف وتفهما وبناءا عليه ختم الدخول
4- هتتسأل بشكل كبير عن الأماكن اللي هتروحها وهل عندك اصدقاء أو أقارب وهنا خليك صريح وجاوب بكل صراحة لأن الناس دي مدربة على أعلى مستوى وخوفك او ترددك في الاجابه ممكن يعطل الأمور شوية ويخلي الراجل يرخم عليك..
5- خلي صوتك واضح وبص في عين الموظف ولو معاك كارت شخصي أو حجز فندق أو تذكرة عودة أو تسجيل في مؤتمر خلي الأورق دي في ايدك وانت واقف في الطابور عشان تكون جاهز لو اتطلبت منك ومتكنش ملبوخ وأنت بتدور عليها او بتطلعها من الشنطة.
6- وأنت واقف في الطابور خليك طبيعي وهادي وبلاش تتلفت كتير او تظهور خوف او قلق او يكون عند فضول وتقعد تبص للسقف والكاميرات لأن المنطقة دي متأمنة تأمين عالي وأي حركة مريبة ممكن يشكوا فيك.
معلومات سريعة:
1- عشان متتفأجش لو أنت طالع ترانزيت من أوربا ممكن يحصل معاك انترفيو زي اللي بتتعمل في أمريكا بس على الـGate قبل ما تدخل الطيارة ودي بتكون الدولة او المحطة اللي قبل أمريكا على طول (حصلت معايا في أمستردام بس مش متأكد اذا كان الإجراء دا بيتعمل على طول أو لأ).
2- الانترفيو دا بيتعمل معاك في أول مطارأمريكي تدخله يعني لو وصلت نيويورك وبعدين هتاخد طيارة إلى لوس انجلوس فالإجراء دا هيتعمل في نيويورك بس.
3- كل مرة هتدخل فيها أمريكا بعد ما الانترفيو بتخلص بتبصم على جهاز فنجربرينت وبتتصور صورة بكاميرا شبه الويب كام كدا.
4- وأنت خارج من أمريكا مفيش أختام خروج ولا أي حاجة .. أهم حاجة تكون خارج قبل اخر يوم مختوم في جواز سفرك لأن الخروج بيتحدد لما جواز سفرك بيعدي عندهم عالكمبيوتر.
5- لو عايز تتأكد من سفرياتك لأمريكا ودخولك وخروجك ممكن تدخل على الموقع الرسمي دا https://i94.cbp.dhs.gov/I94/consent.html وتطلع فورم اسمها i-94 ودي فيها مواعيد دخولك وخروجك من البلد.
أتمنى المعلومات تكون مفيده لكم و لو عجبتكم و عاوزين تفيدوا أصحابكم شير علشان الكل يستفيد
By: Abdallah Ahmed
#travel_secrets
طبعا زي ما شفنا قبل كدا عالبيدج مجرد الحصول على تأشيرة دولة ما مش بيضمن 100% دخولك البلد دي .. واحدة من أكتر الدول اللي الناس بتخاف من إجراءاتها الأمنية لحظة دخولها سواء من الجو او البر او البحر هيا الولايات المتحدة الأمريكية ..
طيب ركز معايا .. لو أنت معاك تأشيرة أمريكا ومسافر زيارة في حاجات بسيطة جدا تخلي دخولك للبلد والانترفيو مع موظف الهجرة أسهل بكتير مما تتوقع ..
أسرار بوابة الدخول الى أمريكا :
1- لو انت مسافر امريكا زيارة عمل او سياحة لازم تكون عارف انت محتاج فعلا تقعد مدة قد ايه. دي من أهم المعلومات اللي لازم تكون واثق وانت بتقولها و100% هتتسأل فيها لأن موظف الهجرة دوره تقييمك كشخص هل أنت فعلا هتزور البلد وتمشي وتلتزم بمدة الزيارة اللي هو هيحددهالك او أنت ممكن تكون ليه خطط أخرى.
2- خليك صريح وواثق بشكل كبير من اجابتك واتكلم عن سبب زيارتك والأماكن اللي هتوزرها وكمان ممكن تطلب او تحدد الوقت اللي هيكون كافي ليك, دا هيخليك تساعد موظف الهجرة في اتخاذ القرار وكمان هيطمنلك لأنك ساعتها هتكون واضح وصريح وهيبان انك فعلا مخطط لزيارتك مش جاي تعمل حاجة غلط.
3- على حد علمي الموظف بتاع الهجرة ممكن يختملك شهر او تلات شهور وبحد أقصى ستة شهور لحاملي تأشيرة الزيارة B1/B2 والمدة دي بتعتمد بشكل كبير على الانترفيو.. يعني مثلا انا كنت مسافر لحضور مؤتمر واسبوع بس كان كافي لأني كنت حاجز فندق وطيران لمدة اسبوع بالظبط واتختملي شهر لكن في زيارة اخرى كنت محتاج مدة أطول في البلد واتختملي 6 شهور لأني كنت هحضر تلات مؤتمرات وكنت هزور شوية عملاء وشركات دا غير اني هتفسح واعمل شوبنج طبعا.. ودا معناه ان طريقة كلامك ومعلوماتك عن الرحلة اللي المفروض أنت أكتر واحد عارفها وصلت للموظف وتفهما وبناءا عليه ختم الدخول
4- هتتسأل بشكل كبير عن الأماكن اللي هتروحها وهل عندك اصدقاء أو أقارب وهنا خليك صريح وجاوب بكل صراحة لأن الناس دي مدربة على أعلى مستوى وخوفك او ترددك في الاجابه ممكن يعطل الأمور شوية ويخلي الراجل يرخم عليك..
5- خلي صوتك واضح وبص في عين الموظف ولو معاك كارت شخصي أو حجز فندق أو تذكرة عودة أو تسجيل في مؤتمر خلي الأورق دي في ايدك وانت واقف في الطابور عشان تكون جاهز لو اتطلبت منك ومتكنش ملبوخ وأنت بتدور عليها او بتطلعها من الشنطة.
6- وأنت واقف في الطابور خليك طبيعي وهادي وبلاش تتلفت كتير او تظهور خوف او قلق او يكون عند فضول وتقعد تبص للسقف والكاميرات لأن المنطقة دي متأمنة تأمين عالي وأي حركة مريبة ممكن يشكوا فيك.
معلومات سريعة:
1- عشان متتفأجش لو أنت طالع ترانزيت من أوربا ممكن يحصل معاك انترفيو زي اللي بتتعمل في أمريكا بس على الـGate قبل ما تدخل الطيارة ودي بتكون الدولة او المحطة اللي قبل أمريكا على طول (حصلت معايا في أمستردام بس مش متأكد اذا كان الإجراء دا بيتعمل على طول أو لأ).
2- الانترفيو دا بيتعمل معاك في أول مطارأمريكي تدخله يعني لو وصلت نيويورك وبعدين هتاخد طيارة إلى لوس انجلوس فالإجراء دا هيتعمل في نيويورك بس.
3- كل مرة هتدخل فيها أمريكا بعد ما الانترفيو بتخلص بتبصم على جهاز فنجربرينت وبتتصور صورة بكاميرا شبه الويب كام كدا.
4- وأنت خارج من أمريكا مفيش أختام خروج ولا أي حاجة .. أهم حاجة تكون خارج قبل اخر يوم مختوم في جواز سفرك لأن الخروج بيتحدد لما جواز سفرك بيعدي عندهم عالكمبيوتر.
5- لو عايز تتأكد من سفرياتك لأمريكا ودخولك وخروجك ممكن تدخل على الموقع الرسمي دا https://i94.cbp.dhs.gov/I94/consent.html وتطلع فورم اسمها i-94 ودي فيها مواعيد دخولك وخروجك من البلد.
أتمنى المعلومات تكون مفيده لكم و لو عجبتكم و عاوزين تفيدوا أصحابكم شير علشان الكل يستفيد
By: Abdallah Ahmed
#travel_secrets