T
Travel Secrets
:: مسافر ::
عنصريه اه عنصريه لا :
الفتره الاخيره بدات تظهر بوستات عن العنصريه ضد المسلمين عموما في اوروبا و اوروبا الشرقيه خاصا و البلطجه و السرقات و البوستات دي خلقت حاله قلق من السفر لبعض الناس علي اساس المثل " الباب اللي يجيلك منه الريح سدوا و استريح " عايزيين في البوست ده نفهم شويه نقط علي اساس موضوعي جدا و بناء علي خبره طويله في السفر لمدن كثيره :
- اولا العنصريه دي موجوده في اي حته في العالم و مش عنصريه علي مسلمين لا في اماكن عنصريه للسود او عنصريه لليهود او عنصريه للعرب حتي في مصر دعونا نشوف الموضوع عندنا عنصريه ايوه عندنا طبعا و انتم فاهميين انا بتكلم علي ايه و بالتالي ما فيش داعي نقول نقعد بقي في بيتنا اصلنا حنتاذي و ما نسافرش
- ثانيا العنصريه دي تصرف فردي مش تصرف جماعي يعني صعب جدا تلاقي شعب عنصري انما ممكن تلاقي افراد عنصريين و مش شرط عنصريين ضدك
- ثالثا موضوع الامان بقي و السرقات و البلطجه برده الموضوع ده موجود في اي بلد و ضد اي حد سواء من اهل البلد او حد من السياح و ده ما يقللش من الاحساس بالامان خالص بالعكس تعالوا نفكر فيها لو اخدنا حذرنا مثلا في المترو بعد ما نقرء بوست المترو و لو سيبنا الباسبور و الكريديت كارد و الفلوس في خزنه غرفه الفندق و لو ما دخلناش احياء خطره بليل و النصايح الطبيعيه دي اكيد فرصه السرقه حتقل و برضه نيجي لمصر هي ما فيهاش سرقه و خصوصوا للسياح اللي بيروحوا الهرم يا سيدي انا علي اللي بيجري ليهم من بلطجه
- رابعا التعامل مع الناس في السفر هي اللي بتحدد بجد رد فعل اللي قدامك يعني مثلا احنا بنقابل تقاليد غريبه و ازياء اغرب و ناس مش لابسه اصلا لو قعدنا نضحك و نتريق بالعربي عليهم اكيد حيفهموا احنا قصدنا ايه و ده ممكن يكون رد فعلهم عكسي طبعا و يبان بقي العنصريه علي اصولها ( ما هو تصرفنا ده من تريقه و بص و بحلقه يعتبر عنصريه برضه )
- خامسا موضوع حجاب الستات و اللهي مراتي محجبه و زرنا بلاد كثير ما حدش بص للموضوع ده و عندي اختي محجبه و مقيمه في اوروبا و برضه ما حدش فرق معاه الحجاب انتم عارفيين كميه الخليجيين و العرب اللي بيزوروا اوروبا كم مليون في السنه و اللي عايشيين هناك كمان و بالتالي هما متعوديين علي الحجاب
- سادسا : لو انت مرتب سفرك كويس يعني عارف برنامججك و عارف حتروح المزارات ازاي و حتقضي يومك ازاي و متنظم صح حيكون فرصه احتكاكك بالبشر في اي دوله قليل جدا لانك مش محتاج و لا تسئل و لا تستفسر انا في ايام كثيره في سفري مش بكلم حد من اهل البلد لاني مش محتاج اني اسئل علي اي شيء
- سابعا : ما تخليش كل حاجه تقراءها علي النت مسلم بيها و انها صح و ان الموضوع هو كده دور في النت و شوف اراء اللي سافروا علي مواقع مختلفه زي تريب ادفايزر و اسئل و خوض التجربه بنفسك لان اللي بيتقرء علي نت شيء و اللي بتشوفه بعينك شيء
- ثامنا و اخيرا اي سفريه فيها مخاطره و المخاطره ده جزء طبيعي من حياه اي بني ادم و لازم تخوض المخاطره في حياتك و لو مخوضهاش يبقي حتبقي واقف قدامك محلك سر و لا بتتقدم و لا بتتاخر ، ده يا سيدي المشي في شوارع القاهره بقي مخاطره الوقتي
يارب نكون وضحنا شويه نقاط و لو عجبكم البوست شيروا بقي و ادعولنا
By: AMR
#travel_secrets
#العنصرية_في_الخارج
الفتره الاخيره بدات تظهر بوستات عن العنصريه ضد المسلمين عموما في اوروبا و اوروبا الشرقيه خاصا و البلطجه و السرقات و البوستات دي خلقت حاله قلق من السفر لبعض الناس علي اساس المثل " الباب اللي يجيلك منه الريح سدوا و استريح " عايزيين في البوست ده نفهم شويه نقط علي اساس موضوعي جدا و بناء علي خبره طويله في السفر لمدن كثيره :
- اولا العنصريه دي موجوده في اي حته في العالم و مش عنصريه علي مسلمين لا في اماكن عنصريه للسود او عنصريه لليهود او عنصريه للعرب حتي في مصر دعونا نشوف الموضوع عندنا عنصريه ايوه عندنا طبعا و انتم فاهميين انا بتكلم علي ايه و بالتالي ما فيش داعي نقول نقعد بقي في بيتنا اصلنا حنتاذي و ما نسافرش
- ثانيا العنصريه دي تصرف فردي مش تصرف جماعي يعني صعب جدا تلاقي شعب عنصري انما ممكن تلاقي افراد عنصريين و مش شرط عنصريين ضدك
- ثالثا موضوع الامان بقي و السرقات و البلطجه برده الموضوع ده موجود في اي بلد و ضد اي حد سواء من اهل البلد او حد من السياح و ده ما يقللش من الاحساس بالامان خالص بالعكس تعالوا نفكر فيها لو اخدنا حذرنا مثلا في المترو بعد ما نقرء بوست المترو و لو سيبنا الباسبور و الكريديت كارد و الفلوس في خزنه غرفه الفندق و لو ما دخلناش احياء خطره بليل و النصايح الطبيعيه دي اكيد فرصه السرقه حتقل و برضه نيجي لمصر هي ما فيهاش سرقه و خصوصوا للسياح اللي بيروحوا الهرم يا سيدي انا علي اللي بيجري ليهم من بلطجه
- رابعا التعامل مع الناس في السفر هي اللي بتحدد بجد رد فعل اللي قدامك يعني مثلا احنا بنقابل تقاليد غريبه و ازياء اغرب و ناس مش لابسه اصلا لو قعدنا نضحك و نتريق بالعربي عليهم اكيد حيفهموا احنا قصدنا ايه و ده ممكن يكون رد فعلهم عكسي طبعا و يبان بقي العنصريه علي اصولها ( ما هو تصرفنا ده من تريقه و بص و بحلقه يعتبر عنصريه برضه )
- خامسا موضوع حجاب الستات و اللهي مراتي محجبه و زرنا بلاد كثير ما حدش بص للموضوع ده و عندي اختي محجبه و مقيمه في اوروبا و برضه ما حدش فرق معاه الحجاب انتم عارفيين كميه الخليجيين و العرب اللي بيزوروا اوروبا كم مليون في السنه و اللي عايشيين هناك كمان و بالتالي هما متعوديين علي الحجاب
- سادسا : لو انت مرتب سفرك كويس يعني عارف برنامججك و عارف حتروح المزارات ازاي و حتقضي يومك ازاي و متنظم صح حيكون فرصه احتكاكك بالبشر في اي دوله قليل جدا لانك مش محتاج و لا تسئل و لا تستفسر انا في ايام كثيره في سفري مش بكلم حد من اهل البلد لاني مش محتاج اني اسئل علي اي شيء
- سابعا : ما تخليش كل حاجه تقراءها علي النت مسلم بيها و انها صح و ان الموضوع هو كده دور في النت و شوف اراء اللي سافروا علي مواقع مختلفه زي تريب ادفايزر و اسئل و خوض التجربه بنفسك لان اللي بيتقرء علي نت شيء و اللي بتشوفه بعينك شيء
- ثامنا و اخيرا اي سفريه فيها مخاطره و المخاطره ده جزء طبيعي من حياه اي بني ادم و لازم تخوض المخاطره في حياتك و لو مخوضهاش يبقي حتبقي واقف قدامك محلك سر و لا بتتقدم و لا بتتاخر ، ده يا سيدي المشي في شوارع القاهره بقي مخاطره الوقتي
يارب نكون وضحنا شويه نقاط و لو عجبكم البوست شيروا بقي و ادعولنا
By: AMR
#travel_secrets
#العنصرية_في_الخارج