شركة طيران ماليزية تفرض الاحتشام على مسافرينها...

  • بادئ الموضوع بادئ الموضوع Travel Secrets
  • تاريخ البدء تاريخ البدء
عرض العطلة
T

Travel Secrets

:: مسافر ::
#1
شركة طيران ماليزية تفرض الاحتشام على مسافرينها :)
الصراحه الخبر توقفت عنده شوية , الموضوع يا سيدي أن شركة طيران ماليزية جديدة اسمها راياني اير , بدءت بتسيير رحلات داخل ماليزيا فقط , بس الغريب شويه في الموضوع انها بتفرض على المسافرين عليها انهم يكونوا محتشمين و بتطبق الشريعه الاسلاميه في كل شيء زي انها بتمنع تقديم الخمور تماما و كل الأكل لازم يكون حلال, تعتبر الشركه دي رابع شركة تطبق الشريعه الاسلاميه على خطوطها بالكامل بعد السعوديه و الايرانيه و بروناي .
ايه رأيك في قرار زي ده مع العلم أن المجتمع الماليزي فيه الهندوسي و البوذي و المسيحي و المسلم و كلهم متعايشين بسلام تام . و هل تحب أنك تشوفها بتطبق في كل شركات الطيران العربية ؟
ملحوظة : علشان عارف الكومنتات حيبقى فيها ايه :D الشركه لم تمنع اي مسافر عليها و لا بتسألهم ديانتك ايه , هي بس بتقدم اكل أسلامي و مش بتقدم خمور و عاوزه المسافرين محتشمين , فهل تعتقد ان ده تدخل في الحرية الشخصية ؟؟
#travel_secrets
12366387_1698594093689418_3463528521256935704_n.jpg
 
#2
هو فين التدخل
أنت لما بتسافر إي بلد أو تدخل بيت حد بتلتزم باحترام معتقداته وبيئته مؤقتا طول ما أنت عنده
و بلاد كثيير فيها دا بعُرف ديانات ثانيه
الموضوع بسيط جدا
 
#3
مظنش ان ده ندخل في الحرية الشخصية.. مبدأيا اللي بيحجز على الرحلات تبع الشركة دي بيحجز وهو عارف قوانينها.. يعني بمجرد ما بيدفع تمن التذكرة فده بمثابة عقد بينه وبين شركة الطيران وانه موافق على كافة شروطهم... ومظنش ان اي شخص هيصيبه ضرر لو مشربش خمر في رحلة الطيران.. او لبس ملابس محتشمة..
 
#4
La anta 7ooor talbs bar7tk ow takon b tashrb bs kol makn le kowneno madm radet tad5lo ow t3esh f yb2a lazm t2bl kowneno... kman sheerkt el tyran leha policy u should respect if u have selected their flight
 
عرض العطلة
#7
احنا في مصر هنا اغلب المسيحيين في الشغل مش بياكلوا ف رمضان مراعاه لينا وزوق منهم لو كلوا محدش حتى هيبصلهم هوا مش ملزم بده..
كذلك لما تروح بلد بقدر المستطاع بتحترم تقاليده .. مينفعش تروح الهند تاكل بقر قدام هندوس .. نفس الموضوع حوار الطياره انت حر بس يستحب كزوق منك تلتزم بعادتهم
 
عرض العطلة
#11
الشركة لها مطلق الحرية في تطبيق السياسات الخاصة بها وللمسافرين مطلق الحرية ايضا في اختيارها او اختيار شركة طيران غيرها طبقا للاعتقادات والقناعات الخاصة بهم :)
 
#12
طيب ماهى مصر للطيران مش بتقدم خمور ولا بتقدم غير الاكل الحلال,حتي لما يكون راكب واخد خمور من السوق الحرة وحابب يشرب عالطيارة محدش بيساعده وهو بيخدم نفسه
 
#14
باعتقادي اه ده تقييد للحريات .. بس بدون الدخول في حورات كتير ، من حق شركات اخرى انها تمنع المحجبات او المنقبات بالتبعيه بسبب منع الشعارات الدينيه او بسبب ان المجتمع بتاعهم اغلبيته ملط والشكل ده بيجرح شعورهم وهما الاغلبيه في البلد واالي مش عاجبه ما يركبش .. قرار خاطئ والحل الاسهل انك لو بتستخدم الخدمه بتاعتهم تقاطعها. عموما لكل فعل رد فعل .
 
عرض العطلة
#16
من سنتين تقريبا فية مسافرة امريكية نزولها من الطيارة (شركة امريكية فى رحلة داخلية ) علشان لبسها غير محتشم .. شوفت دكتور فيل كان مستضيفها فى حلقة و عمل استفتاء على مدى ملائمة ملابسها و كان فية نقاش حول حق شركة الطيران فى هذا و الشركة على ما اظن كسبت القضية ...الموضوع حسب العرف و المعتاد فى كل مجتمع و طبيعى ان المجتمعات الاسلامية تكون اكثر حرضا على الحشمة
 
#17
انا شايف انه فكر تسويقى ناجح جدا ومش بيستهدف العملاء المسلمين فقط بل بيستهدف كل شخص عايز يجرب التجربه او مش عايز يشوف حواليه اى عرى وحابب يكون الاكل حلال ومش محتاج خمور على الطياره والفكرة كلها عرض وطلب وعلى رأى المثل
بين البايع والشارى يفتح الله
 
#20
فكرة محترمة واعتقد اكتر حد ممكن يستفاد منها لو واحدة مسافرة لوحدها من غير جوزها ومعاها اولادها او طالبة مسافرة لقرايبها بيبقي في نوع من الطمأنينة من ناحية الاهل والزوج
 
عرض العطلة
عرض العطلة
عرض العطلة