T
Travel Secrets
:: مسافر ::
فكرت تسافر اليونان قبل كده ؟ لو فكرت أو ناوي تسافر لازم تقرا البوست ده 
اليونان : يعني الخواجه كوستا و الخواجه ياني
, يعني بلد الزتون الكلاماته , و كمان اليونان بلد الفلاسفة اللي علمت العالم حاجات كتير لأنها من أقدم الحضارات في التاريخ , و هي كمان أكتر بلد في ألهه في التاريخ القديم بلد أبولو ( الهة الفنون ) , و أفروديت ( ألهة الجمال ) , و أثينا ( ألهة الحكمة ) عند الأغريق القدماء.
النهارده بقى حنتكلم عن أثينا ( مقصدش الألهة طبعا ) أقصد أثينا البلد.
أسرار السفر الى أثينا :
- لو حتجز تذكره مثلا في فبراير الجاي من القاهره لاثينا من علي موقع البحث سكاي سانر تقريبا حتكوت ب 2200 جنيه علي الطيران الايطالي ، حجزنا ووصلنا بالسلامه بعد ما نخلص الجوزات و ناخد الشنط بناخد الاسانسير في المطار و نطلع دور و نطلع بره المطار ناخد المترو, المحطه حتكون في وشك التذكره ب 8 يورو و لو حتشري تذكرتين مع بعض حتكون ب 14 يورو , و 3 تذاكر حتكون ب 20 يورو و خلي بالك من حاجه مهمه جدا كل محطات المترو في اثينا ما فيهاش ابواب تدخل بيها بتذكره, يعني تدخل براحتك خالص , انما بقي يا حلو لو اتقفشت معكش تذكرة حتلبس غرامه 50 يورو, و علشان هما ولاد ناس عاملين مكن في المحطه لازم تحط التذكره في الماكينه تطبع عليها الوقت علشان ما تشتريش تذكره تسيبها في جيبك طول وقت الرحله و تقول للجنه ادي تذكرتي لان كده ليهم انها مش تذكره لانك مش حاططها في ماكينه الوقت ( نفس الموضوع في تذكره مترو المطار لازم تحطها في ماكينه الوقت قبل ما تنزل الرصيف اللي حتركب منه ) .
- وصلنا نص اثينا اللي هي المحطه المشهوره بتاعتهم اومنيوم و علي فكره فيه بس خطيين للمترو في اثينا و الاثنين فيهم محطه اومونيوم ، 70% من فنادق اثينا الرخيصه هي في حي اومونيم ده من من اول 35 يوروو في الليله للفردين فندق 3 نجوم بالافطار ، حي اومونيوم ده سمعته زي الزفت و كله بيقول عليه تجار مخدرات و دعاره و ما تمشيش فيه بليل و كلام من ده انا كنت فيه ما فيهوش اي حاجه من المواضيع دي بس فعلا هو حي ضايع شويه و كله اجانب و سود و عرب بس امان جدا و هو فعلا الحي ده في وسط اثينا و مكانه ممتاز جدا للمواصلات و فيه مطاعم بالعبيط و اسعار الاكل فيه معقوله جدا
- اشتري تذكره المترو و الباص لمده 5 ايام ب 10 يوروو و تركب بيها زي ما انت عايز يعني صباح التوفير بجد و ده مش حيوصلك المطار تذكره المطار زي ما اتفقنا في اول الكلام لها سعر لوحدها
- اشهر اكل عندهم هو السلوفاكي او بيتا سلفاكي و هي عباره عن سندتوتش معمول قرطاس بس ايه العيش شبه اللبناني بس علي تخيين شويتين و القرطاس ده بقي فيه كل ما تتخيله يعني شاورما علي بطاطس مقليه علي سلطه علي مايزنيز علي كاتشب و ده السندوتش الشعبي بتاعهم و ب 2 يورو و طبعا تطلبه فراخ لان اليونان تقريبا مش بتاكل غير بورك يعني لحم خنزير و السندوتش ده بيشبع موت مبقلظ كده و طعمه تحفه و لو بقي علي المطاعم يعني مش اقل من 6 الي 8 يورو لو طبق فراخ علي شويه رز او بطاط
- طبعا الاكل مش رخيص خالص يعني الزبادي 1.20 يورو و البيبسي ب 0.90 يورو و الشيبسي ب 1.50 يورو ...
-بالنسبه للمزارات نعمل فيها ايه انا برشح اتوبيس اسمه هوب أون هوب أوف, و ده فيه كذا شركه منه و فكرته انه اتوبيس دوريين و سقفه مكشوف و فيه سماعات بتحطها في ودنك و يحكي لك طول ما نت ماشي انت شايف ايه و الباص ده بيقف عند كل مزارات اثينا حوالي 23 وقفه و التذكره بتاعته بتكون صالحها لمده يومين و تفضل تنزل عند مزار و بعدين تخلص و تركبه تاني و تروح مزار تاني و هكذا او تركبه تتفسح و ما تنزلش و تلف علي المزارات او تلف يوم و تكمل لف تاني يوم بيه لان التذكره يومين و ب18 يورو و ده اغلي شركه فيه, شركات اقل بحوالي 12 يورو بس بجد يستحق يتركب بجد,
- طبعا اهم مزار عندهم و اللي طياريين بيه السما هو الاكروبليس ( القلعه الحصينه ) و ده من واحد من اهم الأثار الموجوده في العالم . و هو عباره عن شويه عواميد فوق جبل ,طبعا معظم شوارع اثينا شايفه الاكروبليس لانه فوق جبل ، نروحه ازاي بقي تركب المترو حتلاقي محطه اسمها اكروبليس تطلع منها و تستعد انك تطلع شويه سلالام مانجه علشان انت طالع جبل و تذكرته ب 12 يورو و ما ينفعش تشتريها اون لاين و تفضل تطلع لغايه ما تلاقي شويه عواميد تعدي من جواها و تطلع نتلاقي شويه عواميد تانيه , بالكثير 20 عمود و ده بيجيلوا سياح من كل مكان في العالم, ( يا عيني عليكي يا مصر ) 
)– ثاني اهم حاجه هو المتحف الوطني دخوله ب 6 يورو و ده مالوش محطه مترو لزم تركب اتوبيس او من ميدان امونيا اللي المفروض نازل فيه تمشي حوالي 15 دقيقه حتلاقيه , و لو أفتكرت أن كل عن الحضاره الاغريقيه تبقى غلطان لان فيه جزء كبير اثار مصريه و الباقي شويه تماثيل عريانه الظاهر انهم كانوا مغرميين بكده يعني المتحف كله تماثيل و مش كبير اوي يعني .
-فيه منطقه اسمها بلاكه و دي برضه بتروحها بالمترو منطقه زحمه و فيها سوق كده بيبيع كل الحاجات بتاعه السوفينير باسعار غاليه موت و فيه برضه شويه اماكن فيها عواميد و انفقاق فيها اثار , و دي ببلاش الحمد لله .
دي أهم مزارات أثينا , و أنصح اللي يروحها ميطولش فيها و يروح على طول لأحدى جزر اليونان الشهيره زي سنتوريني و ميكانوس و رودس . و دول بجد اللي يستحقوا الزيارة , و لكن أثينا مدينه حلوة كمدخل لليونان فقط ,ممكن تقضي فيها يومين أو 3 بالكتير.
حابب احذركم مره و اثنين و ثلاثه من نشاليين المترو لانهم بالهبل و بجد بالهبل و تقريبا ما حدش ما ببيتسرقش ياموبايلوا يا فلوسه خصوصوا المترو اللي جاي من المطار ,و انا كل ما اركب المترو كنت اخفي الموبايل و الفلوس و اكون متوتر و عمال اراقب اللي حواليا و شاكك في طوب الارض و شفت بعيني واحده قدامي موبايلها اتسرق فخلي بالكم بجد
, قد أعذر من أنذر
أتمنى تستفيدوا من شوية المعلومات دي في زيارتكم القادمة لأثينا
By: Amr Sherif
#travel_secrets
اليونان : يعني الخواجه كوستا و الخواجه ياني
, يعني بلد الزتون الكلاماته , و كمان اليونان بلد الفلاسفة اللي علمت العالم حاجات كتير لأنها من أقدم الحضارات في التاريخ , و هي كمان أكتر بلد في ألهه في التاريخ القديم بلد أبولو ( الهة الفنون ) , و أفروديت ( ألهة الجمال ) , و أثينا ( ألهة الحكمة ) عند الأغريق القدماء.النهارده بقى حنتكلم عن أثينا ( مقصدش الألهة طبعا
) أقصد أثينا البلد.أسرار السفر الى أثينا :
- لو حتجز تذكره مثلا في فبراير الجاي من القاهره لاثينا من علي موقع البحث سكاي سانر تقريبا حتكوت ب 2200 جنيه علي الطيران الايطالي ، حجزنا ووصلنا بالسلامه بعد ما نخلص الجوزات و ناخد الشنط بناخد الاسانسير في المطار و نطلع دور و نطلع بره المطار ناخد المترو, المحطه حتكون في وشك التذكره ب 8 يورو و لو حتشري تذكرتين مع بعض حتكون ب 14 يورو , و 3 تذاكر حتكون ب 20 يورو و خلي بالك من حاجه مهمه جدا كل محطات المترو في اثينا ما فيهاش ابواب تدخل بيها بتذكره, يعني تدخل براحتك خالص , انما بقي يا حلو لو اتقفشت معكش تذكرة حتلبس غرامه 50 يورو, و علشان هما ولاد ناس عاملين مكن في المحطه لازم تحط التذكره في الماكينه تطبع عليها الوقت علشان ما تشتريش تذكره تسيبها في جيبك طول وقت الرحله و تقول للجنه ادي تذكرتي لان كده ليهم انها مش تذكره لانك مش حاططها في ماكينه الوقت ( نفس الموضوع في تذكره مترو المطار لازم تحطها في ماكينه الوقت قبل ما تنزل الرصيف اللي حتركب منه ) .
- وصلنا نص اثينا اللي هي المحطه المشهوره بتاعتهم اومنيوم و علي فكره فيه بس خطيين للمترو في اثينا و الاثنين فيهم محطه اومونيوم ، 70% من فنادق اثينا الرخيصه هي في حي اومونيم ده من من اول 35 يوروو في الليله للفردين فندق 3 نجوم بالافطار ، حي اومونيوم ده سمعته زي الزفت و كله بيقول عليه تجار مخدرات و دعاره و ما تمشيش فيه بليل و كلام من ده انا كنت فيه ما فيهوش اي حاجه من المواضيع دي بس فعلا هو حي ضايع شويه و كله اجانب و سود و عرب بس امان جدا و هو فعلا الحي ده في وسط اثينا و مكانه ممتاز جدا للمواصلات و فيه مطاعم بالعبيط و اسعار الاكل فيه معقوله جدا
- اشتري تذكره المترو و الباص لمده 5 ايام ب 10 يوروو و تركب بيها زي ما انت عايز يعني صباح التوفير بجد و ده مش حيوصلك المطار تذكره المطار زي ما اتفقنا في اول الكلام لها سعر لوحدها
- اشهر اكل عندهم هو السلوفاكي او بيتا سلفاكي و هي عباره عن سندتوتش معمول قرطاس بس ايه العيش شبه اللبناني بس علي تخيين شويتين و القرطاس ده بقي فيه كل ما تتخيله يعني شاورما علي بطاطس مقليه علي سلطه علي مايزنيز علي كاتشب و ده السندوتش الشعبي بتاعهم و ب 2 يورو و طبعا تطلبه فراخ لان اليونان تقريبا مش بتاكل غير بورك يعني لحم خنزير و السندوتش ده بيشبع موت مبقلظ كده و طعمه تحفه و لو بقي علي المطاعم يعني مش اقل من 6 الي 8 يورو لو طبق فراخ علي شويه رز او بطاط
- طبعا الاكل مش رخيص خالص يعني الزبادي 1.20 يورو و البيبسي ب 0.90 يورو و الشيبسي ب 1.50 يورو ...
-بالنسبه للمزارات نعمل فيها ايه انا برشح اتوبيس اسمه هوب أون هوب أوف, و ده فيه كذا شركه منه و فكرته انه اتوبيس دوريين و سقفه مكشوف و فيه سماعات بتحطها في ودنك و يحكي لك طول ما نت ماشي انت شايف ايه و الباص ده بيقف عند كل مزارات اثينا حوالي 23 وقفه و التذكره بتاعته بتكون صالحها لمده يومين و تفضل تنزل عند مزار و بعدين تخلص و تركبه تاني و تروح مزار تاني و هكذا او تركبه تتفسح و ما تنزلش و تلف علي المزارات او تلف يوم و تكمل لف تاني يوم بيه لان التذكره يومين و ب18 يورو و ده اغلي شركه فيه, شركات اقل بحوالي 12 يورو بس بجد يستحق يتركب بجد,
- طبعا اهم مزار عندهم و اللي طياريين بيه السما هو الاكروبليس ( القلعه الحصينه ) و ده من واحد من اهم الأثار الموجوده في العالم . و هو عباره عن شويه عواميد فوق جبل ,طبعا معظم شوارع اثينا شايفه الاكروبليس لانه فوق جبل ، نروحه ازاي بقي تركب المترو حتلاقي محطه اسمها اكروبليس تطلع منها و تستعد انك تطلع شويه سلالام مانجه علشان انت طالع جبل و تذكرته ب 12 يورو و ما ينفعش تشتريها اون لاين و تفضل تطلع لغايه ما تلاقي شويه عواميد تعدي من جواها و تطلع نتلاقي شويه عواميد تانيه ,
بالكثير 20 عمود و ده بيجيلوا سياح من كل مكان في العالم, ( يا عيني عليكي يا مصر ) )– ثاني اهم حاجه هو المتحف الوطني دخوله ب 6 يورو و ده مالوش محطه مترو لزم تركب اتوبيس او من ميدان امونيا اللي المفروض نازل فيه تمشي حوالي 15 دقيقه حتلاقيه , و لو أفتكرت أن كل عن الحضاره الاغريقيه تبقى غلطان
لان فيه جزء كبير اثار مصريه و الباقي شويه تماثيل عريانه الظاهر انهم كانوا مغرميين بكده يعني المتحف كله تماثيل و مش كبير اوي يعني .-فيه منطقه اسمها بلاكه و دي برضه بتروحها بالمترو منطقه زحمه و فيها سوق كده بيبيع كل الحاجات بتاعه السوفينير باسعار غاليه موت و فيه برضه شويه اماكن فيها عواميد و انفقاق فيها اثار , و دي ببلاش الحمد لله .
دي أهم مزارات أثينا , و أنصح اللي يروحها ميطولش فيها و يروح على طول لأحدى جزر اليونان الشهيره زي سنتوريني و ميكانوس و رودس . و دول بجد اللي يستحقوا الزيارة , و لكن أثينا مدينه حلوة كمدخل لليونان فقط ,ممكن تقضي فيها يومين أو 3 بالكتير.
حابب احذركم مره و اثنين و ثلاثه من نشاليين المترو لانهم بالهبل و بجد بالهبل و تقريبا ما حدش ما ببيتسرقش ياموبايلوا يا فلوسه خصوصوا المترو اللي جاي من المطار ,و انا كل ما اركب المترو كنت اخفي الموبايل و الفلوس و اكون متوتر و عمال اراقب اللي حواليا و شاكك في طوب الارض و شفت بعيني واحده قدامي موبايلها اتسرق فخلي بالكم بجد
, قد أعذر من أنذرأتمنى تستفيدوا من شوية المعلومات دي في زيارتكم القادمة لأثينا
By: Amr Sherif
#travel_secrets