T
Travel Secrets
:: مسافر ::
الحل الأول بعد أزمة الدولار و البنوك : ( سافر دول رخيصه )
لو لسه بتبدأ حياتك و مش معاك الا 5000 جنيه و عاوز تطلع شهر عسل في مكان جديد أنت و مراتك خارج مصر, تحب تسافر أنطاليا ( تركيا ) ب 2500 جنيه للفرد !!
حلم السفر لمدن ساحليه خصوصا في شهر العسل حلم لناس كثير انما بيتصدموا بالاسعار المبالغ فيها لشركات السياحه او صعوبه الحصول علي تاشيره الدول دي ، دلوقتي تقدر تنظم رحلتك بنفسك و تسافر انطاليا اجمل شواطيء تركيا بدون الحاجه الي شركه سياحه و بسعر 2500 جنيه شامل الطيران و التاشيره و فندق نصف اقامه ( فطار و عشاء )
دي أسرار حجز انطاليا بالسعر ده
:
- اولا انا اخترت لكم وقت الجو فيه جميل و مشمس و هو يوم 20 مايو و الرجوع يوم 26 مايو ( 7 ايام و 6 ليالي ) السفر حيكون من شرم الشيخ علي طيران بييجسوس التركي و سعر التذكره يساوي 1370 جنيه مصري ( 171 دولار * 8 جنيه و تم حساب الدولار ب 8 جنيه لانك بتحجز بالفيزا يعني تتحاسب علي سعر البنك الرسمي 7.83 + 2% عموله البنك يوصل الدولار ل 8 جنيه )
- ثانيا اخترت لكم فندق في قلب انطاليا في السيتي سنتر يعني جنب انطاليا القديمه اللي فيها المزارات و الاثار و الاسواق حيث ان منطقه كاليثيا تعتبر هي زي حصن قديم جواه شوارع ضيقه مليانه اماكن اثريه و فيها خليج جميل قوي ، الفندق 3 نجوم و شامل فطار و عشاء لمده 6 ليالي اسمه مايا اوسكار بوتيك اوتيل و ده فيه حمام سباحه و الاوتيل واخد تقييم عالي جدا علي موقع تريب ادفايزر من النزلاء يعني ممتاز و سعر الفرديين 158 يورو في 6 ليالي يعني 1420 جنيه علي اساس سعر اليورو 9 جنيه يعني الفرد 710 جنييه
يبقي كده اجمالي الرحله كام : 710 فندق + 430 ثمن التاشيره + 1370 تذكره = 2510 جنيه
و بكده تكون وفرت نص تمن الرحله لو طلعتها مع شركه سياحه و في البوست الجاي حكتب لكم عن المزارات و اسعارها ايه و نروحها ازاي زي الشلالات و الرافتينج ( المراكب المطاطية السريعه ) و الاكوبارك و مزارات كاليثيا و غيره و طبعا غير الشوبينج الرخيص و أسماء المولات الرخيصة ايه و تشتري من هناك ايه !
لو أنت بقى راجل مقتدر و ربنا كرمك و عاوز تدلع عروستك و تدًلع معاها ايه رأيك تنزل في فندق 5 نجوم شامل كل الوجبات و المشروبات طول اليوم مجانا و بزياده الف جنيه بس ,انا اخترت لكم اوتيل حكايه علي البحر بيديك الفخفخه بتاعه 5 نجوم اول انكلوسيف ب 1700 جنيه للفرد 6 ليالي ، يعني كده الرحله تقف ب 1700 فندق +430 تاشيره + 1370 طيران = 3500 جنيه و بكده مش حتدفع حتي تمن قزازه مياه ، الفندق اسمه Adonis
لو البوست عجبكم و تقديرا للمجهود أعملوا شير علشان الكل يستفيد
ملحوظة : انا مش شركة سياحة انا منظم رحلات سياحيه و المعلومات دي بنساعد بيها الناس اللي عاوزه تخوض التجربة لوحدها و تجرب تحجز بنفسها
By: Amr Sherif
#انطاليا_2500_جنيه
#travel_secrets
لو لسه بتبدأ حياتك و مش معاك الا 5000 جنيه و عاوز تطلع شهر عسل في مكان جديد أنت و مراتك خارج مصر, تحب تسافر أنطاليا ( تركيا ) ب 2500 جنيه للفرد !!
حلم السفر لمدن ساحليه خصوصا في شهر العسل حلم لناس كثير انما بيتصدموا بالاسعار المبالغ فيها لشركات السياحه او صعوبه الحصول علي تاشيره الدول دي ، دلوقتي تقدر تنظم رحلتك بنفسك و تسافر انطاليا اجمل شواطيء تركيا بدون الحاجه الي شركه سياحه و بسعر 2500 جنيه شامل الطيران و التاشيره و فندق نصف اقامه ( فطار و عشاء )
دي أسرار حجز انطاليا بالسعر ده
:- اولا انا اخترت لكم وقت الجو فيه جميل و مشمس و هو يوم 20 مايو و الرجوع يوم 26 مايو ( 7 ايام و 6 ليالي ) السفر حيكون من شرم الشيخ علي طيران بييجسوس التركي و سعر التذكره يساوي 1370 جنيه مصري ( 171 دولار * 8 جنيه و تم حساب الدولار ب 8 جنيه لانك بتحجز بالفيزا يعني تتحاسب علي سعر البنك الرسمي 7.83 + 2% عموله البنك يوصل الدولار ل 8 جنيه )
- ثانيا اخترت لكم فندق في قلب انطاليا في السيتي سنتر يعني جنب انطاليا القديمه اللي فيها المزارات و الاثار و الاسواق حيث ان منطقه كاليثيا تعتبر هي زي حصن قديم جواه شوارع ضيقه مليانه اماكن اثريه و فيها خليج جميل قوي ، الفندق 3 نجوم و شامل فطار و عشاء لمده 6 ليالي اسمه مايا اوسكار بوتيك اوتيل و ده فيه حمام سباحه و الاوتيل واخد تقييم عالي جدا علي موقع تريب ادفايزر من النزلاء يعني ممتاز و سعر الفرديين 158 يورو في 6 ليالي يعني 1420 جنيه علي اساس سعر اليورو 9 جنيه يعني الفرد 710 جنييه
يبقي كده اجمالي الرحله كام : 710 فندق + 430 ثمن التاشيره + 1370 تذكره = 2510 جنيه
و بكده تكون وفرت نص تمن الرحله لو طلعتها مع شركه سياحه و في البوست الجاي حكتب لكم عن المزارات و اسعارها ايه و نروحها ازاي زي الشلالات و الرافتينج ( المراكب المطاطية السريعه ) و الاكوبارك و مزارات كاليثيا و غيره و طبعا غير الشوبينج الرخيص و أسماء المولات الرخيصة ايه و تشتري من هناك ايه !
لو أنت بقى راجل مقتدر و ربنا كرمك و عاوز تدلع عروستك و تدًلع معاها ايه رأيك تنزل في فندق 5 نجوم شامل كل الوجبات و المشروبات طول اليوم مجانا و بزياده الف جنيه بس ,انا اخترت لكم اوتيل حكايه علي البحر بيديك الفخفخه بتاعه 5 نجوم اول انكلوسيف ب 1700 جنيه للفرد 6 ليالي ، يعني كده الرحله تقف ب 1700 فندق +430 تاشيره + 1370 طيران = 3500 جنيه و بكده مش حتدفع حتي تمن قزازه مياه ، الفندق اسمه Adonis
لو البوست عجبكم و تقديرا للمجهود أعملوا شير علشان الكل يستفيد
ملحوظة : انا مش شركة سياحة انا منظم رحلات سياحيه و المعلومات دي بنساعد بيها الناس اللي عاوزه تخوض التجربة لوحدها و تجرب تحجز بنفسها
By: Amr Sherif
#انطاليا_2500_جنيه
#travel_secrets
