T
Travel Secrets
:: مسافر ::
أسرار السفر في موسم الأمطار 
:
جربت تتغرق بالمطر قبل كده و انت ماشي في شوارع باريس او روما او اسطنبول ، حصل لك اي موقف اتزنقت تحت الميه و مش عارف تروح لا تيجي ، جالك احساس انك عامل زي الكتكوت المبلول و عمال تتنفض من الميه اللي نزلت فوق دماغك قبل كده ، مغامره ممكن تكون لناس ممتعه و ممكن لناس تانيه ماساويه انما شر لابد منه مش ممكن نتلافيه و بصراحه انا عن نفسي حاسه احساس جميل تمشي تحت التلج و المطره لاني مفتقد الموضوع ده حتقولوا طيب مصر ما فيها مطره و كده لا يا سيدي احنا بنكون عارفيين معاد النوه قبليها و اول ما تيجي يا بنقعد في بيوتنا ما نتحركش يا بننزل بعربياتنا و يادوب نمشي تحت المطره كام خطوه انما في اوروبا فجاه تلاقي ابواب السما اتفتحت و هاتك يا رخ و حضرتك طبعا حتي لو بتشتي 24 ساعه لازم تنزل لان دي رحله مش حتضيعها في الاوتيل مستني الجو يبقي كويس و علشان احنا في الصفر بنمشي كثير قوي علشان نستمتع بالمناظر اللي في الشوارع يبقي حترخ عليك اكيد ، في البوست ده يعني شويه نصايح للي عاوز يسافر اوروبا و يحب يعيش مغامره الامطار و السقعه
اولا: لازم نعرف كلنا ان الجو من ديسمبر الي مارس في اوروبا لعنه يعني مطر متواصل و تلج و حراره ممكن توصل تحت الصفر و بالتالي لازم تلبس كل لبسك و انت ماشي و اهم شيء ابعد عن الكوتشي او الجزم الشماواه او طبعا الصندل او الحاجات اللي هوبا في 5 دقايق حتلاقي رجلك بتتعصر او الجزمه باظت من المياه لازم يا تلبس بوت يا سيفتي و كمان لانهم بيدفوا و تحتيهم بقي شرابيين او شراب تقيل و طبعا السويتر اساسي انه يكون ووتر برووف علشان المياه تنزل من عليه و ما تخترقهوش للبس اللي تحتيه
ثانيا : من شهر مارس الي نص يوليو حتلاقي بقي الجو مطر اوعي تفتكر انك في صيف لا خالص لان اوروبا ممكن تكون الشمس طالعه و الجو حر و تلاقيها بترخ مطره برده خصوصوا في شهر 6 و 7 الكلام ده بيحصل دايما هي مش مطره جامده انما بتقي رخ كده شويه و برده حتتبل انما بقي في شهر 3 ،4،5 بتبقي مطره بحق ربنا و يعني يا حضرت ممكن تلاقيها طول اليوم بتطر و الحراره اقل من 10 درجات
ثالثا: لازم تكون فاهم شيء اساسي ان في كل مكان في اوروبا فيه دفايات مركزيه و دي بتكون دفايات زيت متثبته على الحيطه حتي الحمام بيكون فيه و دي بتخلي الاوضه نار و اي مكان تدخله نار و بالتالي حضرتك لازم تكون لابس بقي بالطو او بلوفر تقيل و تحتيه حاجه خفيفه تي شيرت او كده لانك اول ما تدخل لازم تقلع علشان الحراللي جوه و يا قمر بقي لما تطلع تاني الشارع حتلاقي المطر و السقعه و طبعا ده يؤدي لانفلونزا شديده فكون حريص
رابعا: اللي مسافر في الوقت ده لازم يكون واخد معاه شمسيه و مش اي شمسيه لا شمسيه من بتاعه زمان ام ايد خشب دي لانها بتكون كبيره و بالتالي تحجز ميه عنك في مساحه اوسع و تاني شيء الهواء بيكون فظيع و الله بيطير اي شمسيه او بيعوجها او بيكسرها فلازم واحده تكون مستحمله و جامده بدل مره في التانيه تلاقيها اتكسرت و مش نافعه
الكليب ده انا شخصيا مصوره و كنت مزنوق في الشارع في شهر فبراير اللي فات و كنت في اسطنبول و فجاء هاتك رخ و تلج نازل و مش بتسكت و اضطريت اني اكمل وقفت كثير مستخبي في مدخل محل و لقيت ان مافيش فايده , يارب يعجبكم
By: Amr Sherif
#travel_secrets
:جربت تتغرق بالمطر قبل كده و انت ماشي في شوارع باريس او روما او اسطنبول ، حصل لك اي موقف اتزنقت تحت الميه و مش عارف تروح لا تيجي ، جالك احساس انك عامل زي الكتكوت المبلول و عمال تتنفض من الميه اللي نزلت فوق دماغك قبل كده ، مغامره ممكن تكون لناس ممتعه و ممكن لناس تانيه ماساويه انما شر لابد منه مش ممكن نتلافيه و بصراحه انا عن نفسي حاسه احساس جميل تمشي تحت التلج و المطره لاني مفتقد الموضوع ده حتقولوا طيب مصر ما فيها مطره و كده لا يا سيدي احنا بنكون عارفيين معاد النوه قبليها و اول ما تيجي يا بنقعد في بيوتنا ما نتحركش يا بننزل بعربياتنا و يادوب نمشي تحت المطره كام خطوه انما في اوروبا فجاه تلاقي ابواب السما اتفتحت و هاتك يا رخ و حضرتك طبعا حتي لو بتشتي 24 ساعه لازم تنزل لان دي رحله مش حتضيعها في الاوتيل مستني الجو يبقي كويس و علشان احنا في الصفر بنمشي كثير قوي علشان نستمتع بالمناظر اللي في الشوارع يبقي حترخ عليك اكيد ، في البوست ده يعني شويه نصايح للي عاوز يسافر اوروبا و يحب يعيش مغامره الامطار و السقعه
اولا: لازم نعرف كلنا ان الجو من ديسمبر الي مارس في اوروبا لعنه يعني مطر متواصل و تلج و حراره ممكن توصل تحت الصفر و بالتالي لازم تلبس كل لبسك و انت ماشي و اهم شيء ابعد عن الكوتشي او الجزم الشماواه او طبعا الصندل او الحاجات اللي هوبا في 5 دقايق حتلاقي رجلك بتتعصر او الجزمه باظت من المياه لازم يا تلبس بوت يا سيفتي و كمان لانهم بيدفوا و تحتيهم بقي شرابيين او شراب تقيل و طبعا السويتر اساسي انه يكون ووتر برووف علشان المياه تنزل من عليه و ما تخترقهوش للبس اللي تحتيه
ثانيا : من شهر مارس الي نص يوليو حتلاقي بقي الجو مطر اوعي تفتكر انك في صيف لا خالص لان اوروبا ممكن تكون الشمس طالعه و الجو حر و تلاقيها بترخ مطره برده خصوصوا في شهر 6 و 7 الكلام ده بيحصل دايما هي مش مطره جامده انما بتقي رخ كده شويه و برده حتتبل انما بقي في شهر 3 ،4،5 بتبقي مطره بحق ربنا و يعني يا حضرت ممكن تلاقيها طول اليوم بتطر و الحراره اقل من 10 درجات
ثالثا: لازم تكون فاهم شيء اساسي ان في كل مكان في اوروبا فيه دفايات مركزيه و دي بتكون دفايات زيت متثبته على الحيطه حتي الحمام بيكون فيه و دي بتخلي الاوضه نار و اي مكان تدخله نار و بالتالي حضرتك لازم تكون لابس بقي بالطو او بلوفر تقيل و تحتيه حاجه خفيفه تي شيرت او كده لانك اول ما تدخل لازم تقلع علشان الحراللي جوه و يا قمر بقي لما تطلع تاني الشارع حتلاقي المطر و السقعه و طبعا ده يؤدي لانفلونزا شديده فكون حريص
رابعا: اللي مسافر في الوقت ده لازم يكون واخد معاه شمسيه و مش اي شمسيه لا شمسيه من بتاعه زمان ام ايد خشب دي لانها بتكون كبيره و بالتالي تحجز ميه عنك في مساحه اوسع و تاني شيء الهواء بيكون فظيع و الله بيطير اي شمسيه او بيعوجها او بيكسرها فلازم واحده تكون مستحمله و جامده بدل مره في التانيه تلاقيها اتكسرت و مش نافعه
الكليب ده انا شخصيا مصوره و كنت مزنوق في الشارع في شهر فبراير اللي فات و كنت في اسطنبول و فجاء هاتك رخ و تلج نازل و مش بتسكت و اضطريت اني اكمل وقفت كثير مستخبي في مدخل محل و لقيت ان مافيش فايده , يارب يعجبكم
By: Amr Sherif
#travel_secrets
