انا كنت على حسابي الخاص والحمدلله انضميت بنص...

[Noora Alotaibi]

انا كنت على حسابي الخاص والحمدلله انضميت بنص هالسمستر.. عطوني الضمان المالي حق هالسمستر من شهر وشوي.. المشكلة للآن مادفعوا شي الملحقية مع انه نزل بحسابي بسفير انهم دفعوا لكن لما سألت بالجامعة قالوا لا مادفعوا شي!

انا ابي استرجع المبلغ اللي دفعته للجامعة قبل الانضمام وقالوا اذا دفعت الملحقية نرجعه لك، كلمت مشرفي قال عطيهم الضمان قلت عطيتهم!.. اخاف ينتهي السمستر ويسحبون علي الجامعة :/

 

[Munth Alrashidi]

راح يدفعون الملحقيه مدام اخذتي منهم ضمان للسمستر الحالي .

 

[Najla AlThuniyan]

طيب الغي الضمان المالي واطلبي الملحقية تعوضك عن الرسوم الي دفعتيها هذا الترم

انصحك تستفسيرين قبل ما تقدمين على هالخطوة

 

[Khaled Alogbi]

الشيك يتأخر لحد ما يوصل ، الجامعه ملزمه تعوضك لان ما يقدروا ياخذوا الرسوم مرتين ، بس هي تاخذ وقت احيانا لحد ما يوصلهم السداد و يضاف لحسابك ، التواصل مع قسم الحسابات بالجامعه انسب حل

 

[Saud Almarri]

مايمديك تاخذين تقرير لفواتيرك اللي دفعتيها السمستر ذا؟ اذا يمديك اخذيها وارسلي طلب تعويض والله اعلم يمكن ان شاء الله تضبط معك

 

[Abdullah Mohammad Alkhudhayri]

صارت معي دفعت للكلية ولما وصل الضمان ودفعت الملحقية للكلية ، الكلية رجعت المبلغ اللي دفعته على حسابي

 

[Shaher Alenazi]

مبروك الانضمام والفلوس بترجع لك بس مثل ماتفضلو احيان تتاخر واحيان يماطلون بس بالاخير بترجع