T
Travel Secrets
:: مسافر ::
أسرار تحضير شنط السفر :
تحضير شنط السفر مشكله كبيره بتواجهنا و احنا مسافرين ,
ازاي تحضرها و ازاي تخليها تكفي كل اللي معانا و ازاي اللبس ما يتكرمش فيها و انا شخصيا بكون شايل همها اوي
البوست ده بقي فيه شويه نصايح من خبرات حوالي 30 سفرية و شنط مليانه شوبينج و لبس و لعب لاطفالي
- أولا لازم نفهم ان قواعد شركات الطيران ان أي شنطه وزنها لا يزيد عن 23 كيلو يعني مصر للطيران وزن مسموح ليك فيه 46 كيلو مقسمين علي شنطتين , و رسمي كل شنطه 23 كيلو, يعني ما تحطش شنطه 30 كيلو و شنطة 16 كيلو / لو حصل كده ممكن بقي غلاسه منهم يخلوك تركن على جنب و تفتح الشنطة جوه المطار و تقعد تنقل منها حاجات علشان تقلل وزنها او تحطهم في أكياس و دي مصيبه في حد زاتها .
-ثانيا بقي الشنطة بنبدء بأول خطوه لازم نجهز احنا حناخد ايه معانا و طبعا ده يكون علي أساس منطقي يعني لو احنا مسافريين 5 أيام يبقي ناخد لبس 5 أيام طيب قي اليوم الواحد ايه اللي بيتغير يا قميص يا تي شيرت يعني للرجاله ناخد مثلا بنطلون جينز واحد وواحد تاني مسافرين بيه , و 5 قمصان و 3 تيشرتات ما نخدش لبس كثير مش حيتلبس و لو احنا مسافريين و حنعمل شوبينج يبقي نقلل العدد ده لأننا حنشتري من هناك لبس فممكن نلبس من اللي حنشتريه, و بالتالي نوفر في مكان الشنطه اللبس اللي حناخده, و يفضل نعمل قائمه بالحاجات اللي حناخدها من قبليها باسبوع و كل يوم نفتكر حاجه نضيفها علي القائمه بتاعتنا, و قبل السفر بيوم نبدء بتجهيز الشنطه بناء علي القائمه اللي في ايدنا
-ثالثا جينا بقي وقت تحضير الشنطه و ده التحدي الكبير اول شيء نطبق كل اللبس بطريقه سليمه يعني زي بتاع المكوه نقفل كل زراير القميص و نطبقه صح و نبدء بوضع الاحذيه في قاع الشنطه و نحط جوه الاحذيه الشرابات و طبعا لازم تاخدوا حذاء واحد لانه بيوزن كثير و الحذاء التاني انت مسافر بيه و يفضل حذاء رياضي او خفيف للمشي طبعا لأننا بنمشي كتير فحت , و فوق الاحذيه نحط الحاجات التقيله اللي مش ببتركمش زي الجينز و البلوفرات و لبس النوم و الحاجات اللي مش بتتكرمش بسهوله و نحطها جنب بعض و ما نسيبش مسافات, و يجي بقي فوقهم التيشرتات و البس اللي بيتركمش, و فوق خالص البليزرات او البدل او السويترات او الجواكيت و دي بتكون مفرده بطول الشنطه.
- رابعا بقي لازم نحط كل أدوات الميك اب و السوائل و البرفانات و الدبابيس و المقص و الجيل و الكريمات و أي الات حادة في الشنطه دي ما ناخدهاش علي الطياره لانها ممنوع و بالتالي توزعي الحاجات دي بين الهدوم و تكون حططهم في أكياس مقفوله كويس و دايما بقي الحزام و الرفايع يتسابوا بره و تحطهم اخر حاجه ما بين الفراغات في الشنطه
- خامسا مسموح ليك بشنطه صغيره على الطياره ما بين 8 و 10 كيلو الشنطه دي بقي حنحط فيها كل البلاوي اللي بتاخد وزن زي مثلا الشيكولاتات لأننا بنجيبها و احنا راجعيين لو فيه كاجو او فستق او اكل بيوزن كثير و لو جزمه او سيفتي بتوزن و بتاخد مكان في الشنطه الرئيسيه يعني تقللها علي قد ما تقدر علشان توفر في وزن الشنطه الرئيسيه, بس فيه بقي مشكله ان الشنطه دي ما بتطلعش الطياره مع الشنط الرئيسيه فحتفضل شايلها في المطار, و لو فيه ترانزيت معاك برضه
- لو معاك بقي لعب أطفال افضل تحطها في كيس كبير و تاخدها على الطياره لانها بتاخد مساحه رهيبه لان العلب بتاعتها بتكون كبيره و طبعا بتتكسر بسهوله فشيليها معاك و هي أصلا خفيفه الوزن
أتمنى أن البوست يكون أفادكم و لو بمعلومه واحده جديدة , و لو عجبكم شير بقى مع أصحابكم علشان الكل يستفيد
By: Amr Sherif
#travel_secrets
تحضير شنط السفر مشكله كبيره بتواجهنا و احنا مسافرين ,
ازاي تحضرها و ازاي تخليها تكفي كل اللي معانا و ازاي اللبس ما يتكرمش فيها و انا شخصيا بكون شايل همها اوي
البوست ده بقي فيه شويه نصايح من خبرات حوالي 30 سفرية و شنط مليانه شوبينج و لبس و لعب لاطفالي
- أولا لازم نفهم ان قواعد شركات الطيران ان أي شنطه وزنها لا يزيد عن 23 كيلو يعني مصر للطيران وزن مسموح ليك فيه 46 كيلو مقسمين علي شنطتين , و رسمي كل شنطه 23 كيلو, يعني ما تحطش شنطه 30 كيلو و شنطة 16 كيلو / لو حصل كده ممكن بقي غلاسه منهم يخلوك تركن على جنب و تفتح الشنطة جوه المطار و تقعد تنقل منها حاجات علشان تقلل وزنها او تحطهم في أكياس و دي مصيبه في حد زاتها .
-ثانيا بقي الشنطة بنبدء بأول خطوه لازم نجهز احنا حناخد ايه معانا و طبعا ده يكون علي أساس منطقي يعني لو احنا مسافريين 5 أيام يبقي ناخد لبس 5 أيام طيب قي اليوم الواحد ايه اللي بيتغير يا قميص يا تي شيرت يعني للرجاله ناخد مثلا بنطلون جينز واحد وواحد تاني مسافرين بيه , و 5 قمصان و 3 تيشرتات ما نخدش لبس كثير مش حيتلبس و لو احنا مسافريين و حنعمل شوبينج يبقي نقلل العدد ده لأننا حنشتري من هناك لبس فممكن نلبس من اللي حنشتريه, و بالتالي نوفر في مكان الشنطه اللبس اللي حناخده, و يفضل نعمل قائمه بالحاجات اللي حناخدها من قبليها باسبوع و كل يوم نفتكر حاجه نضيفها علي القائمه بتاعتنا, و قبل السفر بيوم نبدء بتجهيز الشنطه بناء علي القائمه اللي في ايدنا
-ثالثا جينا بقي وقت تحضير الشنطه و ده التحدي الكبير اول شيء نطبق كل اللبس بطريقه سليمه يعني زي بتاع المكوه نقفل كل زراير القميص و نطبقه صح و نبدء بوضع الاحذيه في قاع الشنطه و نحط جوه الاحذيه الشرابات و طبعا لازم تاخدوا حذاء واحد لانه بيوزن كثير و الحذاء التاني انت مسافر بيه و يفضل حذاء رياضي او خفيف للمشي طبعا لأننا بنمشي كتير فحت , و فوق الاحذيه نحط الحاجات التقيله اللي مش ببتركمش زي الجينز و البلوفرات و لبس النوم و الحاجات اللي مش بتتكرمش بسهوله و نحطها جنب بعض و ما نسيبش مسافات, و يجي بقي فوقهم التيشرتات و البس اللي بيتركمش, و فوق خالص البليزرات او البدل او السويترات او الجواكيت و دي بتكون مفرده بطول الشنطه.
- رابعا بقي لازم نحط كل أدوات الميك اب و السوائل و البرفانات و الدبابيس و المقص و الجيل و الكريمات و أي الات حادة في الشنطه دي ما ناخدهاش علي الطياره لانها ممنوع و بالتالي توزعي الحاجات دي بين الهدوم و تكون حططهم في أكياس مقفوله كويس و دايما بقي الحزام و الرفايع يتسابوا بره و تحطهم اخر حاجه ما بين الفراغات في الشنطه
- خامسا مسموح ليك بشنطه صغيره على الطياره ما بين 8 و 10 كيلو الشنطه دي بقي حنحط فيها كل البلاوي اللي بتاخد وزن زي مثلا الشيكولاتات لأننا بنجيبها و احنا راجعيين لو فيه كاجو او فستق او اكل بيوزن كثير و لو جزمه او سيفتي بتوزن و بتاخد مكان في الشنطه الرئيسيه يعني تقللها علي قد ما تقدر علشان توفر في وزن الشنطه الرئيسيه, بس فيه بقي مشكله ان الشنطه دي ما بتطلعش الطياره مع الشنط الرئيسيه فحتفضل شايلها في المطار, و لو فيه ترانزيت معاك برضه
- لو معاك بقي لعب أطفال افضل تحطها في كيس كبير و تاخدها على الطياره لانها بتاخد مساحه رهيبه لان العلب بتاعتها بتكون كبيره و طبعا بتتكسر بسهوله فشيليها معاك و هي أصلا خفيفه الوزن
أتمنى أن البوست يكون أفادكم و لو بمعلومه واحده جديدة , و لو عجبكم شير بقى مع أصحابكم علشان الكل يستفيد
By: Amr Sherif
#travel_secrets
