السلام عليكم ورحمة الله انا للتو بدأت مرحلة...

[Faris Alfifi]

السلام عليكم ورحمة الله
انا للتو بدأت مرحلة الماستر في جامعة سكرانتون بنسيلفانيا تخصص كيمياء لكن بدا لي الامر صعبا جدا خصوصا أني وحيد فيها ولا أعرف أحد ممن تخرجوا منها لكي أستشيره ، عموما انتهى اول فصل ولكن كان المعدل اقل من ثلاثة، فأرجو من عنده إشارة أو نصيحة يوجهها لي سواء، أني أبحث عن عن جامعة أخرى لأحول لها أو أصبر وقد تتغير الأمور ،ودمتم بود

 

[Moe Mosa]

انا بكالوريس وصار لي سنه ونصف ( بديت للاسف بمعدل 2.2 من 4 ) السمستر الي بعده وصلت ٣.٣ وهذا السمستر ٣.٩ من ٤ ولله الحمد . البدايات دائما صعبه بس تاخذ فصل وتتأقلم وتعرف نظام الجامعه امورك راح تظبط .وخلك متفائل.. النقطه الثانيه السعوديين في التخصص جدا جدا مهمين يعلمونك افضل الدكتاره ويعطونك معلومات مفيده والي اعرفه ان جامعتكم مليانه طلاب سعوديين بس ممكن تخصصك الي مافي احد.. النقطه الثالثه الخيار لك بس لو كنت مكانك راح ادور لي خيار افضل خصوصا مافي سعوديين بالتخصص هذي وجهة نظري . وبالتوفيق

 

[Faris Alshatri]

وجود السعوديين معك في التخصص شيء ضروري، فإذا رأيت أن بإمكانك الأستمرار استمر أو ابحث عن جامعة مناسبة وفيها سعوديين.

موفق بإذن الله.

 

[Eman Barnawi]

انا خلصت ماجستير ثلاث سنوات بدون وجود اي سعوديين موب شي ضروري ومعالي كان ضعيف وبعدين صار عالي ... مافي داعي تغير جامعه بس توكل على الله

 

[Ammar Aqeeli]

فارس اتصل فيني بكره اشرح لك

 

[Abdulrazaq Alreshaidan]

اسال الله لك التوفيق ،، الكيمياء بصفة عامة بداياتها صعبة وهذا طبعا عن تجربة شخصية لي بالجامعة ،، ولكن بعد سمسترين عرفت النظام بالجامعة والدكاترة الممتازين ،، ولا تعتمد على وجود سعوديين بالتخصص لان الكيمياء من التخصصات النادرة انك تحصل سعوديين فيها ،، فاعتمد على نفسك وتوكل على الله ،،

 

[Noora Alotaibi]

بالأنترنت تقعد تاخذ معلومات عن الدكاترة وتقييمهم وتعليقات الطلاب بمجرد تكتب اسمهم وجامعتهم وتقييم..

 

[Mona Almanaa]

ماستر ولا بكالوريوس

 

[Abdul Subaie]

االلي يقول وجود السعوديين معك ضروري وجدا مهم ومن الكلام الفاضي هذا كأن السعوديين مصباح علاء الدين تمسح عليه يعطيك اللي تبي! شوفوا الطلاب الاجانب كيف يعتمدون ع انفسهم ومع ذلك جدا متفوقين!! وغير كذا اي شي ممكن تحتاجه الحين تحصل اجابته اونلاين حتى الدكاتره تحصل الريفيوز تبعهم..المقصد من الكلام ان لازم نتعود نعتمد ع انفسنا بكل حاجه ولا ماراح ننجح بحياتنا

 

[Zahraa Mustafa]

انا تخصصي ماستر كيمياء واعاني حيل التخصص صعب مو سهل ..وغير ذلك مافي طلبه سعودين ولا حتى انترناشونال. .
المشكله تكمن اذا التخصص يخلو من السعوديه يصير مافي تفهم لك كطالب جديد يعاملونك معامله الأمريكان بالفهم وبالواجبات بالبرزنتيشنات..غير لما يكون فيه مجموعه طلاب سعودين. .يسهل الأمر بحيث الدكتور يستوعب انه فيه مجموعه طلاب تحتاج وقت في الاستيعاب في المذاكرة بحل الواجبات. .حتى مستوى الاسئله ممكن تسهل..
وأتمنى انه اللي مفترض يتكلم بهالموضوع شخص اولا ماستر. .وتخصصات علميه مو ادبيه. .وغير كذا بجامعه تخلو من السعودين. .لأنه اللي مر بالتجربه راح يستوعبها. .الوضع مايستدعي ضحك(السعودين علاء الدين وماشابه)..والأجانب لغتهم هذي فطبيعي بيمشون ..احنا ببلدنا اشطر منهم ترى..بس عائق اللغه في التخصص له دور

 

[Khalid Alharbi]

انا افضل لك تغير الجامعه، وحاول تجيب قبول من هذه الجامعه كاحتياط Emporia University State الكثير يمدح بسهولة تخصص الكيمياء في هذا القسم. وموفق يارب

 

[Faten Albalawi]

Reem Alshehry جامعتك كانت صح؟

 

[Basil Alfayez]

لو ان السؤال هنا مو بمحله ولكن ... اخوي انا مقبل للدراسه لمرحله الباكلوريس وتخصصي كمياء ، هل برأيك التخصص له مستقبل وظيفي قوي بالسعوديه ؟

 

[Yassin Af]

الله يوفقك يا خوي ويسدد خطاك. انا نصيحتي لك ادا كان هذا المعدل في ترم واحد واذا كان المعدل هذا ناتج من مادتي. فأنت في الطريق السليم بس يبيلك تشد حيلك في المواد الثانيه. ولا تشغل بالك بأنه ما معاك سعوديين في القسم. لان صح هو مهم بس تراه مو نهاية العالم انا نفس الشي صاير معاي ادرس في كندا وفي القسم اللي انا فية (Orgnaic Synthesis and pharmacitical chemistry) ما فيه ولا سعودي. اما بنسبه لنصيحتي لك الاكاديميه، انا انصحك لا تعتمد على المتيريل اللي يعطيك البروفيسور. لانها ليست كافية. ولازم تعرف ان تخصص الكيمياء في امريكا واليابان وكندا (الدول المتقدمه كلهم) يعتبر من اصعب التخصصات لانه يعتبر تخصص جدا عام ويدخل في اي علم تقدر تفكر فية. فهذه المعلوم علشان تعطيك دفعة معنوية. انت سويي اللي عليك. ودايم حاول تركز على الاختبارات النصفية. لانها هي اللي تحدد مين اللي راح ياخذ A+ or A. وفي الاول والاخير تراها بس مواد. اهم شي في دراسات الماجستير والدكتورا انك تسويلك بحث قوي. والله اذا كان عندك بحث بطل مراح احد ينظر في الدرجات الا اذا انت راح تقدم على وظيفة تعليمية يعني اكاديمية.

ما اقول الا الله يفرج همك وهم اللي عندة هم. بالتوفيق للجميع واعتذر اذا طولتها.

 

[Roaa Baazeem]

اول ترم طبيعي يكون صعب

 

[Yaser Abdullah Ba Afif]

مش لازم عندك قروب سعودي ادخل مع اي قروب عندك عشان تتساعدون. انا اعمل ماجستير ودخلت مع قروب هنود معي وتساعدنا ومشينا الحمدلله

 

[Khaled Alkhelewy]

. السلام عليكم اخوي فارس ، الله يكون بعونك ويسهل عليك ، شيك على جامعه تينسي ستيت Tennessee state university, ان شاء الله الامور ساهلات احتياط راسل النادي السعودي وان شاء الله يساعدونك. انا فالجامعه حاليا تخصص ماليه والوضع جيد ولله الحمد.

 

[Maha Alsalem]

الله يوفقك اخوي
للأسف ماعندي علم بس ياليت يكون في صفحات او قروبات لو ع الفيس بوك كل جامعه وطلابها اللي تخرجوا وإلا مازالوا يدرسون بحيث نستفيد من تجارب بعض