M
Marwa Bent Elforjani
:: مسافر ::
#من_2015الى2017ولازلت_أطالب_برصاصتي
تعالوا نحكيلكم موقف كنت انفكر فيه توا لدرجة بكيت عشانه
في 2011 ومن أيام الأحداث والثورة كنت محتفظة برصاصة عندي معاها ذكرى مؤلمة وفي نفس الوقت اتفرح #موضوعها_يطول المهم الرصاصة هادي احتفظت بيها وأنا من النوع اللي لما ايصير معاي موقف نقعد نحتفظ بذكرياته الملموسة إن وجدت وبرضو انحب نحتفظ بالأشياء القديمة ودسيت هديكة الرصاصة بما تحمله معاها من دكريات وجت دستها في جيب في الجزدان اليدوي حتى الجن الأزرق مايقدرش ينتبهله #احني_بس_البنات نقدروا نعرفوه .
المهم قعدت الرصاصة هادي مرافقتني من 2011 الى عند 2015 كنت مسافرة للأردن ولما جهزت نفسي برضوا خديتها وحطيتها في الجزدان اللي رافعاته معاي وقتها ..
طبعا بعد التفتيش الشخصي ورميت ساعتي وخاتمي ولما كمل التفتيش ومريت بخلت نلبسهم تاني حطيتهم في شنطة يدي ومرت البرنسيسة الشنطة عالجهاز
قالي شن فيها الشنطة شي معدن قتله مافيهاش حاجة ممكن يكونوا الخاتم والساعة ، قالي لا ، وقعدنا هو يقول لا وانا انقول لا ويبي انفرغ شنطتي وشنطتي امعبية شوكولاتة (محسوبتكم مدمنة شوكولاتة ) ف اتحشمت من الموقف وأصريت مانفرغهاش .
كلمة مني كلمة منه قالي تي شن مافيها شي الشنطة باينة فيها حاجة زي الرصاصة
وانا ربك سبحان الله في اللحظة هديكة راحت من بالي الرصاصة العزيزة ونقوله رصاصة شنو يا ودي هدا أكيد الخاتم أو أي شي تاني
لفلي شاشة الجهاز وقالي أهيا واضحة رصاصة امطنقرة باينة زي الشمس
طبعا استحضرتني ذاكرتي وقلت اااااااااااه صح وطلعتها عأساس بيشوفها وبترجعلي مادخليش فيه ناض خداها مني وخوفني شوية بعدين قالي خلاص بري واحمدي ربي انه ماشدوهاش منك غادي راك يا اترحلتي يا احصلتي في سين وجيم ومعش تعاوديها .
أني لحظتها صارلي نمشي ونتلفت وراي ونبكي ونقول لأمي مادخليش نبيها أني وكان نقعد معش نمشي ونرجع ناخدها وبلاش منه السفر
بكيت عليها بكي أظني مانبكيشي حتى علي صحيحتي قعدت طول الطريق وأنا نبكي ونتحسف وانهين في ارويحتي بيني وبين نفسي غر ليش جايبتها معاي
3شهور في الأردن كل يوم نتخايل في روحي امروحة ولاقاني نفس الشخص وعطاهالي
ويوم روحت قعدت اندور عليه اتقول أم اتدور علي ضناها وقعدت غصة في قلبي لين توا خطرت عليا
#بالك_اللي_خداها_مني_هنايا_يتفكرني_ويرجعهالي
تعالوا نحكيلكم موقف كنت انفكر فيه توا لدرجة بكيت عشانه
في 2011 ومن أيام الأحداث والثورة كنت محتفظة برصاصة عندي معاها ذكرى مؤلمة وفي نفس الوقت اتفرح #موضوعها_يطول المهم الرصاصة هادي احتفظت بيها وأنا من النوع اللي لما ايصير معاي موقف نقعد نحتفظ بذكرياته الملموسة إن وجدت وبرضو انحب نحتفظ بالأشياء القديمة ودسيت هديكة الرصاصة بما تحمله معاها من دكريات وجت دستها في جيب في الجزدان اليدوي حتى الجن الأزرق مايقدرش ينتبهله #احني_بس_البنات نقدروا نعرفوه .
المهم قعدت الرصاصة هادي مرافقتني من 2011 الى عند 2015 كنت مسافرة للأردن ولما جهزت نفسي برضوا خديتها وحطيتها في الجزدان اللي رافعاته معاي وقتها ..
طبعا بعد التفتيش الشخصي ورميت ساعتي وخاتمي ولما كمل التفتيش ومريت بخلت نلبسهم تاني حطيتهم في شنطة يدي ومرت البرنسيسة الشنطة عالجهاز
قالي شن فيها الشنطة شي معدن قتله مافيهاش حاجة ممكن يكونوا الخاتم والساعة ، قالي لا ، وقعدنا هو يقول لا وانا انقول لا ويبي انفرغ شنطتي وشنطتي امعبية شوكولاتة (محسوبتكم مدمنة شوكولاتة ) ف اتحشمت من الموقف وأصريت مانفرغهاش .
كلمة مني كلمة منه قالي تي شن مافيها شي الشنطة باينة فيها حاجة زي الرصاصة
وانا ربك سبحان الله في اللحظة هديكة راحت من بالي الرصاصة العزيزة ونقوله رصاصة شنو يا ودي هدا أكيد الخاتم أو أي شي تاني
لفلي شاشة الجهاز وقالي أهيا واضحة رصاصة امطنقرة باينة زي الشمس
طبعا استحضرتني ذاكرتي وقلت اااااااااااه صح وطلعتها عأساس بيشوفها وبترجعلي مادخليش فيه ناض خداها مني وخوفني شوية بعدين قالي خلاص بري واحمدي ربي انه ماشدوهاش منك غادي راك يا اترحلتي يا احصلتي في سين وجيم ومعش تعاوديها .
أني لحظتها صارلي نمشي ونتلفت وراي ونبكي ونقول لأمي مادخليش نبيها أني وكان نقعد معش نمشي ونرجع ناخدها وبلاش منه السفر
بكيت عليها بكي أظني مانبكيشي حتى علي صحيحتي قعدت طول الطريق وأنا نبكي ونتحسف وانهين في ارويحتي بيني وبين نفسي غر ليش جايبتها معاي
3شهور في الأردن كل يوم نتخايل في روحي امروحة ولاقاني نفس الشخص وعطاهالي
ويوم روحت قعدت اندور عليه اتقول أم اتدور علي ضناها وقعدت غصة في قلبي لين توا خطرت عليا
#بالك_اللي_خداها_مني_هنايا_يتفكرني_ويرجعهالي