M
Marwa Bent Elforjani
:: مسافر ::
يقولوا كل سفرة اتعلمك الحداقة .
من أكثر المواقف اللي حسيت فيها بالغباء الشديد كانت في 2008كنت ماشية لكندا ونازلة لندن بايتة فيها ترانزيت وكانت أول سفرة ليا في حياتي خشيت فيها عالبركة بالطول وبالعرض وكنت نعتبر نوعا ما صغيرة عمري17سنة وقتها وكنت أنا وأمي فقط .
عموما طلعت من هني وعندي فقط يورو وورق 500فقط ماعنديش لا فكة ولا أي عملة تاني .
طبعا العيلة عابيين عليا بنشغل دماغي واول مانوصل للمطار بنصرف وووالخ
المهم وصلت للمطار وخديت تاكسي عشان يرفعنا للهوتيل ووصلت للهوتيل وهني كانت الضحكة والتزلبيحة طبعا بش الواحد مايديرش روحه فالح كانت اللغة عندي مش هديكة اللغة المهم الأفندي قالي 17باوند ، بدل ماانشغل هالدماغ المسكر وانخش للهوتيل وانصرف اتفركست وانا انقوله ماعنديش غير يورو ووين نقدر انصرف وهو الخبيث استغل الموضوع وماقاليش ان نقدر انصرف في الهوتيل وعطيته يا كبدي ورقة 500يورو كاملة امكملة علي مشوار متاع 10دقايق من المطار وضحك عليا هالمعفن وخشيت للهوتيل وبعدما تميت كل شي وهو الحق اللي دايرلي الدعوة من كندا تام كل شي غر اندير في فلاحتي نقنع في نفسي اني شاطرة بعد الضحكة واليوم التاني وين جيت بندير check out سألت الريسبشن كم أجرة التاكسي من هنا للمطار وطبعا كنت اموصيتهم يحجزولي هما تاكسي وحاجزيلي ليموزين وشفطوني حتى هما وانا دايرة روحي بنتفلح وبنعرف كم الأجرة .
المهم الضحكة والتزلبيحة هادي ماننساهاش طول عمري وبديت كل مانسافر بعدها نبدا امخنسة من اصحاب التاكسيات اكتر شي .
من أكثر المواقف اللي حسيت فيها بالغباء الشديد كانت في 2008كنت ماشية لكندا ونازلة لندن بايتة فيها ترانزيت وكانت أول سفرة ليا في حياتي خشيت فيها عالبركة بالطول وبالعرض وكنت نعتبر نوعا ما صغيرة عمري17سنة وقتها وكنت أنا وأمي فقط .
عموما طلعت من هني وعندي فقط يورو وورق 500فقط ماعنديش لا فكة ولا أي عملة تاني .
طبعا العيلة عابيين عليا بنشغل دماغي واول مانوصل للمطار بنصرف وووالخ
المهم وصلت للمطار وخديت تاكسي عشان يرفعنا للهوتيل ووصلت للهوتيل وهني كانت الضحكة والتزلبيحة طبعا بش الواحد مايديرش روحه فالح كانت اللغة عندي مش هديكة اللغة المهم الأفندي قالي 17باوند ، بدل ماانشغل هالدماغ المسكر وانخش للهوتيل وانصرف اتفركست وانا انقوله ماعنديش غير يورو ووين نقدر انصرف وهو الخبيث استغل الموضوع وماقاليش ان نقدر انصرف في الهوتيل وعطيته يا كبدي ورقة 500يورو كاملة امكملة علي مشوار متاع 10دقايق من المطار وضحك عليا هالمعفن وخشيت للهوتيل وبعدما تميت كل شي وهو الحق اللي دايرلي الدعوة من كندا تام كل شي غر اندير في فلاحتي نقنع في نفسي اني شاطرة بعد الضحكة واليوم التاني وين جيت بندير check out سألت الريسبشن كم أجرة التاكسي من هنا للمطار وطبعا كنت اموصيتهم يحجزولي هما تاكسي وحاجزيلي ليموزين وشفطوني حتى هما وانا دايرة روحي بنتفلح وبنعرف كم الأجرة .
المهم الضحكة والتزلبيحة هادي ماننساهاش طول عمري وبديت كل مانسافر بعدها نبدا امخنسة من اصحاب التاكسيات اكتر شي .
