T
Travel Secrets
:: مسافر ::
تايلاند كما رأيتها : ( الجزء الأول ) كل اللي عاوز تعرفه عن تايلاند أقرا و عيش
بداية عشقي للسفر بدأ مع زيارتي لتايلاند , و الحمد لله كانت وش السعد عليا , من بعدها ما بطلتش سفر, فتحت نفسي للتعرف على عوالم جديدة , و ثقافات مختلفه , و تجارب مفيده B|
الكلام عن تايلاند لا ينتهي لكن ححاول أختصرلكم أسرار تايلاند:
أولا الفيزا للمصريين : ده بوست كامل فيه كل التفاصيل عن فيزا تايلاند : /Travel Secrets
ثانيا : تذكرة الطيران ✈ : و دي ممكن تعرف سعرها من موقع skyscanner.com و الأسعار عادة بتتراوح من 3500 جنيه الى 4000 جنيه حسب وقت الزيارة .
ثالثا : مطارات بانكوك : خلي بالك في بانكوك فيه مطارين : مطار سورانابومي و ده الدولي و مطار دون موانج و ده يبعد عن مطار سورانابومي حوالي 50 دقيقه بالسياره . كل شركات الطيران المنخفض التكاليف بتطلع من دون موانج فقط .
رابعا : أشهر مدن تايلاند :
بانكوك : و دي العاصمة طبعا و هي قريبه في زحمتها من القاهره و لكن ممكن تتنقل فيها بسهولة بالمترو . بالنسبه للسكن فيها انصحك انك تبعد عن منطقة العرب و نانا لأن حتشوف فيها مناظر مش حتعجبك اوي , ممكن تسكن في منطقة سيام أو سيلوم و دول في رأيي أنضف كتير من نانا , أحلى حاجه في بانكوك انك ممكن تسكن فيها في هوستل ( سرير في غرفه مع ناس أغراب ) ابتداءا من 200 جنيه في اليوم ( و طبعا منصحش بكده ) , نصيحه لو حتسافر بانكوك متعدش في أي فندق أقل من 4 نجوم علشان تضمن مستوى نظافة و خدمة مميزين , بالنسبه للتسوق: بانكوك هي جنة المتسوقين , الأسعار فيها رخيصه جدا جدا , و تقدر تفاصل بهبل , و اهم مجمعاتها هو MBK و لو بتحب الأسواق الليليه المفتوحه و الجمله يبقى لازم تزور أسواق الباتونام , و لو كنت تاجر يا جميل و عاوز تعمل سبوبة ملكش الا سوق شاتو شاك , التسوق في تايلاند محتاج مقالات مش سطرين و خلاص.
أشهر رحلات بانكوك : رحلة سفاري وورلد و دي أكبر حديقة حيوان في شرق أسيا , فيها بتمشي وسط الحيوانات و هي في بيئتها الطبيعيه ( يعني مش محطوطه في قفص ) و فيه عروض كتير جدا ( عرض الدولفين و الأفيال و القرود و الكاوبوي و كلب البحر و الطيور ) طول اليوم عروض . الرحلة التانيه : رحلة دريم وورلد : و دي أكبر مدينة ملاهي في تايلاند زي ديزني لاند كده فيها بردو العاب كتير جدا تناسب الأطفال و الكبار و انصح فيها بشده لو معاك اطفال , الرحلة المشهوره اوي بردو : رحلة السوق العائم ( و يبعد عن بانكوك حوالي ساعه و نصف و ده بتمشي بيه في مركب وسط االنهر و بتتعرف على طبائع و عادات و تقاليد السكان المحليين و بتشوفهم و هما بيبعوا بضاعتهم سواء كانت من الفواكه الإستوائيه أو الملابس والمشغولات اليدويه و كثير من المنتجات التايلانديه الجميله التى تكون محمله على القوارب الصغيره, و بتم عملية البيع والشراء مع إلتقاء القوارب أو من على أطراف القناه المائيه). طبعا بانكوك فيها رحلات تانيه كتير زي سيام اوشن وورلد و الرحلة النهريه و زيارة معالم و معابد بانكوك . و لكن دول أشهر رحلات بانكوك.
بتايا : طبعا تعرف ان ديزني لاند للأطفال , بتايا دي بقى ديزني لاند للشباب 3
, دي يا سيدي مدينه ساحليه تبعد عن بانكوك حوالي ساعه و نصف بالتاكسي أو الباص , و تقدر تزورها مباشرة أول ما تنزل بانكوك و فيه باصات كتير بتطلع من مطار بانكوك مباشرة الى بتايا , اللي أقدر أقوله عليها ان متفكرش لثانيه لو متجوز او معاك عائله انك تزورها لأن بتايا الصبح حماده و بليل حماده تاني خالص . لك ان تعلم انها المدينة رقم واحد للدعارة في العالم ( الإعارة يا حاجه الإعارة ) . مدينة بليل بتتحول لمكان لارضاء شهوات زوارها و بس , لكن الميزة في تايلاند عموما ان مافيش حاجه بتم غصب عنك , و مشفتوش خلال زياراتي , مناظر منفره لفردين مع بعض في الشارع لأن ده عندهم غير مسموح . عاوز تعمل حاجه اعملها في غرفتك و محدش شايفك و متجرحش مشاعر الناس . ( اتق الله يا حج 
)
رحلات باتيا : فيها رحلات حلوة الصبح : زي جزيرة كورال , و حديقة النمور و حديقة نونج نوتش و عالم تحت الماء . لكن اشك ان اللي بيروح بتايا بيروح علشان رحلاتها النهاريه
شانجماي : و دي مدينة جبليه في شمال تايلاند , لازم تروحلها بطياره من بانكوك. هي مناسبه أوي كرحلة عائليه و المحبين للطبيعه و الشلالات و الهدوء , مدينه صغيره و لطيفه و لو حتسكن فيها خليك في منطقة النايت ماركت , علشان فيها مطاعم و فيها أسواق ليليه غير كده هي كئيبه بليل شوية , أشهر رحلاتها : سفاري عروض الفيلة ماي تانج , جبل الغيوم دوي ايثاينون, قصر الملك و قرية دوي بوي , الشلالات و الزهور ,المنطقة الحدودية و المثلث الذهبي ماي ساي ,رحلة نهر ماي بينج .
ده الجزء الأول من رحلة تايلاند , الجزء التاني حيكون مع جوهرة تاج تايلاند ( جزيرة بوكيت ) و ده لينك الجزء التاني : /Travel Secrets
لو البوست عجبك شير مع أصحابك علشان لو في يوم سافر و استفاد بمعلومه , يدعيلك دعوة حلوة
By: Bahaa
#travel_secrets
بداية عشقي للسفر بدأ مع زيارتي لتايلاند , و الحمد لله كانت وش السعد عليا , من بعدها ما بطلتش سفر, فتحت نفسي للتعرف على عوالم جديدة , و ثقافات مختلفه , و تجارب مفيده B|
الكلام عن تايلاند لا ينتهي لكن ححاول أختصرلكم أسرار تايلاند:
أولا الفيزا للمصريين : ده بوست كامل فيه كل التفاصيل عن فيزا تايلاند : /Travel Secrets
ثانيا : تذكرة الطيران ✈ : و دي ممكن تعرف سعرها من موقع skyscanner.com و الأسعار عادة بتتراوح من 3500 جنيه الى 4000 جنيه حسب وقت الزيارة .
ثالثا : مطارات بانكوك : خلي بالك في بانكوك فيه مطارين : مطار سورانابومي و ده الدولي و مطار دون موانج و ده يبعد عن مطار سورانابومي حوالي 50 دقيقه بالسياره . كل شركات الطيران المنخفض التكاليف بتطلع من دون موانج فقط .
رابعا : أشهر مدن تايلاند :
بانكوك : و دي العاصمة طبعا و هي قريبه في زحمتها من القاهره و لكن ممكن تتنقل فيها بسهولة بالمترو . بالنسبه للسكن فيها انصحك انك تبعد عن منطقة العرب و نانا لأن حتشوف فيها مناظر مش حتعجبك اوي , ممكن تسكن في منطقة سيام أو سيلوم و دول في رأيي أنضف كتير من نانا , أحلى حاجه في بانكوك انك ممكن تسكن فيها في هوستل ( سرير في غرفه مع ناس أغراب ) ابتداءا من 200 جنيه في اليوم ( و طبعا منصحش بكده ) , نصيحه لو حتسافر بانكوك متعدش في أي فندق أقل من 4 نجوم علشان تضمن مستوى نظافة و خدمة مميزين , بالنسبه للتسوق: بانكوك هي جنة المتسوقين , الأسعار فيها رخيصه جدا جدا , و تقدر تفاصل بهبل , و اهم مجمعاتها هو MBK و لو بتحب الأسواق الليليه المفتوحه و الجمله يبقى لازم تزور أسواق الباتونام , و لو كنت تاجر يا جميل و عاوز تعمل سبوبة ملكش الا سوق شاتو شاك , التسوق في تايلاند محتاج مقالات مش سطرين و خلاص.
أشهر رحلات بانكوك : رحلة سفاري وورلد و دي أكبر حديقة حيوان في شرق أسيا , فيها بتمشي وسط الحيوانات و هي في بيئتها الطبيعيه ( يعني مش محطوطه في قفص ) و فيه عروض كتير جدا ( عرض الدولفين و الأفيال و القرود و الكاوبوي و كلب البحر و الطيور ) طول اليوم عروض . الرحلة التانيه : رحلة دريم وورلد : و دي أكبر مدينة ملاهي في تايلاند زي ديزني لاند كده فيها بردو العاب كتير جدا تناسب الأطفال و الكبار و انصح فيها بشده لو معاك اطفال , الرحلة المشهوره اوي بردو : رحلة السوق العائم ( و يبعد عن بانكوك حوالي ساعه و نصف و ده بتمشي بيه في مركب وسط االنهر و بتتعرف على طبائع و عادات و تقاليد السكان المحليين و بتشوفهم و هما بيبعوا بضاعتهم سواء كانت من الفواكه الإستوائيه أو الملابس والمشغولات اليدويه و كثير من المنتجات التايلانديه الجميله التى تكون محمله على القوارب الصغيره, و بتم عملية البيع والشراء مع إلتقاء القوارب أو من على أطراف القناه المائيه). طبعا بانكوك فيها رحلات تانيه كتير زي سيام اوشن وورلد و الرحلة النهريه و زيارة معالم و معابد بانكوك . و لكن دول أشهر رحلات بانكوك.
بتايا : طبعا تعرف ان ديزني لاند للأطفال , بتايا دي بقى ديزني لاند للشباب 3
, دي يا سيدي مدينه ساحليه تبعد عن بانكوك حوالي ساعه و نصف بالتاكسي أو الباص , و تقدر تزورها مباشرة أول ما تنزل بانكوك و فيه باصات كتير بتطلع من مطار بانكوك مباشرة الى بتايا , اللي أقدر أقوله عليها ان متفكرش لثانيه لو متجوز او معاك عائله انك تزورها لأن بتايا الصبح حماده و بليل حماده تاني خالص . لك ان تعلم انها المدينة رقم واحد للدعارة في العالم ( الإعارة يا حاجه الإعارة ) . مدينة بليل بتتحول لمكان لارضاء شهوات زوارها و بس , لكن الميزة في تايلاند عموما ان مافيش حاجه بتم غصب عنك , و مشفتوش خلال زياراتي , مناظر منفره لفردين مع بعض في الشارع لأن ده عندهم غير مسموح . عاوز تعمل حاجه اعملها في غرفتك و محدش شايفك و متجرحش مشاعر الناس . ( اتق الله يا حج ) رحلات باتيا : فيها رحلات حلوة الصبح : زي جزيرة كورال , و حديقة النمور و حديقة نونج نوتش و عالم تحت الماء . لكن اشك ان اللي بيروح بتايا بيروح علشان رحلاتها النهاريه
شانجماي : و دي مدينة جبليه في شمال تايلاند , لازم تروحلها بطياره من بانكوك. هي مناسبه أوي كرحلة عائليه و المحبين للطبيعه و الشلالات و الهدوء , مدينه صغيره و لطيفه و لو حتسكن فيها خليك في منطقة النايت ماركت , علشان فيها مطاعم و فيها أسواق ليليه غير كده هي كئيبه بليل شوية , أشهر رحلاتها : سفاري عروض الفيلة ماي تانج , جبل الغيوم دوي ايثاينون, قصر الملك و قرية دوي بوي , الشلالات و الزهور ,المنطقة الحدودية و المثلث الذهبي ماي ساي ,رحلة نهر ماي بينج .
ده الجزء الأول من رحلة تايلاند , الجزء التاني حيكون مع جوهرة تاج تايلاند ( جزيرة بوكيت ) و ده لينك الجزء التاني : /Travel Secrets
لو البوست عجبك شير مع أصحابك علشان لو في يوم سافر و استفاد بمعلومه , يدعيلك دعوة حلوة
By: Bahaa
#travel_secrets