A
Ayman Askar
:: مسافر ::
السلام عليكم ورحمة الله
ممكن يا أدمن شير للبوست ده لأنه ان شاء الله هيفيد ناس كتير جدا بخصوص قرار البنك المركزى على البطاقات
انا كنت عامل الشرح ده فى جروب تانى بس جبيت انشره هنا لان شايف اهتمام كبير بالموضوع ده هنا
الموضوع اهوه
طريقة شرعية لإستخدام الكروت مسبقة الدفع فى التعاملات الاونلاين بدون مشاكل وتفادى قرار البنك المركزى
الطريقة دى موجهة لمن يريد استخدام الكروت بالعملة المحلية لاستخدامها اونلاين بالدولار او للسحب فى الخارج بالدولار او اى عملة أخرى.
الطريقة مجربها شخصيا وشغالة كويس بدون اى مشاكل
الطريقة دى ممكن تكون تطبيق لفكرة معينة يعنى ممكن يكون فيه طرق تانية شبيهة بس نفس الفكرة وممكن يكون فيه أفكار تانية.
الطريقة دى أقل عمولة حتى ظهور طرق تانية أفضل وأسهل.
الطريقة سهلة بس طويلة شوية ومحتاجة شوية تركيز فرجاءا ركزوا فى الكلام وخليكوا ماشيين معايا خطوة خطوة عشان الفكرة توصلكوا وتنفذوها بدون مشاكل
.......................................
أولا هنتكلم على أنواع الكروت (سواء فيزا أو ماستركارد) عشان ناس كتير عندها لبس فى موضوع الكروت ده
1- - كارت الخصم المباشر (Debit Card) وده الكارت اللى البنك بيطلعهولك لما تروح تفتح حساب سواء توفير أو جارى وتقدر عن طريقه تسحب بيه رصيدك اللى فى البنك من أى ماكينة ATM وتقدر تشترى بيها من أى مركز تسوق طالما فيه رصيد فى حسابك , ولكن صعب تشترى بيها أونلاين لزيادة عملية الأمان لأن لو اتسرقت ممكن رصيدك اللى فى البنك كله يطير.
2- كارت الدفع المسبق (Prepaid Card) وده سهل جدا انك تطلعه لان اغلب البنوك بتطلعه وبتقدر تشحنه بالمبلغ اللى انت عاوزه (طبعا ليه حدود البنك بيحددها زى بطاقة البريد كده الليميت بتاعها 5000 جنيه بس) وبعد كده تقدر تسحب الرصيد ده سواء من ماكينات ATM او تشترى من مراكز التسوق ودى بقى تقدر تستخدمها أونلاين وتشترى بيها فى حدود الفلوس اللى انت حاططها فيها.
3- كارت ائتمانى (Credit Card) وده اصعب واحد فيهم لان عشان تطلعه لازم يكون بضمان يعنى وديعه مثلا او مرتبك بيتحول على البنك وده بيبقى ليه حدود معتمدة على قيمة الضمان وده تقدر تستخدمه فى السحب والشراء بكافة أنواعها.
......................................
ثانيا : نيجى بقى للقرار بتاع البنك المركزى واللى الناس متضايقة منه وبتشتم وخلاص
من وجهة نظرى القرار ده مظبوط يا جماعة وخاصة فى الوقت الحالى فى ظل الإقتصاد اللى زى الزفت ولأن للأسف الناس استغلت الخدمة غلط وكانوا بيتحايلوا لتحقيق مكاسب شخصية بغض النظر على تأثير الكلام ده على اقتصاد الوطن فى الوقت الحالى لأن الموضوع ببساطة كان الواحد يحط رصيد ليه بالمصرى فى حسابه ويسافر او يبعت بطاقة الخصم المباشرأو مسبقة الدفع بتاعته لأى واحد صاحبه أو قريبه فى الخارج ويستخدمها فى سحب الدولار من ماكينات ال ATM وبعدين يبعت الفلوس لصاحب الكارت باى طريقة وطبعا يبيع الدولار فى السوق السوداء ويستفاد هو من فرق السعر , ومع ذلك ناس كتير جدا برضه اتضرت من القرار ده مثلا طالب بيدرس بره او حد مسافر واحناج فلوس ضرورى وغيرهم كتير طبعا ده مش موضوعنا بس حبيت أدى نبذه عن القرار واللى هو فى الأساس سبب أنى أشرح الطريقة دى .
......................................
ثالثا : اللى هيقرا الموضوع هيعرف ان القرار ده مستهدف اول نوعين من البطاقات ودول اللى هنتكلم عنهم وخاصة النوع التانى اللى هو الدفع المسبق اللى مع اغلبنا وشغالين بيه اونلاين سواء شراء او غيره , طبعا فيه ناس القرار اتنفذ على بطاقاتها فعلا وناس تانية لسه هيتنفذ على بطاقاتها القرار قريبا وهيبقى فيه منع او تحجيم شديد للتعامل بالعملات الأجنبية أونلاين وحتى لو القرار ده مش شامل التعامل الأونلاين فياريت نجهز نفسنا ونجهز الطريقة ونسيب استخدامها لحين الحاجة.
وبرضه النوع المستهدف هو هى البطاقات اللى ليها ليميت معين فى استخدام الدولار 300 دولار شهريا مثلا وانت عاوز تستخدمها فى مبلغ اكتر من كده.
......................................
ندخل بقى فى شرح الموضوع بعد ما صدعتكم بالنبذة اللى فوق دى.
كلمة السر (Paypal & Payoneer)
الفكرة عموما أنك تستخدم بطاقة بايونير فى عمليات السحب بالدولار أو أى عملة فى الخارج بالنسبة للمسافرين بالخارج واللى القرار فعلا ظلمهم وحد من استخدامهم للعملة الأجنبية , أو فى عمليات الأونلاين واللى احنا كلنا مهتميين بيه
وأنا هتسخدم بايونير لأنى شايفها أفضل خدمة وأفضل كارت وأقل عمولة ممكنة وخدمتها المتغطية فى كل أنحاء العالم , طبعا الكارت بالدولار طيب هنشحنه ازاى عشان نقدر نستخدمه , هنشحنه عن طريق الباى بال .
نبدأ الخطوات واحدة واحدة (بعض الخطوات مش هشرحها بالتفصيل ويقدر اى حد محتاج يعرفها بالتفصيل يدخل يعمل بحث على الطريقة على اليوتيوب وسيجد ما يريده)
1- اللى عنده حساب بايونير ومعاه بطاقتهم يبقى كده عمل أول خطوة واللى مش معاه يلحق يدخل يسجل وياريت التسجيل يا جماعة يبقى ببيانات صحيحة لتفادى أى مشكلة (الشرح بحث فى يوتيوب والتسجيل من الرابط التالى )
https://goo.gl/ZLNtbx
2- هتحتاج تعمل حساب باى بال شخصى وتفعله وهتعمل عليه إضافة حساب بنكى أمريكى وهتضيف الحساب البنكى اللى بايونير هتديهولك واللى مربوط ببطاقة بايونير (الشرح التفصيلى بحث يوتيوب) , وبالنسبة للناس اللى بتقول مش شغال ومش مقبول فى باى بال أنا لسه عامل الموضوع ده قريب جدا من شهرين تقريبا وربطت حسابى البنكى فى بايونير على حسابى الباى بال وسحبت عليه فلوس كذا مرة ووصلت من غير أى مشاكل , اللى فشل معاه الموضوع يجرب تانى أو يحاول يعمل حساب باى بال جديد ويجرب يكون حساب مصرى شخصى واسمك فيه يكون زى اسمك فى حسابك فى بايونير عشان يتقبل ويتضاف زى حسابى من غير مشاكل .
طبعا الفكرة أنك هتسحب رصيدك فى الباى بال عن طريق الحساب البنكى الأمريكى بتاع بايونير اللى انت ضيفته وفى ظرف يوم أو اتنين الفلوس هتكون وصلت حسابك فى بايونير وهتبقى متاحة فى الكارت والعملية دى عمولتها فقط 1%.
طبعا اللى عنده مصدر للفلوس تدخله الباى بال شغل اونلاين مثلا يقدر يستخدمها واللى مش عنده مصدر للفلوس يبقى يدخل على الخطوة الجاية ويركز فيها أوى.
3- هنحتاج دلوقتى أنك تعمل حساب باى بال تانى لأخوك مثلا أو هتعمل حساب ليك انت بس فى الحالة دى هيكون حساب بيزنس وليس شخصى لأن باى بال قوانينها بتمنع انك تملك حسابين باى بال شخصيين او حسابين بيزنس بس بتسمحلك انك يكون ليك حسابين واحد شخصى والتانى بيزنس بشرط أن يكون كل حساب ليه أدواته الخاصة بيه يعنى لو معاك بطاقة ضايفها على حسابك الشخصى مينفعش تستخدمها على حسابك البيزنس وهتضطر انك تضيف بطاقة تانية لحسابك البيزنس وهنا هتضيف للحساب التانى البطاقة الأساسية اللى انت هتستخدمها واللى فى الغالب هتكون مسبقة الدفع.
طبعا فيه بطاقات اتمنعت انها تشتغل عالباى بال زى بطاقة البريد مثلا وفى النقطة دى نفتح النقاش للأعضاء عن أفضل البطاقات المتاحة حاليا واللى بتتربط عالباى بال من غير مشاكل , وطبعا أنا بتكلم على أساس أن البطاقات تقدر تضيفها عالباى بال حاليا وتفعلها بدون اى حظر للعملية دى من البنك المركزى بالقرار الجديد فاللى رابط بطاقته خلاص واللى مربطهاش يعمل الموضوع ده لان محدش عارف بكرة فيه ايه لأنكوا عارفين عشان تربط بطاقة جديدة عالباى بال بيتخصم منها مبلغ عشوائى بسيط ولكن بالدولار وهنا ممكن العملية البسيطة دى متتمش لو القرار اتطبق على المعاملات الاونلاين بالدولار.
4- الخطوة دى هى أنك هتعمل تحويل (ارسال اموال) من حساب الباى بال التانى واللى مربوط بالبطاقة اللى انت هتستخدمها فى عملية الدفع لحسابك الأول اللى مربوط بحسابك البنكى بتاع بايونير.
بس فيه خطوة مهمة جدا تعملها أثناء عملة ارسال الاموال وهى ان فى خيارات الدفع هتلاقى الباى بال بيقولك عاوز المبلغ اللى يتخصم من البطاقة يتخصم بالجنيه المصرى ولا بالدولار وهنا بقى تختار طبعا الجنيه والباى بال ساعتها هيحاسبك على سعر صرف خاص بيه هو واللى حاليا بيبقى تقريبا الدولار ب 9.20 جنيه , وساعتها العملية هتتم من غير اى مشاكل لان البطاقة بتاعتك اتخصم منها جنيه مش دولار.
5- دلوقتى هتروح لحساب الباى بال الاول واللى انت رابط عليه حسابك البنكى بتاع بايونير بس احتمال كبير هتلاقى المبلغ وصل (وطبعا مخصوم منه رسوم استقبال الاموال بتاعة باى بال) بس هتلاقيه فى الاموال المعلقة وهنا هتضطر ترجع تانى لحسابك التانى اللى انت باعت منه الفلوس وهتعمل تأكيد للعملية عشان الفلوس تتحول من المعلقة فى حسابك الاول الى حالة الاموال المتاحة.
6- آخر خطوة أنك من على حسابك الأول هتعمل سحب للأموال إلى حسابك البنكى فى بايونير وفى خلال يومين هيكون المبلغ وصل بايونير ودخل البطاقة وجاهز للإستخدام.
...................................
أنا آسف إن طولت عليكم بالكلام لكن أتمنى تكونوا استفدتم ولو بحاجة بسيطة.
طبعا الطريقة دى موجهة لفئة معينة ممكن تكون الطريقة دى ميعرفوهاش أو يعرفوها بس مجاش فى بالهم انهم ممكن يستفادوا بيها أو للناس اللى ممكن تضار لو قرار البنك المركزى اتنفذ بحزافيره.
الطريقة شرعية 100% سواء من جانب استخدامات الكروت الخاضعة للبنك المركزى المصرى لأن التعاملات عليها بالجنيه المصرى وليس بالدولار , وأيضا من جانب باى بال وبايونير.
طبعا الطريقة دى تجربة شخصية يعنى مجربها على نفسى وشغالة معايا ولكن ممكن يكون فيه معلومة أو حاجة من اللى انا شارحها تكون غلط أو أكون أسأت فهمها, وفيه ناس هتقول إن بطاقات بايونير محجم استخدامها فى مواقع كتير ولكن فيه مواقع أكتر بتقبلها وكمان بتقدر تسحب بيها أموال من اى مكان فى العالم , وياريت لو حد عنده بطاقات تانية أو أفكار تانية يذكرها فى النقاش والتعليقات يمكن محدش يكون واخد باله منها.
ويبقى النقاش الجيد هو من يفتح باب المعلومات وتصحيح الأخطاء والمعلومات المغلوطة حتى نصل معا إلى أفضل الطرق فى التعاملات المالية فى ظل التحجيم المستمر سواء من الحكومات أو الشركات والمواقع والبنوك .
والسلام عليكم ورحمة الله .
ممكن يا أدمن شير للبوست ده لأنه ان شاء الله هيفيد ناس كتير جدا بخصوص قرار البنك المركزى على البطاقات
انا كنت عامل الشرح ده فى جروب تانى بس جبيت انشره هنا لان شايف اهتمام كبير بالموضوع ده هنا
الموضوع اهوه
طريقة شرعية لإستخدام الكروت مسبقة الدفع فى التعاملات الاونلاين بدون مشاكل وتفادى قرار البنك المركزى
الطريقة دى موجهة لمن يريد استخدام الكروت بالعملة المحلية لاستخدامها اونلاين بالدولار او للسحب فى الخارج بالدولار او اى عملة أخرى.
الطريقة مجربها شخصيا وشغالة كويس بدون اى مشاكل
الطريقة دى ممكن تكون تطبيق لفكرة معينة يعنى ممكن يكون فيه طرق تانية شبيهة بس نفس الفكرة وممكن يكون فيه أفكار تانية.
الطريقة دى أقل عمولة حتى ظهور طرق تانية أفضل وأسهل.
الطريقة سهلة بس طويلة شوية ومحتاجة شوية تركيز فرجاءا ركزوا فى الكلام وخليكوا ماشيين معايا خطوة خطوة عشان الفكرة توصلكوا وتنفذوها بدون مشاكل
.......................................
أولا هنتكلم على أنواع الكروت (سواء فيزا أو ماستركارد) عشان ناس كتير عندها لبس فى موضوع الكروت ده
1- - كارت الخصم المباشر (Debit Card) وده الكارت اللى البنك بيطلعهولك لما تروح تفتح حساب سواء توفير أو جارى وتقدر عن طريقه تسحب بيه رصيدك اللى فى البنك من أى ماكينة ATM وتقدر تشترى بيها من أى مركز تسوق طالما فيه رصيد فى حسابك , ولكن صعب تشترى بيها أونلاين لزيادة عملية الأمان لأن لو اتسرقت ممكن رصيدك اللى فى البنك كله يطير.
2- كارت الدفع المسبق (Prepaid Card) وده سهل جدا انك تطلعه لان اغلب البنوك بتطلعه وبتقدر تشحنه بالمبلغ اللى انت عاوزه (طبعا ليه حدود البنك بيحددها زى بطاقة البريد كده الليميت بتاعها 5000 جنيه بس) وبعد كده تقدر تسحب الرصيد ده سواء من ماكينات ATM او تشترى من مراكز التسوق ودى بقى تقدر تستخدمها أونلاين وتشترى بيها فى حدود الفلوس اللى انت حاططها فيها.
3- كارت ائتمانى (Credit Card) وده اصعب واحد فيهم لان عشان تطلعه لازم يكون بضمان يعنى وديعه مثلا او مرتبك بيتحول على البنك وده بيبقى ليه حدود معتمدة على قيمة الضمان وده تقدر تستخدمه فى السحب والشراء بكافة أنواعها.
......................................
ثانيا : نيجى بقى للقرار بتاع البنك المركزى واللى الناس متضايقة منه وبتشتم وخلاص
من وجهة نظرى القرار ده مظبوط يا جماعة وخاصة فى الوقت الحالى فى ظل الإقتصاد اللى زى الزفت ولأن للأسف الناس استغلت الخدمة غلط وكانوا بيتحايلوا لتحقيق مكاسب شخصية بغض النظر على تأثير الكلام ده على اقتصاد الوطن فى الوقت الحالى لأن الموضوع ببساطة كان الواحد يحط رصيد ليه بالمصرى فى حسابه ويسافر او يبعت بطاقة الخصم المباشرأو مسبقة الدفع بتاعته لأى واحد صاحبه أو قريبه فى الخارج ويستخدمها فى سحب الدولار من ماكينات ال ATM وبعدين يبعت الفلوس لصاحب الكارت باى طريقة وطبعا يبيع الدولار فى السوق السوداء ويستفاد هو من فرق السعر , ومع ذلك ناس كتير جدا برضه اتضرت من القرار ده مثلا طالب بيدرس بره او حد مسافر واحناج فلوس ضرورى وغيرهم كتير طبعا ده مش موضوعنا بس حبيت أدى نبذه عن القرار واللى هو فى الأساس سبب أنى أشرح الطريقة دى .
......................................
ثالثا : اللى هيقرا الموضوع هيعرف ان القرار ده مستهدف اول نوعين من البطاقات ودول اللى هنتكلم عنهم وخاصة النوع التانى اللى هو الدفع المسبق اللى مع اغلبنا وشغالين بيه اونلاين سواء شراء او غيره , طبعا فيه ناس القرار اتنفذ على بطاقاتها فعلا وناس تانية لسه هيتنفذ على بطاقاتها القرار قريبا وهيبقى فيه منع او تحجيم شديد للتعامل بالعملات الأجنبية أونلاين وحتى لو القرار ده مش شامل التعامل الأونلاين فياريت نجهز نفسنا ونجهز الطريقة ونسيب استخدامها لحين الحاجة.
وبرضه النوع المستهدف هو هى البطاقات اللى ليها ليميت معين فى استخدام الدولار 300 دولار شهريا مثلا وانت عاوز تستخدمها فى مبلغ اكتر من كده.
......................................
ندخل بقى فى شرح الموضوع بعد ما صدعتكم بالنبذة اللى فوق دى.
كلمة السر (Paypal & Payoneer)
الفكرة عموما أنك تستخدم بطاقة بايونير فى عمليات السحب بالدولار أو أى عملة فى الخارج بالنسبة للمسافرين بالخارج واللى القرار فعلا ظلمهم وحد من استخدامهم للعملة الأجنبية , أو فى عمليات الأونلاين واللى احنا كلنا مهتميين بيه
وأنا هتسخدم بايونير لأنى شايفها أفضل خدمة وأفضل كارت وأقل عمولة ممكنة وخدمتها المتغطية فى كل أنحاء العالم , طبعا الكارت بالدولار طيب هنشحنه ازاى عشان نقدر نستخدمه , هنشحنه عن طريق الباى بال .
نبدأ الخطوات واحدة واحدة (بعض الخطوات مش هشرحها بالتفصيل ويقدر اى حد محتاج يعرفها بالتفصيل يدخل يعمل بحث على الطريقة على اليوتيوب وسيجد ما يريده)
1- اللى عنده حساب بايونير ومعاه بطاقتهم يبقى كده عمل أول خطوة واللى مش معاه يلحق يدخل يسجل وياريت التسجيل يا جماعة يبقى ببيانات صحيحة لتفادى أى مشكلة (الشرح بحث فى يوتيوب والتسجيل من الرابط التالى )
https://goo.gl/ZLNtbx
2- هتحتاج تعمل حساب باى بال شخصى وتفعله وهتعمل عليه إضافة حساب بنكى أمريكى وهتضيف الحساب البنكى اللى بايونير هتديهولك واللى مربوط ببطاقة بايونير (الشرح التفصيلى بحث يوتيوب) , وبالنسبة للناس اللى بتقول مش شغال ومش مقبول فى باى بال أنا لسه عامل الموضوع ده قريب جدا من شهرين تقريبا وربطت حسابى البنكى فى بايونير على حسابى الباى بال وسحبت عليه فلوس كذا مرة ووصلت من غير أى مشاكل , اللى فشل معاه الموضوع يجرب تانى أو يحاول يعمل حساب باى بال جديد ويجرب يكون حساب مصرى شخصى واسمك فيه يكون زى اسمك فى حسابك فى بايونير عشان يتقبل ويتضاف زى حسابى من غير مشاكل .
طبعا الفكرة أنك هتسحب رصيدك فى الباى بال عن طريق الحساب البنكى الأمريكى بتاع بايونير اللى انت ضيفته وفى ظرف يوم أو اتنين الفلوس هتكون وصلت حسابك فى بايونير وهتبقى متاحة فى الكارت والعملية دى عمولتها فقط 1%.
طبعا اللى عنده مصدر للفلوس تدخله الباى بال شغل اونلاين مثلا يقدر يستخدمها واللى مش عنده مصدر للفلوس يبقى يدخل على الخطوة الجاية ويركز فيها أوى.
3- هنحتاج دلوقتى أنك تعمل حساب باى بال تانى لأخوك مثلا أو هتعمل حساب ليك انت بس فى الحالة دى هيكون حساب بيزنس وليس شخصى لأن باى بال قوانينها بتمنع انك تملك حسابين باى بال شخصيين او حسابين بيزنس بس بتسمحلك انك يكون ليك حسابين واحد شخصى والتانى بيزنس بشرط أن يكون كل حساب ليه أدواته الخاصة بيه يعنى لو معاك بطاقة ضايفها على حسابك الشخصى مينفعش تستخدمها على حسابك البيزنس وهتضطر انك تضيف بطاقة تانية لحسابك البيزنس وهنا هتضيف للحساب التانى البطاقة الأساسية اللى انت هتستخدمها واللى فى الغالب هتكون مسبقة الدفع.
طبعا فيه بطاقات اتمنعت انها تشتغل عالباى بال زى بطاقة البريد مثلا وفى النقطة دى نفتح النقاش للأعضاء عن أفضل البطاقات المتاحة حاليا واللى بتتربط عالباى بال من غير مشاكل , وطبعا أنا بتكلم على أساس أن البطاقات تقدر تضيفها عالباى بال حاليا وتفعلها بدون اى حظر للعملية دى من البنك المركزى بالقرار الجديد فاللى رابط بطاقته خلاص واللى مربطهاش يعمل الموضوع ده لان محدش عارف بكرة فيه ايه لأنكوا عارفين عشان تربط بطاقة جديدة عالباى بال بيتخصم منها مبلغ عشوائى بسيط ولكن بالدولار وهنا ممكن العملية البسيطة دى متتمش لو القرار اتطبق على المعاملات الاونلاين بالدولار.
4- الخطوة دى هى أنك هتعمل تحويل (ارسال اموال) من حساب الباى بال التانى واللى مربوط بالبطاقة اللى انت هتستخدمها فى عملية الدفع لحسابك الأول اللى مربوط بحسابك البنكى بتاع بايونير.
بس فيه خطوة مهمة جدا تعملها أثناء عملة ارسال الاموال وهى ان فى خيارات الدفع هتلاقى الباى بال بيقولك عاوز المبلغ اللى يتخصم من البطاقة يتخصم بالجنيه المصرى ولا بالدولار وهنا بقى تختار طبعا الجنيه والباى بال ساعتها هيحاسبك على سعر صرف خاص بيه هو واللى حاليا بيبقى تقريبا الدولار ب 9.20 جنيه , وساعتها العملية هتتم من غير اى مشاكل لان البطاقة بتاعتك اتخصم منها جنيه مش دولار.
5- دلوقتى هتروح لحساب الباى بال الاول واللى انت رابط عليه حسابك البنكى بتاع بايونير بس احتمال كبير هتلاقى المبلغ وصل (وطبعا مخصوم منه رسوم استقبال الاموال بتاعة باى بال) بس هتلاقيه فى الاموال المعلقة وهنا هتضطر ترجع تانى لحسابك التانى اللى انت باعت منه الفلوس وهتعمل تأكيد للعملية عشان الفلوس تتحول من المعلقة فى حسابك الاول الى حالة الاموال المتاحة.
6- آخر خطوة أنك من على حسابك الأول هتعمل سحب للأموال إلى حسابك البنكى فى بايونير وفى خلال يومين هيكون المبلغ وصل بايونير ودخل البطاقة وجاهز للإستخدام.
...................................
أنا آسف إن طولت عليكم بالكلام لكن أتمنى تكونوا استفدتم ولو بحاجة بسيطة.
طبعا الطريقة دى موجهة لفئة معينة ممكن تكون الطريقة دى ميعرفوهاش أو يعرفوها بس مجاش فى بالهم انهم ممكن يستفادوا بيها أو للناس اللى ممكن تضار لو قرار البنك المركزى اتنفذ بحزافيره.
الطريقة شرعية 100% سواء من جانب استخدامات الكروت الخاضعة للبنك المركزى المصرى لأن التعاملات عليها بالجنيه المصرى وليس بالدولار , وأيضا من جانب باى بال وبايونير.
طبعا الطريقة دى تجربة شخصية يعنى مجربها على نفسى وشغالة معايا ولكن ممكن يكون فيه معلومة أو حاجة من اللى انا شارحها تكون غلط أو أكون أسأت فهمها, وفيه ناس هتقول إن بطاقات بايونير محجم استخدامها فى مواقع كتير ولكن فيه مواقع أكتر بتقبلها وكمان بتقدر تسحب بيها أموال من اى مكان فى العالم , وياريت لو حد عنده بطاقات تانية أو أفكار تانية يذكرها فى النقاش والتعليقات يمكن محدش يكون واخد باله منها.
ويبقى النقاش الجيد هو من يفتح باب المعلومات وتصحيح الأخطاء والمعلومات المغلوطة حتى نصل معا إلى أفضل الطرق فى التعاملات المالية فى ظل التحجيم المستمر سواء من الحكومات أو الشركات والمواقع والبنوك .
والسلام عليكم ورحمة الله .