السلام عليكم سويت حادث اليوم وكان الطريق خط...

[Ali Al Dossary]

السلام عليكم
سويت حادث اليوم وكان الطريق خط واحد رايح جاي والسياره القدامي مسك بريك فجاه وصدمته ولما جات الشرطه قال انا ما اقدر احكم او احدد من الغلطان فا باعطيكم محاكمه بعد شهر وانا التأمين حقي بس ضد الغير من طرف واحد وسيارتي انعدمت وسياره القدامي ماصار فيها شي
فا السؤال هل راح يكون علي الغلط لان انا صادمه من الخلف او راح يكون عليه هو الغلط ؟لان الي قدامي قالي التأمين راح يدفع لك فلوس وياخذون السياره ولا اعرف ايش بيصير ؟ لان ودي اعرف هل أصلح سيارتي ولا انتظر الى وقت المحكمة ؟ السؤال الثاني في المحكمة اذا سال القاضي هل أقول انا غلطان guilty لان انا صادمه من الخلف او أبرر الحادث ؟

 

[Yasser Bajammal]

وعليكم السلام. انا شخصياً مااعرف. ولكن اعتقد لا تعترف ولا تبرر! انت قول ايش صار وبس، وخلي القرار بيد القاضي. واعتقد انه المحكمة توفرلك محامي. واذا عندك تأمين كل شي ان شاء الله سهالات، والف سلامه.

 

[Falah الشمري]

اول شيء حمدالله علي السلامه
ثانيا رح ابحث عن مكتب محامي في مدينتك وش الرانك حقه وكلمه بالموضوع وشف وش يقولك
محامين الي بالمحكمه اي كلام

وشكرا

 

[Saad Alqahtani]

ليش محكمة بعد شهر
المفترض العسكري حدد من المخطى، وكل واحد يتصل على تأمينه ويبلغه.

تأكد، ممكن المحكمة لموضوع القسيمة وليس الحادث

والحمد لله على سلامتك

 

[Omar Omar]

ربما مب كل حادث من الخلف يكون خطأك

 

[Osama S Basalem]

الحمد لله على السلامة اولا ثانياً الافضل ترسل استفسار للشؤون القانونية في الملحقية عشان يوفرو لك محامي بدل من اللي توفره المحكمة لان غالبيتهم يكونو طلاب في سنينهم الاخيرة. وان شاء الله الملحقية تقوم بالواجب

 

[Sultan Alsarra]

الحمد لله على السلامة
اخي عزيزي ماهو المبرر انه عليه الخطأ اذا انت صادمه من ورا هل لمبات البريك حقته خربانه او هل سيارته تعطلت؟
قوانين امريكا والولايات تنص انه الخطأ دايم يقع علي الصادم من الخلف. لكن هناك حالات مثلا سيارته اللي قدامك تعطلت في الطريق او لمبات البريك في سيارته كانت خربانه هنا يكون عندك عذر.
غير كذا بيقولك انه خطأك لانك لازم تكون منتبه وتوقف مهما كان سبب اللي قدامك وقف. بالنسبة لوضعك كلم محامي واسأله هل عندي قضية او لا قبل ما تروح المحكمة والله يوفقك ويعينك

 

[ابوعبدالله الخبراني]

اتوقع ان الخطأ عليك لأنك صادمه من الخلف
لأنك ماحطيت مسافه كافيه بينك وبين السيارة اللي أمامك
الا في حالة هو اعترف انه مسك بريك دون اي مبرر او يوجد عطل في اللمبات قد يلحقة نسبة
لكن اذا لم يكون هناك حل من قبل الشرطة انتظر المحكمة يمكن يكون عليخ نسبة على الأقل وتقل عليك الخسارة


والله يعينك..

 

[احمد المقري]

ولا تتردد رح لمحامي مهو اي محامي في محامين متخصصين في حوادث السيارات واعرض عليه تقرير الشرطه خله يطلع عليه وهوه بيعطيك العلم اذا كان لك مخرج في الموضوع بيعرض عليك نسبة 33‎%‎ من التعويض وانت منت خسران شي خله يتولى القضيه لانه ممكن الطرف الثاني يتبلى عليك باي شي والموضوع صاير معي انا شخصياً فالمحمي يعرف من وين يطلع الخطاء ويخارجك بعد الله نصيحة اخ دور محامي وعرض عليه الموضوع عاجلاً وخالك من محامي السفاره ولا غيره لان محامي السفاره او القنصليه بياخذ القضيه ويعطيها محامي في نفس ولايتك فا الافضل ابحث عن محامي واذا طلب منك مبلغ ابلغ السفاره واعطهم عنوان المحامي وهم بيدفعون له واذا لم يطلب نفس موضوعي فاعرف ان الحق معك وخله ياخذ نسبه وانت منت خسران شي


والله يعينك يارب

 

[ابوعبدالله الخبراني]

كلام الاخ احمد

 

[Khaled Alogbi]

اولا حمد لله عالسلامه ، ثانيا اذا شايف ان الخطأ مو عليك اتصل على اكثر من محامي واسألهم كم تقدر تجيب لي تعويض ، و شوف كم نسبته ، و بعدها قرر ، لكن اذا انت من حواتك عارف ان الغلط عليك فبرضو كلم محامي و خليه يخلص لك الموضوع و اللي حيحصل انو بس تأمينك حيغطي الاضرار في حال ان الغلط منك و يعوضك الله خير في سيارتك و بعدها بيرتفع البريميوم حقك. بالتوفيق

 

[Ammar Ali Al-faraj]

القانون يقول ادا اللي قدامك مسك بريك قوي يا تتفاداه او تصقعه ما تمسك بريك قوي انت بعد عشان اللي وراك يقدر يوقف انا جاني دا السؤال في اختبار الرخصه و الله اعلم
و الحمد الله على السلامه