T
Travel Secrets
:: مسافر ::
أسرار السفر الي الجزر اليونانيه ( الحزء الاول من رحله رودس )
الحلم ده سهل و ممكن يتحقق بكل سهوله لان اليونان تملك شبكه جزر كبيره و كلها ممتعه – حنبتدي النهارده بواحده من اشهر الجزر اليونانيه و هي جزيره رودس ، المسافه بين اثينا و رودس هي 435 كيلو ( طبعا في البحر لانها جزيره ) و لو طالعيين عن طريق شركه سياحه علي فكره اوقات كثيره شركانت السياحه في مصر بتطلع طيران شارتر لرودس و دي بقي المسافه بتاخد ساعه بالطياره من القاهره , و لو طبعا طالعيين لوحدنا يبقي لازم ننزل اثينا و نغيير طيران او نركب مركب علشان نوصل لان مافيش طيران مباشر بين القاهره و رودس ، يلا بينا نبتدء بقي
- بالمركب من اثينا لرودس التذكره ذهاب و عوده 40 يوروو بس الرحله 12 ساعه بالمركب .
- طائره من اثينا الي رودس علي طيران شارتر اسمه رايان اير يبدء من 50 يورو ( بشنطة واحده 10 كيلو ) و الرحله تاخد 50 دقيقه.
جزيرة رودس دي مناسبه جدا للشباب بجد جزيره حلو اوي و روشه طحن مش عائليه قوي و طبعا اللايف ستايل بتعها روش موت,
وصلنا بقي لرودس حنعمل ايه ؟ رودس فيها اوتيلات كثيره جدا مع انها صغيره طبعا جدا تلفها بالعجله في ساعتين الاوتيلات معظمها نجمتين و ثلاث نجوم و شويه بقي اربعه نجوم و خمس نجوم يتعدوا علي صوابع الايدين ,و ده يوضح ان الطائفه من الاوروبييين اللي بيروحوا هما اللي عايزيين يستمتعوا بشمس و بحر , أرشحلكم فندق اسمه أوروبا 3 نجوم و الغرفه لشخصيين لمده 7 ليالي 210 يورو يعني الفرد 105 يورو ( يعني اليله 15 يوروو) و ايه بالافطار و كمان فيه بيسيين في الاوتيل و ده أنا قعدت فيه شخصيا و و اهم ميزه فيه شارع الروشنه و السهر ( حنتكلم عنه بعد شويه ) الا سعار دي في مايو 2016 لاننا اكيد حنسافر في الصيف
/★★★ Europa Hotel, Rhodes, Greece
المنطقه التانيه و هي شاطئ فليراكي و دي بقي تعتبر البييتش الحقيقي بتاع رودس يعني هي الشاطيء الرملي و دي تقريبا زي منطقه العجمي عندنا في مصر ، 22 كيلو من رودس و حوالي 30 دقيقه بالباص , و بصراحه انا كل يوم كنت لازم اروحه, غير بقي أن فيه اكبر اكوا بارك في اوروبا, و شويه العاب علي البحر تحفه بجد و تجنن منها لعبه البانجي (و دي عبارة عن ونش ابو استك يعني يربطو رجليك بحبل طويل موت و هو اصلا مش حبل استك تخيين و تطلع بالونش اللي هو بتاع البنا و العمارات يكون متعلق فيه علبه تقف عليها و تطلع بيه يمكن 3 ادوار و هوبا و ترمي نفسك في الهوا و تنزل زي الصاروخ يروح الحبل اللي في رجليك يشدك و لا نه استك تفضل تطلع و تنزل بيه لغايه ما تهدي خالص و تثبت في الهواء الونش ينزلك) و ارشح لكم فيه اوتيل اسمه اشوسه ال7 ليالي غرفه مزدوجه 196 يورو يعني 98 يورو
تذكره الباص 2.20 يورو و الباص بيطلع من محطه الباص المركزيه في نص رودس كل 45 دقيقه و لو تاكسي 17 يورو
/★★★ Achousa Hotel, Faliraki, Greece
المنطقه الثالثه اللي ممكن نقعد فيها هي منطقه لالي زوز و هو شاطي مش بعيد من رودس حلو قوي و مليان جناين و شواطيء مجانيه و هو علي بعد 10 كيلو من رودس و تذكره الباص له 1.70 يوروو و التاكسي 12 يوروو و الفندق بتاعنا برده 3 نجوم و اسمه اليوناس و سعره 171 يوروو للفردين في ال7 ليالي من غير فطار يعني الفرد 85 يورو
رحنا رودس و حجزنا الفندق و كله قشطه أوي لحد دلوقتي, حنعمل ايه و نزور ايه و نسوي ايه طبعا انا كشاب طول النهار حروح البحر و اكيد شاطئ (فاليراكي) انزل الميه و اركب اللعب و اتعرف علي ناس ( و حط 100 خط علي ناس لان اسهل حاجه هناك تتعرف علي شباب و شابات
و اقضي النهار بطوله و ارجع علي 6 المغرب الفندق, تاخد الدش التمام و تنزل تتعشى و بعد كده تروح تلف شويه في الشارع اللي اتكلمت عليه جنب فندق اوروبا و على الساعه 12 ممكن تكمل سهرتك لو بتحب السهر ( رودس مشهورة بالحياة الليليه الصاخبة يعني أخر جنان و روشنه )
نكمل و لا زهقتوا................... طيب في الجزء اللي جاي حنعرف المزارات اللي تتراح و الاكل و الحاجات المهمه رودس بجد فيها حاجات حلوه اوي .
By: Amr Sherif
#travel_secrets
الحلم ده سهل و ممكن يتحقق بكل سهوله لان اليونان تملك شبكه جزر كبيره و كلها ممتعه – حنبتدي النهارده بواحده من اشهر الجزر اليونانيه و هي جزيره رودس ، المسافه بين اثينا و رودس هي 435 كيلو ( طبعا في البحر لانها جزيره ) و لو طالعيين عن طريق شركه سياحه علي فكره اوقات كثيره شركانت السياحه في مصر بتطلع طيران شارتر لرودس و دي بقي المسافه بتاخد ساعه بالطياره من القاهره , و لو طبعا طالعيين لوحدنا يبقي لازم ننزل اثينا و نغيير طيران او نركب مركب علشان نوصل لان مافيش طيران مباشر بين القاهره و رودس ، يلا بينا نبتدء بقي
- بالمركب من اثينا لرودس التذكره ذهاب و عوده 40 يوروو بس الرحله 12 ساعه بالمركب .
- طائره من اثينا الي رودس علي طيران شارتر اسمه رايان اير يبدء من 50 يورو ( بشنطة واحده 10 كيلو ) و الرحله تاخد 50 دقيقه.
جزيرة رودس دي مناسبه جدا للشباب بجد جزيره حلو اوي و روشه طحن مش عائليه قوي و طبعا اللايف ستايل بتعها روش موت,
وصلنا بقي لرودس حنعمل ايه ؟ رودس فيها اوتيلات كثيره جدا مع انها صغيره طبعا جدا تلفها بالعجله في ساعتين الاوتيلات معظمها نجمتين و ثلاث نجوم و شويه بقي اربعه نجوم و خمس نجوم يتعدوا علي صوابع الايدين ,و ده يوضح ان الطائفه من الاوروبييين اللي بيروحوا هما اللي عايزيين يستمتعوا بشمس و بحر , أرشحلكم فندق اسمه أوروبا 3 نجوم و الغرفه لشخصيين لمده 7 ليالي 210 يورو يعني الفرد 105 يورو ( يعني اليله 15 يوروو) و ايه بالافطار و كمان فيه بيسيين في الاوتيل و ده أنا قعدت فيه شخصيا و و اهم ميزه فيه شارع الروشنه و السهر ( حنتكلم عنه بعد شويه ) الا سعار دي في مايو 2016 لاننا اكيد حنسافر في الصيف
/★★★ Europa Hotel, Rhodes, Greece
المنطقه التانيه و هي شاطئ فليراكي و دي بقي تعتبر البييتش الحقيقي بتاع رودس يعني هي الشاطيء الرملي و دي تقريبا زي منطقه العجمي عندنا في مصر ، 22 كيلو من رودس و حوالي 30 دقيقه بالباص , و بصراحه انا كل يوم كنت لازم اروحه, غير بقي أن فيه اكبر اكوا بارك في اوروبا, و شويه العاب علي البحر تحفه بجد و تجنن منها لعبه البانجي (و دي عبارة عن ونش ابو استك يعني يربطو رجليك بحبل طويل موت و هو اصلا مش حبل استك تخيين و تطلع بالونش اللي هو بتاع البنا و العمارات يكون متعلق فيه علبه تقف عليها و تطلع بيه يمكن 3 ادوار و هوبا و ترمي نفسك في الهوا و تنزل زي الصاروخ يروح الحبل اللي في رجليك يشدك و لا نه استك تفضل تطلع و تنزل بيه لغايه ما تهدي خالص و تثبت في الهواء الونش ينزلك) و ارشح لكم فيه اوتيل اسمه اشوسه ال7 ليالي غرفه مزدوجه 196 يورو يعني 98 يورو
تذكره الباص 2.20 يورو و الباص بيطلع من محطه الباص المركزيه في نص رودس كل 45 دقيقه و لو تاكسي 17 يورو
/★★★ Achousa Hotel, Faliraki, Greece
المنطقه الثالثه اللي ممكن نقعد فيها هي منطقه لالي زوز و هو شاطي مش بعيد من رودس حلو قوي و مليان جناين و شواطيء مجانيه و هو علي بعد 10 كيلو من رودس و تذكره الباص له 1.70 يوروو و التاكسي 12 يوروو و الفندق بتاعنا برده 3 نجوم و اسمه اليوناس و سعره 171 يوروو للفردين في ال7 ليالي من غير فطار يعني الفرد 85 يورو
رحنا رودس و حجزنا الفندق و كله قشطه أوي لحد دلوقتي, حنعمل ايه و نزور ايه و نسوي ايه طبعا انا كشاب طول النهار حروح البحر و اكيد شاطئ (فاليراكي) انزل الميه و اركب اللعب و اتعرف علي ناس ( و حط 100 خط علي ناس لان اسهل حاجه هناك تتعرف علي شباب و شابات
و اقضي النهار بطوله و ارجع علي 6 المغرب الفندق, تاخد الدش التمام و تنزل تتعشى و بعد كده تروح تلف شويه في الشارع اللي اتكلمت عليه جنب فندق اوروبا و على الساعه 12 ممكن تكمل سهرتك لو بتحب السهر ( رودس مشهورة بالحياة الليليه الصاخبة يعني أخر جنان و روشنه )نكمل و لا زهقتوا................... طيب في الجزء اللي جاي حنعرف المزارات اللي تتراح و الاكل و الحاجات المهمه رودس بجد فيها حاجات حلوه اوي .
By: Amr Sherif
#travel_secrets
