T
Travel Secrets
:: مسافر ::
سافر و بلاش تردد 
اسباب التردد في اختيار بلد السفر :
انا بجد قعدت افكر كثير اكتبلكم ايه لاني بحاول دايما اقولكم معلومات مفيده عن السفر انما اللي لفت انتباهي ان معظم الناس مش بيجهزوا برنامج للرحله صح او اصلا مش بيختاروا البلد الصح يعني بيكون فيه اختيارات لسفر لبلاد و كلها بلاد مختلفه ما فيهاش عامل مشترك يعني ما ينفعش تتقارن ببعض خالص ، تحاول نفكر بهدوء اسباب التردد في السفر لمعظم الناس راجع لايه :
- اولا ناس كثير قوي بتغيير وجهه السفر عندما تسمع مثلا ان البلد دي محتاجه تصريح امني مع ان و الله التصريح الامني بقي امر واقع و كل شويه بتزيد الدول اللي محتاجه تصريح امني و مشوار مجمع التحرير مش مشوار لجهنم ده مشوار روتيني خالص طالما انت عندك وظيفه مكتوبه في الجواز يبقي 90% من الباقي سهل و ما فيهوش مشاكل فبلاش نغير او نتردد في السفر علشان مسأله التصريح الامني ( خد الموضوع ببساطه – بلدك بقي و دي قواعدها )
- ثانيا ناس كثير قوي بتغيير وجهتها او تتردد في موضوع السفر لانها سمعت معلومات او قرأت معلومات علي نت او فيسبوك ان البلد دي خطر او فيها عنصريه او اي هري و حكي فارغ , بلاش تخلي مقاله او كلمه تغير خط سيرك او مخططك و دايما اؤمن اللي ممكن يحصلك هناك ممكن يحصلك و انت جوه مصر و ان نسبه المخاطره في اي سفريه في اي بلد هي واحده ده اصلا في مصر في مخاطره و انت نازل من بيتك علشان توصل شغلك يا عالم ايه اللي ممكن يحصل فحاول تبحث عن معلومات اكثر لو انت قلقان
- ثالثا فيه ناس كثيره بتغير وجهه السفر بناء علي البادجت او الفلوس يا جماعه احنا ممكن نعمل بادجت ما تخرش الميه في اي سفريه و ادينا حطينا لكم علي امثله للسفر لاوروبا باسعار رخيصه في اكثر من بوست و اخرهم بوست اسطنبول ب 2750 شامل كل شيء و حطينا لكم بوستات عن اختار الاوتيلات و عن المترو و عن التاكسيات و المطاعم و عن التاكس فري و عن كل شيء يتعلق بسفريتكم
- رابعا ناس بتتردد من السفر او بتغيير وجهتها من بلد للتانيه بناء علي اشاعات ان الجو تلج او انك من المطر مش حتعرف تتحرك , و الله كلام الناس نسبي جدا و مالوش مقياس يعني ممكن حد في درجه حراره 10 يكون حاسس انه حيموت من التلج و مش يتحرك بره الاوتيل و غيره يكون حاسس انه متكلفت كويس و مش حاسس ببرد أوي او جو البرد ده حابه لانه تجربه مختلفه عن مصر
- خامسا ناس بتتردد في السفر لبلاد معينه و تغيير وجهتها علشان الفيزا صعبه او شايفيين انها مستحيله ليهم و ده كلام غلط لو رتبت ورقك صح و استعديت من بدري انك تعمل كشف حساب و تجهز الاوراق و البرنامج اللي حتقوله في السفاره ممكن الفرصه تكون كبيره و احنا مثلا حاطيين اكثر من بوست عن فيزا اسطنبول و شنجن و امريكا و تايلاند و البلاد اللي ملهاش فيزا أصلا ( كل ده على الصفحه ) و برضه لو اترفضت ايه المشكله اديك خوضت التجربه و حاولت و مش نهايه العالم انما تغيير او تتردد من غير ما تقدم يبقي كلام مش منطقي
- سادسا ناس بتغيير وجهه السفر لان مثلا هما ناويين يطلعوا مكان و لقوا ان شركه سياحه معينه عامله برنامج سياحي لدوله تانيه فقشطة يلا بينا نطلع مع شركه السياحه علشان عامله عرض, مع العلم أن شركه السياحه عامله الاسعار الضعف عن لو انتم طلعتوا لوحدكم, و ساعات بتكون أصلا البلد مش أد كده زي مثلا رحلات قبرص اللي في راس السنه طيب باماره ايه نطلع جزيره و بحر في عز الصقعه
و اخيرا احنا معاكم و جنبكم و لو عايزيين اي نصيحه احنا حاضريين بس بالله عليكم خدوا الخطوه و بلاش تردد
لو الموضوع عجبكم أعملوا شير و بلاش بخل بالمعلومة
By: Amr
#سافر_ما_تترددش
#travel_secrets
اسباب التردد في اختيار بلد السفر :
انا بجد قعدت افكر كثير اكتبلكم ايه لاني بحاول دايما اقولكم معلومات مفيده عن السفر انما اللي لفت انتباهي ان معظم الناس مش بيجهزوا برنامج للرحله صح او اصلا مش بيختاروا البلد الصح يعني بيكون فيه اختيارات لسفر لبلاد و كلها بلاد مختلفه ما فيهاش عامل مشترك يعني ما ينفعش تتقارن ببعض خالص ، تحاول نفكر بهدوء اسباب التردد في السفر لمعظم الناس راجع لايه :
- اولا ناس كثير قوي بتغيير وجهه السفر عندما تسمع مثلا ان البلد دي محتاجه تصريح امني مع ان و الله التصريح الامني بقي امر واقع و كل شويه بتزيد الدول اللي محتاجه تصريح امني و مشوار مجمع التحرير مش مشوار لجهنم ده مشوار روتيني خالص طالما انت عندك وظيفه مكتوبه في الجواز يبقي 90% من الباقي سهل و ما فيهوش مشاكل فبلاش نغير او نتردد في السفر علشان مسأله التصريح الامني ( خد الموضوع ببساطه – بلدك بقي و دي قواعدها )
- ثانيا ناس كثير قوي بتغيير وجهتها او تتردد في موضوع السفر لانها سمعت معلومات او قرأت معلومات علي نت او فيسبوك ان البلد دي خطر او فيها عنصريه او اي هري و حكي فارغ , بلاش تخلي مقاله او كلمه تغير خط سيرك او مخططك و دايما اؤمن اللي ممكن يحصلك هناك ممكن يحصلك و انت جوه مصر و ان نسبه المخاطره في اي سفريه في اي بلد هي واحده ده اصلا في مصر في مخاطره و انت نازل من بيتك علشان توصل شغلك يا عالم ايه اللي ممكن يحصل فحاول تبحث عن معلومات اكثر لو انت قلقان
- ثالثا فيه ناس كثيره بتغير وجهه السفر بناء علي البادجت او الفلوس يا جماعه احنا ممكن نعمل بادجت ما تخرش الميه في اي سفريه و ادينا حطينا لكم علي امثله للسفر لاوروبا باسعار رخيصه في اكثر من بوست و اخرهم بوست اسطنبول ب 2750 شامل كل شيء و حطينا لكم بوستات عن اختار الاوتيلات و عن المترو و عن التاكسيات و المطاعم و عن التاكس فري و عن كل شيء يتعلق بسفريتكم
- رابعا ناس بتتردد من السفر او بتغيير وجهتها من بلد للتانيه بناء علي اشاعات ان الجو تلج او انك من المطر مش حتعرف تتحرك , و الله كلام الناس نسبي جدا و مالوش مقياس يعني ممكن حد في درجه حراره 10 يكون حاسس انه حيموت من التلج و مش يتحرك بره الاوتيل و غيره يكون حاسس انه متكلفت كويس و مش حاسس ببرد أوي او جو البرد ده حابه لانه تجربه مختلفه عن مصر
- خامسا ناس بتتردد في السفر لبلاد معينه و تغيير وجهتها علشان الفيزا صعبه او شايفيين انها مستحيله ليهم و ده كلام غلط لو رتبت ورقك صح و استعديت من بدري انك تعمل كشف حساب و تجهز الاوراق و البرنامج اللي حتقوله في السفاره ممكن الفرصه تكون كبيره و احنا مثلا حاطيين اكثر من بوست عن فيزا اسطنبول و شنجن و امريكا و تايلاند و البلاد اللي ملهاش فيزا أصلا ( كل ده على الصفحه ) و برضه لو اترفضت ايه المشكله اديك خوضت التجربه و حاولت و مش نهايه العالم انما تغيير او تتردد من غير ما تقدم يبقي كلام مش منطقي
- سادسا ناس بتغيير وجهه السفر لان مثلا هما ناويين يطلعوا مكان و لقوا ان شركه سياحه معينه عامله برنامج سياحي لدوله تانيه فقشطة يلا بينا نطلع مع شركه السياحه علشان عامله عرض, مع العلم أن شركه السياحه عامله الاسعار الضعف عن لو انتم طلعتوا لوحدكم, و ساعات بتكون أصلا البلد مش أد كده زي مثلا رحلات قبرص اللي في راس السنه طيب باماره ايه نطلع جزيره و بحر في عز الصقعه
و اخيرا احنا معاكم و جنبكم و لو عايزيين اي نصيحه احنا حاضريين بس بالله عليكم خدوا الخطوه و بلاش تردد
لو الموضوع عجبكم أعملوا شير و بلاش بخل بالمعلومة
By: Amr
#سافر_ما_تترددش
#travel_secrets