T
Travel Secrets
:: مسافر ::
ليه السنه دي تصيف في الساحل لما ممكن تصيف في برشلونه و يسعر أقل كمان B|
تصدق أنك ممكن تصيف في برشلونه السنه دي و مش حتدفع اكتر من 3800 جنيه بس , ده بجد و الله مش هزار و الرحله شامله طيران و سكن و رحلات و انتقالات و كل حاجه و تزور ملعب الكامب نو كمان
دي تجربتي الشخصيه لزيارة برشلونه بدون ما أعتمد على أي شركة سياحه , و البوست ده مش اعلان لرحله سياحيه , انما أنا بحاول أساعدكم انك بنفسك تطلع نفس الرحله و بالسعر ده و حقولك ازاي :
كل اللي محتاجه لاب توب و كارت فيزا و قول باي باي لشركات سياحه
لو عاوز تسافر مدينة أوربية بتجمع بين الشمس و البحر و التاريخ و المعالم السياحية و السهر و التسوق و فوق كل ده ملعب الكامب نو , يبقى ملكش الا برشلونة ☀, برشلونة تعتبر دولة لوحدها ليها علمها الخاص و لغتها الخاصه و هما بالفعل عاوزين ينفصلوا عن أسبانيا و يكونوا دولة لوحدهم ( كاتلونيا ) ( لأنهم يعتبروا مدينة غنية جدا و هما اللي بيصرفوا على أسبانيا كلها لأن عندهم سياحه و مصانع و انتاج ضخم ) , المهم سيبكم من الرغي ده , خلونا بقى نظبط نفسنا في برشلونه
حنتفق بردو بما اننا طالعين رحلة منخفضة التكاليف فخنستغنى عن شوية رفاهيات زي التاكسي و فنادق 5 نجوم و الكلام ده , المهم نتفسح كويس و نشوف كل حاجه في برشلونة . أعمل حسابك حتمشي كتير و تركب مواصلات عامة بس حتستمتع جدا
أسرار السفر الى برشلونة بأقل التكاليف :
أنا حفترضلكم رحلة من 3 الى 9 يونيو ( علشان تلحق تظبط حسابك البنكي و تطلع الفيزا كمان ) و حقولكم حتكلف كام بالظبط و بالاثباتات :
⚠ تذكرة السفر✈ : طبعا و هي الجزء الأغلى في الرحلة , لك أن تعلم ان تذكرة السفر لبرشلونة ممكن تشتريها بسعر لا يتجاوز 1950 جنيه على طيران بيجاسوس ذهاب و عودة الى برشلونة من مطار شرم الشيخ
⚠ السكن : طبعا زي ما تعودنا بما اننا شباب مافيش مانع نسكن في هوستل , أرشحلكم هوستل اسمه Hola Hostal Eixample و ده يا سيدي سعره في ال الأسبوع 788 جنيه مصري فقط و شامل كمان الافطار و واي فاي و موقعه كويس جدا و نظيف
المواصلات : حتشتري t10 و دي 10 تذاكر مخفضة و سعرها 10 يورو فقط ( يعني حتوفر 11.55 يورو ) و تقدر بيها تركب أي وسيلة من وسائل المواصلات ( 10 رحلات ) , و تقدر تستخدمها في الباص من و الى المطار و لو العشر تذاكر خلصوا ممكن تشتري تاني, ( حنفترض أنك حتشتري t10 مرتين يعني حتكلفك 170 جنيه و دي كل انتقالاتك في برشلونه )
كده الحسبه الاجماليه " طيران 1950 جنيه + هوستل 788 جنيه + مواصلات 170 جنيه = 2910 جنيه مصري فقط
البوست الجاي حقولكم أزاي تنظموا برنامج سياحي تحفه في برشلونه و بسعر لا يتجاوز 1000 جنيه و أزاي كمان تدخلوا أغلب الأماكن السياحيه مجانا بدون ما تدفعوا و لا جنيه 3
لو البوست عجبكم شيروه علشان الكل يستفيد منه و أعمل تاج لصاحبك أو صاحبتك اللي نفسك تسافر معاهم برشلونة .
ده بوست كيفية الحصول على فيزا شنجن و باسبورك أبيض
: /Travel Secrets
By: Bahaa
#اسرار_السفر_الى _برشلونة
#برشلونة_بسعر_رخيص
#travel_secrets
تصدق أنك ممكن تصيف في برشلونه السنه دي و مش حتدفع اكتر من 3800 جنيه بس , ده بجد و الله مش هزار و الرحله شامله طيران و سكن و رحلات و انتقالات و كل حاجه و تزور ملعب الكامب نو كمان
دي تجربتي الشخصيه لزيارة برشلونه بدون ما أعتمد على أي شركة سياحه , و البوست ده مش اعلان لرحله سياحيه , انما أنا بحاول أساعدكم انك بنفسك تطلع نفس الرحله و بالسعر ده و حقولك ازاي :
كل اللي محتاجه لاب توب و كارت فيزا و قول باي باي لشركات سياحه
لو عاوز تسافر مدينة أوربية بتجمع بين الشمس و البحر و التاريخ و المعالم السياحية و السهر و التسوق و فوق كل ده ملعب الكامب نو , يبقى ملكش الا برشلونة ☀, برشلونة تعتبر دولة لوحدها ليها علمها الخاص و لغتها الخاصه و هما بالفعل عاوزين ينفصلوا عن أسبانيا و يكونوا دولة لوحدهم ( كاتلونيا ) ( لأنهم يعتبروا مدينة غنية جدا و هما اللي بيصرفوا على أسبانيا كلها لأن عندهم سياحه و مصانع و انتاج ضخم ) , المهم سيبكم من الرغي ده , خلونا بقى نظبط نفسنا في برشلونه
حنتفق بردو بما اننا طالعين رحلة منخفضة التكاليف فخنستغنى عن شوية رفاهيات زي التاكسي و فنادق 5 نجوم و الكلام ده , المهم نتفسح كويس و نشوف كل حاجه في برشلونة . أعمل حسابك حتمشي كتير و تركب مواصلات عامة بس حتستمتع جدا
أسرار السفر الى برشلونة بأقل التكاليف : أنا حفترضلكم رحلة من 3 الى 9 يونيو ( علشان تلحق تظبط حسابك البنكي و تطلع الفيزا كمان ) و حقولكم حتكلف كام بالظبط و بالاثباتات :
⚠ تذكرة السفر✈ : طبعا و هي الجزء الأغلى في الرحلة , لك أن تعلم ان تذكرة السفر لبرشلونة ممكن تشتريها بسعر لا يتجاوز 1950 جنيه على طيران بيجاسوس ذهاب و عودة الى برشلونة من مطار شرم الشيخ
⚠ السكن : طبعا زي ما تعودنا بما اننا شباب مافيش مانع نسكن في هوستل , أرشحلكم هوستل اسمه Hola Hostal Eixample و ده يا سيدي سعره في ال الأسبوع 788 جنيه مصري فقط و شامل كمان الافطار و واي فاي و موقعه كويس جدا و نظيف
المواصلات : حتشتري t10 و دي 10 تذاكر مخفضة و سعرها 10 يورو فقط ( يعني حتوفر 11.55 يورو ) و تقدر بيها تركب أي وسيلة من وسائل المواصلات ( 10 رحلات ) , و تقدر تستخدمها في الباص من و الى المطار و لو العشر تذاكر خلصوا ممكن تشتري تاني, ( حنفترض أنك حتشتري t10 مرتين يعني حتكلفك 170 جنيه و دي كل انتقالاتك في برشلونه )
كده الحسبه الاجماليه " طيران 1950 جنيه + هوستل 788 جنيه + مواصلات 170 جنيه = 2910 جنيه مصري فقط
البوست الجاي حقولكم أزاي تنظموا برنامج سياحي تحفه في برشلونه و بسعر لا يتجاوز 1000 جنيه و أزاي كمان تدخلوا أغلب الأماكن السياحيه مجانا بدون ما تدفعوا و لا جنيه 3
لو البوست عجبكم شيروه علشان الكل يستفيد منه و أعمل تاج لصاحبك أو صاحبتك اللي نفسك تسافر معاهم برشلونة .
ده بوست كيفية الحصول على فيزا شنجن و باسبورك أبيض
: /Travel SecretsBy: Bahaa
#اسرار_السفر_الى _برشلونة
#برشلونة_بسعر_رخيص
#travel_secrets