T
Travel Secrets
:: مسافر ::
على بالى على بااالى حبيبى على باالى. 
انهارده هنتكلم عن اكتر مكان الأجانب عموما بيحبوة فى جنوب شرق اسيا وكل ما هتقول قدام حد انك سافرت جنوب شرق اسيا هيسألك على طول رحت بالى؟ لان بالى من اجمل الجزر ولأن فيها اماكن تاريخيه تجنن و الخضرة والجمال الى في كل مكان . بالاضافة لجو حفلات جامد اخر تلت اربع حاجات
اخلط بقى كل دا ( شواطئ روعه وغابات خضرا على قرود وحيوانات على ناس طيبه وحبوبه على دايفنج سبوت جامدة جدا على جبال ممكن تتسلق بقى لو فيك حيل
وبركان باتور من اكبر براكين العالم ) وضيف على كدا مكان اسعاره فالحنين جدا والفنادق هناك فى كل المستويات وكل الميزانيات 
الحاجات دى كلها تخلى جزيرة بالى مكان لراحه البال والدماغ الرايقه واجمل شهر عسل ممكن يتقضى لو عاوز تروح وجهه واحده وتقعد فيها هو دا المكان. تروح فى اى وقت ماعادا شهر ديسمبر ويناير عشان المطر والشواطئ بتتقفل.
تجربتى الشخصية لزيارة جزيرة بالي بمبلغ 2000 جنيه فقط :
انا طلعت من ماليزيا لجزيرة بالى على طول كان airasia عاملين عرض اخدت التذكرة رايح جاى ب 500 جنيه لو جاى من مصر ممكن تنزل كوالالمبور وتحجز طيران اير اسيا برضو , يبقى تذكرة طيران ماليزيا وزود عليها 500 جنيه . بالنسبه للفيزا ( الحلو ان مافيش تقديم على فيزا و ورق و اجراءات و وجع قلب ) بس بتدفع في المطار وانتا داخل ووانتا خارج هو كدا غشامه وانتا خارج كمان اغلى من وانتا داخل بتدفع 20 دولار فالدخول و25 فالخروج. العمله هناك الروبيه والدولار تقريبا ب 13000 روبيه هتلاقي نفسك فجأه بقيت مليونير بس متفرحش اوى لان الاسعار برضو فيها تضخم بس برضو الحياه رخيصه.
بس خلي بالك علشان بالى فيها حاجات كتيييير تتعمل فانتا لازم تحدد وانتا رايح انتا عاوز ايه !! يعني لو عاوز تلف وتشوف وكدا دى ليها خطه , ولو عاوز غطس واعماق دى ليها خطه تانيه خالص , ولو عاوز استجمام وروقان وانتا وميجا وبس دى برضو ليها خطه حمادة آخر.
هنتكلم عن الخطه الميكس الى هى هتروح وتتفسح وبرضو تستجم وممكن تعمل سنوركلنج في النص.
فى كذا مكان للاقامه في بالى فى كوتا بالى ودى المنطقه المركزيه الى فيها كل النشاط وفى مناطق منعزله بقى عشان الخصوصيه وكدا سيمنياك وابود ونوسداوا (المناطق دى شاليهات خاصه وفلل في المعظم)
لو مسافر لوحدك فى هوستل جامد جدا انصح بيه اسمه mama ب 4 دولار فالليله تقريبا وقريب من كوتا وسيمناك وبيقعد فيه الاجانب الشباب الى زيك بالظبط فبتتكحرتوا مع بعض.
لو شهر عسل هتدورلك على فيلا لطيفه او اوضه زوجيه فى فندق بنتكلم فى 50 دولار لليله لو فى فندق و 200 دولار لو هتاخد فيلا بحمام سباحه بمساجك بفطارك بكل ما تتمناه واكتر. انا مجربتش شغل الفيلل دا بس منظر الفلل نفسه من برا يخليك تحسد الناس الى جواها جدا عقبالكم جميعا
أسرار السفر لبالي :
ماذا تفعل فى اسبوع فى بالى ؟
اول حاجة هتروح تتفرج على المعابد وتتصور هناك بس خد بالك المسافه طويله فاشحن الموبايل او الكاميرا عشان هتزعل جامد لو فصل وانتا هناك.
• فى عندك معبدين جامدين جدا تمام ايون واولون دانو ممكن وانتا قاعد فى الهوستل هتلاقى ناس تانيه عاوزة تروح هناك هتشيروا فى تاكسى او توكتوك لطيف وكل واحد هيدفع 4-5 دولار في المشوار كامل.
• لو ناوى تتسلق جبال فى رحلات هايكنج منظمه وفى انك تنطلق مع نفسك بس خد المتنظمه لانهم عارفين الاماكن الى تستاهل انك تشوفها ودى هتكلف بتاع 100 جنيه للفرد وفى جبل كاوى دا برضو حلو بس مشوار .
• الغوص ومشاهده اعماق البحار وعالم الاسماك هناك حاجة جميله برضو وهتشوف سمكة نيمو (clown fish) كتير جدا هناك. ورحله السنوركلنج ب 100جنيه لمده ساعتين تقريبا. الغوص اغلى ولو معاكش رخصه واول مرة تغوص هتحتاج تدريب فمنصحش بيه الا للى متدرب وبيحب الغوص فعلا انما لو للتجربه السنوركلنج كفايه جدا.
• لأثرياء القوم كان فى ملاهى مائيه هناك شكلها لذيذ اسمها بالى واتر بووم بس كانت ب 40 دولار فمدخلتهاش بس لو عندك استعداد وكدا انطلق.
• حديقة الطيور في بالى فيها طيور جميله جدا وفلامنجو وحاجات مبنشفهاش الا فى عالم الحيوان ودى كانت في الحونين 20 دولار
• عودة للاشياء المجانيه مزارع الرز منظر جميل وبتشوف الناس وهى بتشتغل و تتصور معاهم وبيعدوا يضحكوا عليك وانتا بتسلم عليهم
• فى بقى انشطة بحريه كتير عندك الباراسيلنج والسيرفنج والجيت سكى وكل الحاجات دى موجوده الاسعار مش بتزيد عن 200 جنيه.
• الأكل بقى ودا حدوته وقصه وروايه السى فود بالذات هتعيط كدا وانتا بتاكل الاستكوزا بالصلصه ودافع فيها 20جنيه بس , وحاسس ان الى شفته قبل ما تشوفك عنيا عمر ضايع (هتلاقى صورة للوجبه فى الصور) وجمبرى بقى وسمك وقرش وكل خيرات البحر.
طيب الرحلة لشاب مسافر يتكحرت لوحده تكلفه كام تقريبا ؟
الرحله كلها كانت اسبوع دخلت فى 2000 جنيه صافى من ماليزيا لحد ما رجعت.
تذكره الطيران من ماليزيا ذهاب و عودة 500 جنيه
الفيزا 160 و انت داخل و 200 و انت خارج , يعني الاجمالي 360 جنيها
هوستل ب 30 جنيه الليله يعني اسبوع ب 210 جنيه
اكلك مستريح 50 جنيه اليوم باجمالي 350 جنيه
المواصلات تقريبا شامل كامل ب 200 جنيه
السنوركلنج 100جنيه
حديقه الطيور حوالي 160 جنيه
يكون المجموع 1880 وفى شويه فلوس كدا بتروح في نثريات
جزيرة بالي مكان جميل جدا للشباب و لشهر العسل , وممكن تقضى فيها وقت طويل , يعنى دى المكان الوحيد الى اقدر اقولك ممكن تقعد فيه شهر فعلا متزهقش. اللي أتفرج على فيلم Eat, Pray, Love حيفهم قصدي
ونراكم فى بوست آخر ودولة اخرى والشير المتين عشان نتشجع كدا ونعمل احلى دول
By: Mahmoud
#travel_secrets
#السياحة_بالي
#هنسافر_يعنى_هنسافر
انهارده هنتكلم عن اكتر مكان الأجانب عموما بيحبوة فى جنوب شرق اسيا وكل ما هتقول قدام حد انك سافرت جنوب شرق اسيا هيسألك على طول رحت بالى؟ لان بالى من اجمل الجزر ولأن فيها اماكن تاريخيه تجنن و الخضرة والجمال الى في كل مكان . بالاضافة لجو حفلات جامد اخر تلت اربع حاجات
اخلط بقى كل دا ( شواطئ روعه وغابات خضرا على قرود وحيوانات على ناس طيبه وحبوبه على دايفنج سبوت جامدة جدا على جبال ممكن تتسلق بقى لو فيك حيل
وبركان باتور من اكبر براكين العالم ) وضيف على كدا مكان اسعاره فالحنين جدا والفنادق هناك فى كل المستويات وكل الميزانيات الحاجات دى كلها تخلى جزيرة بالى مكان لراحه البال والدماغ الرايقه واجمل شهر عسل ممكن يتقضى لو عاوز تروح وجهه واحده وتقعد فيها هو دا المكان. تروح فى اى وقت ماعادا شهر ديسمبر ويناير عشان المطر والشواطئ بتتقفل.
تجربتى الشخصية لزيارة جزيرة بالي بمبلغ 2000 جنيه فقط :
انا طلعت من ماليزيا لجزيرة بالى على طول كان airasia عاملين عرض اخدت التذكرة رايح جاى ب 500 جنيه لو جاى من مصر ممكن تنزل كوالالمبور وتحجز طيران اير اسيا برضو , يبقى تذكرة طيران ماليزيا وزود عليها 500 جنيه . بالنسبه للفيزا ( الحلو ان مافيش تقديم على فيزا و ورق و اجراءات و وجع قلب ) بس بتدفع في المطار وانتا داخل ووانتا خارج هو كدا غشامه وانتا خارج كمان اغلى من وانتا داخل بتدفع 20 دولار فالدخول و25 فالخروج. العمله هناك الروبيه والدولار تقريبا ب 13000 روبيه هتلاقي نفسك فجأه بقيت مليونير
بس متفرحش اوى لان الاسعار برضو فيها تضخم بس برضو الحياه رخيصه. بس خلي بالك علشان بالى فيها حاجات كتيييير تتعمل فانتا لازم تحدد وانتا رايح انتا عاوز ايه !! يعني لو عاوز تلف وتشوف وكدا دى ليها خطه , ولو عاوز غطس واعماق دى ليها خطه تانيه خالص , ولو عاوز استجمام وروقان وانتا وميجا وبس
دى برضو ليها خطه حمادة آخر.هنتكلم عن الخطه الميكس الى هى هتروح وتتفسح وبرضو تستجم وممكن تعمل سنوركلنج في النص.
فى كذا مكان للاقامه في بالى فى كوتا بالى ودى المنطقه المركزيه الى فيها كل النشاط وفى مناطق منعزله بقى عشان الخصوصيه وكدا سيمنياك وابود ونوسداوا (المناطق دى شاليهات خاصه وفلل في المعظم)
لو مسافر لوحدك فى هوستل جامد جدا انصح بيه اسمه mama ب 4 دولار فالليله تقريبا وقريب من كوتا وسيمناك وبيقعد فيه الاجانب الشباب الى زيك بالظبط فبتتكحرتوا مع بعض.
لو شهر عسل هتدورلك على فيلا لطيفه او اوضه زوجيه فى فندق بنتكلم فى 50 دولار لليله لو فى فندق و 200 دولار لو هتاخد فيلا بحمام سباحه بمساجك بفطارك بكل ما تتمناه واكتر. انا مجربتش شغل الفيلل دا بس منظر الفلل نفسه من برا يخليك تحسد الناس الى جواها جدا عقبالكم جميعا
أسرار السفر لبالي :
ماذا تفعل فى اسبوع فى بالى ؟
اول حاجة هتروح تتفرج على المعابد وتتصور هناك بس خد بالك المسافه طويله فاشحن الموبايل او الكاميرا عشان هتزعل جامد لو فصل وانتا هناك.
• فى عندك معبدين جامدين جدا تمام ايون واولون دانو ممكن وانتا قاعد فى الهوستل هتلاقى ناس تانيه عاوزة تروح هناك هتشيروا فى تاكسى او توكتوك لطيف وكل واحد هيدفع 4-5 دولار في المشوار كامل.
• لو ناوى تتسلق جبال فى رحلات هايكنج منظمه وفى انك تنطلق مع نفسك بس خد المتنظمه لانهم عارفين الاماكن الى تستاهل انك تشوفها ودى هتكلف بتاع 100 جنيه للفرد وفى جبل كاوى دا برضو حلو بس مشوار .
• الغوص ومشاهده اعماق البحار وعالم الاسماك هناك حاجة جميله برضو وهتشوف سمكة نيمو (clown fish) كتير جدا هناك. ورحله السنوركلنج ب 100جنيه لمده ساعتين تقريبا. الغوص اغلى ولو معاكش رخصه واول مرة تغوص هتحتاج تدريب فمنصحش بيه الا للى متدرب وبيحب الغوص فعلا انما لو للتجربه السنوركلنج كفايه جدا.
• لأثرياء القوم كان فى ملاهى مائيه هناك شكلها لذيذ اسمها بالى واتر بووم بس كانت ب 40 دولار فمدخلتهاش بس لو عندك استعداد وكدا انطلق.
• حديقة الطيور في بالى فيها طيور جميله جدا وفلامنجو وحاجات مبنشفهاش الا فى عالم الحيوان ودى كانت في الحونين 20 دولار
• عودة للاشياء المجانيه
مزارع الرز منظر جميل وبتشوف الناس وهى بتشتغل و تتصور معاهم وبيعدوا يضحكوا عليك وانتا بتسلم عليهم • فى بقى انشطة بحريه كتير عندك الباراسيلنج والسيرفنج والجيت سكى وكل الحاجات دى موجوده الاسعار مش بتزيد عن 200 جنيه.
• الأكل بقى ودا حدوته وقصه وروايه السى فود بالذات هتعيط كدا وانتا بتاكل الاستكوزا بالصلصه ودافع فيها 20جنيه بس , وحاسس ان الى شفته قبل ما تشوفك عنيا عمر ضايع (هتلاقى صورة للوجبه فى الصور) وجمبرى بقى وسمك وقرش وكل خيرات البحر.
طيب الرحلة لشاب مسافر يتكحرت لوحده تكلفه كام تقريبا ؟
الرحله كلها كانت اسبوع دخلت فى 2000 جنيه صافى من ماليزيا لحد ما رجعت.
تذكره الطيران من ماليزيا ذهاب و عودة 500 جنيه
الفيزا 160 و انت داخل و 200 و انت خارج , يعني الاجمالي 360 جنيها
هوستل ب 30 جنيه الليله يعني اسبوع ب 210 جنيه
اكلك مستريح 50 جنيه اليوم باجمالي 350 جنيه
المواصلات تقريبا شامل كامل ب 200 جنيه
السنوركلنج 100جنيه
حديقه الطيور حوالي 160 جنيه
يكون المجموع 1880 وفى شويه فلوس كدا بتروح في نثريات
جزيرة بالي مكان جميل جدا للشباب و لشهر العسل , وممكن تقضى فيها وقت طويل , يعنى دى المكان الوحيد الى اقدر اقولك ممكن تقعد فيه شهر فعلا متزهقش. اللي أتفرج على فيلم Eat, Pray, Love حيفهم قصدي
ونراكم فى بوست آخر ودولة اخرى والشير المتين عشان نتشجع كدا ونعمل احلى دول
By: Mahmoud
#travel_secrets
#السياحة_بالي
#هنسافر_يعنى_هنسافر
