T
Travel Secrets
:: مسافر ::
لو بتحلم انك تحصل على فيزا شنجن و انت في بيتك بسعر خرافي لازم تقرا الموضوع ده :
فيزا شنجن تعتبر من الفيزات الصعبه و الحصول عليها بيتطلب تحضير أوراق كتير و تنظيم اوراق و موقف مالي مستقر جدا . النهارده تقدر تحصل على فيزا شنجن بدون أي مجهود و انت قاعد في بيتك مأنتخ , مقابل مبلغ مالي !
أسرار الحصول على فيزا شنجن و انت مأنتخ في بيتكم
:
وصلنا كذا استفسار من ناس حبايبنا علي الصفحه بيتكلموا علي صفحات موجوده علي الفيس بوك بتقول انها بتساعد في تطليع فيزا شنجن و بمعني ادق بتطلع لكم الفيزا , بعد ما تعمل سجل تجاري و كشف حساب بنك و الاوراق الخاصه بالفيزا و بتطلب مبالغ وهميه من المصريين مقابل الموضوع ده , ( حوالي 35 الف جنيه ) احب احذركم بجد ان الموضوع نصب في نصب و أي كلام و اوعوا تنساقوا ورا الكلام ده , لان السفارات دي مش هبله يا جماعه و مش حتطلع فيزا باي ورق و السلام و حتي لو جابوا لكم فيزا اكيد جتبقي مزوره و لو رحتم شيكتم عليها ممكن تقعوا في مصيبه اكبر غير الفلوس اللي اترمت في الارض تعالوا احلل ليكم ليه الموضوع نصب
- اولا السجل التجاري اللي بيقول حيطلعه ليكم هو فعلا حيحصل , منشاءه فرديه براس مال 10 الاف جنيه و تبقي صاحب بيزنس يا اما شركه يا مطعم يا اي حاجه - كلام جميل انما السفاره مش هبله لان تاريخ تاسيس الشركه في السجل حيكون من شهر يا حلاوه علي الجمال و راس مال مشروع 10 الاف ( طبعا حاجه اي كلام ) ، ده اولا زائد عايزيين بطاقه ضريبيه علشان شويه مصداقيه ان السجل ده مش حبر علي ورق لان كده بيتفتح ملف ضرايب و الضرايب حتيجي عليك في يوم من الايام تقولك ادفع يا معلم ضرايب النشاط بتاعك و هو برده حيطلعها ليك – حتروح السفاره علشان مش هبله طبعا تاخد الورق ده ترميه الارض و تاخد الرفض و لو يعني حنينه اوي معاك حتقولك هاتلي ورق التامينات ان حضرتك بتدفع تامينات لموظفيين الشركه بتاعتك اللي في السجل اللي اساس مافيش شركه
- ثاني حاجه كشف حساب البنك هو بيضربه فهمي نظمي رسمي لانه بيقول لك لو عندك حساب ادينا رقمه في اي بنك او افتح حساب و ادينا رقمه و يا حبيبي انت عايز تفهمني انه عمال يحط لك فلوس من عنده علشان يعمل حركه في الحساب , طيب بيسحبهم ازاي ما هو الحساب باسمك يبقي الحل انه علي الكمبيوتر بيضرب كشف حساب حركات داخله و خارجه و بيضرب ختم علي توقيعات و بصفتي انا راجل بنكي و فاهم كويس قوي اللي بيحصل لان السفارات بتبعت للبنك تشيك علي كشف الحساب لو شاكه فيه يعني بيجي الكشف للبنك للاستفسار عن انه مضرووب او سليم هما مش بيسئالوا علي الرصيد اللي جوه صح او غلط بيسلوا الكشف طالع من البنك او لا و ده حقهم طبعا ما فيهوش اي علاقه بقانون سريه الحسابات و طبعا بيكون مضروب لان الكشف اللي معمول علي جهاز كمبيوتر بيكون متاخد سكان من كشف حقيقي و طبعا لما بيتبع الحبر بيبان انه كان سكان.
ايه هو بقي الحل ، الحل اننا نرتب ورقنا صح و نستني لغايه ماالورق يكمل بطريقه مضبوطه انشالله نستني سنه, اوروبا مش حتطير , المهم اننا بنقدم بطريقه رسميا من غير افلمه و من غير ورق مضروب لان الحاجات دي حتضرنا جدا و ندخل في بلاك ليست و ممكن تحصل لنا حاجات العن – يا جماعه اللهم ما بلغت اللهم فاشهد.
لو الموضوع عجبك شير مع أصحابك علشان محدش ينخدع من شركات النصب دي
By: Amr
#travel_secrets
فيزا شنجن تعتبر من الفيزات الصعبه و الحصول عليها بيتطلب تحضير أوراق كتير و تنظيم اوراق و موقف مالي مستقر جدا . النهارده تقدر تحصل على فيزا شنجن بدون أي مجهود و انت قاعد في بيتك مأنتخ , مقابل مبلغ مالي !
أسرار الحصول على فيزا شنجن و انت مأنتخ في بيتكم
:وصلنا كذا استفسار من ناس حبايبنا علي الصفحه بيتكلموا علي صفحات موجوده علي الفيس بوك بتقول انها بتساعد في تطليع فيزا شنجن و بمعني ادق بتطلع لكم الفيزا , بعد ما تعمل سجل تجاري و كشف حساب بنك و الاوراق الخاصه بالفيزا و بتطلب مبالغ وهميه من المصريين مقابل الموضوع ده , ( حوالي 35 الف جنيه ) احب احذركم بجد ان الموضوع نصب في نصب و أي كلام و اوعوا تنساقوا ورا الكلام ده , لان السفارات دي مش هبله يا جماعه و مش حتطلع فيزا باي ورق و السلام و حتي لو جابوا لكم فيزا اكيد جتبقي مزوره و لو رحتم شيكتم عليها ممكن تقعوا في مصيبه اكبر غير الفلوس اللي اترمت في الارض تعالوا احلل ليكم ليه الموضوع نصب
- اولا السجل التجاري اللي بيقول حيطلعه ليكم هو فعلا حيحصل , منشاءه فرديه براس مال 10 الاف جنيه و تبقي صاحب بيزنس يا اما شركه يا مطعم يا اي حاجه - كلام جميل انما السفاره مش هبله لان تاريخ تاسيس الشركه في السجل حيكون من شهر يا حلاوه علي الجمال و راس مال مشروع 10 الاف ( طبعا حاجه اي كلام ) ، ده اولا زائد عايزيين بطاقه ضريبيه علشان شويه مصداقيه ان السجل ده مش حبر علي ورق لان كده بيتفتح ملف ضرايب و الضرايب حتيجي عليك في يوم من الايام تقولك ادفع يا معلم ضرايب النشاط بتاعك و هو برده حيطلعها ليك – حتروح السفاره علشان مش هبله طبعا تاخد الورق ده ترميه الارض و تاخد الرفض و لو يعني حنينه اوي معاك حتقولك هاتلي ورق التامينات ان حضرتك بتدفع تامينات لموظفيين الشركه بتاعتك اللي في السجل اللي اساس مافيش شركه
- ثاني حاجه كشف حساب البنك هو بيضربه فهمي نظمي رسمي لانه بيقول لك لو عندك حساب ادينا رقمه في اي بنك او افتح حساب و ادينا رقمه و يا حبيبي انت عايز تفهمني انه عمال يحط لك فلوس من عنده علشان يعمل حركه في الحساب , طيب بيسحبهم ازاي ما هو الحساب باسمك يبقي الحل انه علي الكمبيوتر بيضرب كشف حساب حركات داخله و خارجه و بيضرب ختم علي توقيعات و بصفتي انا راجل بنكي و فاهم كويس قوي اللي بيحصل لان السفارات بتبعت للبنك تشيك علي كشف الحساب لو شاكه فيه يعني بيجي الكشف للبنك للاستفسار عن انه مضرووب او سليم هما مش بيسئالوا علي الرصيد اللي جوه صح او غلط بيسلوا الكشف طالع من البنك او لا و ده حقهم طبعا ما فيهوش اي علاقه بقانون سريه الحسابات و طبعا بيكون مضروب لان الكشف اللي معمول علي جهاز كمبيوتر بيكون متاخد سكان من كشف حقيقي و طبعا لما بيتبع الحبر بيبان انه كان سكان.
ايه هو بقي الحل ، الحل اننا نرتب ورقنا صح و نستني لغايه ماالورق يكمل بطريقه مضبوطه انشالله نستني سنه, اوروبا مش حتطير , المهم اننا بنقدم بطريقه رسميا من غير افلمه و من غير ورق مضروب لان الحاجات دي حتضرنا جدا و ندخل في بلاك ليست و ممكن تحصل لنا حاجات العن – يا جماعه اللهم ما بلغت اللهم فاشهد.
لو الموضوع عجبك شير مع أصحابك علشان محدش ينخدع من شركات النصب دي
By: Amr
#travel_secrets
