T
Travel Secrets
:: مسافر ::
ناس كتير بعتتلي , ازاي أحدد الميزانيه المناسبه للسفر ؟؟!! و ناس بعتتلي لو انا معايا مبلغ معين أعرف أسافر بيه فين ؟؟ البوست ده حيوضحلك أمور مهمه أوي لازم تعرفها علشان تحدد الميزانيه المناسبه ليك في السفريه 
أول خطوة لازم تفكر فيها قبل السفر هي اختيار الدولة اللي السفر ليها مناسب للميزانيه بتاعتنا , يعني مينفعش يبقى ميزانيتنا مثلا 5 الاف جنيه و نقول عاوزين نروح بيهم ماليزيا. فلازم نبقى عارفين كام حاجه كده حتحددلنا ازاي نظبط ميزانيتنا في السفر
حاجه مهمه أوي و هي اختيار الوقت المناسب للسفر , لأن فيه أوقات بتكون أرخص كتير من أوقات تانيه , يعني ممكن مثلا نسافر أوروبا ب 5 الاف جنيه في وقت و نفس الرحله ممكن تكلفنا 10 الاف جنيه في وقت تاني , فأهم حاجه هي ازاي تعرف تنظم الرحلة و تختار الوقت المناسب و صدقني بأي ميزانيه حتعرف تسافر و تتبسط و تشوف أماكن جديدة .
(( أسرار تحديد الميزانية )) :
المرحلة الأولى : تعرف أن أكبر سعر في تحديد الميزانية هي تذكرة الطيران ( و حتلاقي بوست خاص على الصفحه أزاي تعرف تحجز التذكرة بأقل سعر) و دي تقريبا سعرها بيكون حوالي 34 % من اجمالي الميزانية
المرحلة الثانية : أختيار مكان السكن المناسب لامكانيتنا و ده ممكن يكون هوستل ( سرير مشاركة في غرفة ) أو يكون فندق بيوفر غرف أقتصادية مثلا و ده حنحطله نسبه حوالي 34 % من الميزانية
المرحلة الثالثة : و دي المرحلة اللي بتاخد مننا وقت في الترتيب شوية و هي تحديد الأماكن اللي عاوزين نزورها و أسعار تذاكر الدخول لها. و نقدر نعرف ده بسهولة جدا من الانترنت . أرشحلكم موقع tripadvisor.com و ده منه تقدر تعرف احسن الأماكن السياحية في أي مدينة مثلا , ومنه تقدر تحدد انت عاوز تروح فين و سعر تذكرة دخول المكان ده كام. و المزارات السياحية نسبتها من الميزانية حوالي 15%
المرحلة الرابعة: تحديد ميزانية للانتقالات و حنعرف ازاي نقدر نتحرك في أي دولة سياحية بأقل تكلفة عن طريق استخدام المواصلات العامة زي أهل البلد و دي نسبتها من الميزانية حوالي 10%
المرحلة الخامسة : ميزانية الوجبات و مبلغ بسيط للهدايا و التذاكارات . و دي ممكن نخلي لها ميزانية لاتزيد عن 10%
في الاخر كل اللي بترجع بيه لبلدك هو صورك و تذكارات بسيطة و ذكريات حلوة كتير و تجارب جديدة بتخليك انسان مختلف
أهم حاجه في أي رحلة أنك تمشي و تشوف و تتعرف على ناس و ثقافات و صدقني في كل خطوة حتكتشف حاجات جديدة .
الأحلى كمان أنك تعيش زي ما أهل البلد عايشين يعني تاكل من أكلهم و تركب مواصلاتهم و تعرف عاداتهم و تقاليدهم و بعض كلماتهم . و ده حيثبت لك أد ايه أن مهما كانت بتفصلنا حدود و بنختلف في عاداتنا و تقاليدنا و معتقداتنا بس أحنا في الأخر متشابهين في حاجات كتير
By: Bahaa
#ميزانية_السفر
#travel_secrets
أول خطوة لازم تفكر فيها قبل السفر هي اختيار الدولة اللي السفر ليها مناسب للميزانيه بتاعتنا , يعني مينفعش يبقى ميزانيتنا مثلا 5 الاف جنيه و نقول عاوزين نروح بيهم ماليزيا. فلازم نبقى عارفين كام حاجه كده حتحددلنا ازاي نظبط ميزانيتنا في السفر
حاجه مهمه أوي و هي اختيار الوقت المناسب للسفر , لأن فيه أوقات بتكون أرخص كتير من أوقات تانيه , يعني ممكن مثلا نسافر أوروبا ب 5 الاف جنيه في وقت و نفس الرحله ممكن تكلفنا 10 الاف جنيه في وقت تاني , فأهم حاجه هي ازاي تعرف تنظم الرحلة و تختار الوقت المناسب و صدقني بأي ميزانيه حتعرف تسافر و تتبسط و تشوف أماكن جديدة .
(( أسرار تحديد الميزانية )) :
المرحلة الأولى : تعرف أن أكبر سعر في تحديد الميزانية هي تذكرة الطيران ( و حتلاقي بوست خاص على الصفحه أزاي تعرف تحجز التذكرة بأقل سعر) و دي تقريبا سعرها بيكون حوالي 34 % من اجمالي الميزانية
المرحلة الثانية : أختيار مكان السكن المناسب لامكانيتنا و ده ممكن يكون هوستل ( سرير مشاركة في غرفة ) أو يكون فندق بيوفر غرف أقتصادية مثلا و ده حنحطله نسبه حوالي 34 % من الميزانية
المرحلة الثالثة : و دي المرحلة اللي بتاخد مننا وقت في الترتيب شوية و هي تحديد الأماكن اللي عاوزين نزورها و أسعار تذاكر الدخول لها. و نقدر نعرف ده بسهولة جدا من الانترنت . أرشحلكم موقع tripadvisor.com و ده منه تقدر تعرف احسن الأماكن السياحية في أي مدينة مثلا , ومنه تقدر تحدد انت عاوز تروح فين و سعر تذكرة دخول المكان ده كام. و المزارات السياحية نسبتها من الميزانية حوالي 15%
المرحلة الرابعة: تحديد ميزانية للانتقالات و حنعرف ازاي نقدر نتحرك في أي دولة سياحية بأقل تكلفة عن طريق استخدام المواصلات العامة زي أهل البلد و دي نسبتها من الميزانية حوالي 10%
المرحلة الخامسة : ميزانية الوجبات و مبلغ بسيط للهدايا و التذاكارات . و دي ممكن نخلي لها ميزانية لاتزيد عن 10%
في الاخر كل اللي بترجع بيه لبلدك هو صورك و تذكارات بسيطة و ذكريات حلوة كتير و تجارب جديدة بتخليك انسان مختلف
أهم حاجه في أي رحلة أنك تمشي و تشوف و تتعرف على ناس و ثقافات و صدقني في كل خطوة حتكتشف حاجات جديدة .
الأحلى كمان أنك تعيش زي ما أهل البلد عايشين يعني تاكل من أكلهم و تركب مواصلاتهم و تعرف عاداتهم و تقاليدهم و بعض كلماتهم . و ده حيثبت لك أد ايه أن مهما كانت بتفصلنا حدود و بنختلف في عاداتنا و تقاليدنا و معتقداتنا بس أحنا في الأخر متشابهين في حاجات كتير
By: Bahaa
#ميزانية_السفر
#travel_secrets