بالنسبه للتجنيد فى مصر .. من تعدى سنه ال 30...

[Bahaa Tawfik]

بالنسبه للتجنيد فى مصر .. من تعدى سنه ال 30 سنه ، ما هى الخطوات لإنهاء موقف التجنبد ؟ شكرا

 

[Elexes Abdo Eglan]

Dove La More , Haytham Mohamed

 

[Haytham Mohamed]

موقفك ايه من التجنيد ؟ معاف مؤقت - ولا لم يصبه الدور - وحيد - لم يؤدى الخدمه العسكريه

 

[Bahaa Tawfik]

لم يؤدى الخدمه العسكريه

 

[Haytham Mohamed]

يعنى كنت هربان من الخدمه؟

 

[Bahaa Tawfik]

هههههه .. لا مش هربان ، بس مجاتش فرصه انزل مصر

 

[Haytham Mohamed]

اصبر لغايه ما تم 31 وروح الهايكستب الموضوع بيتلخص فى غرامه.
حجيبلك التفاصيل النهارده ان شاء الله

 

[Bahaa Tawfik]

30 ولا 31 ؟؟

 

[Haytham Mohamed]

لازم تكون عديت ال31

 

[Bahaa Tawfik]

انا تقريبا سالت ولازم اكون عديت ال 30

 

[Haytham Mohamed]

طيب جميل وبما انك سالت ؟ بتسال تانى ليه؟

 

[Bahaa Tawfik]

انا سالت على السن القانونى .. بس بستفسر لو حد كان معاه نفس المشكله والخطوات اللى عملها ..

 

[Bahaa Tawfik]

عموما ياسيدى انا بسحب استفسارى .. شكرا

 

[Elexes Abdo Eglan]

يا بهاء كلام هيثم ثقه وانا كمان متفق معاه ان السن القانوني 31 سنه

 

[Bahaa Tawfik]

وهو انا قلت ان كلامه مش ثقه ، وهو انا لو واثق هسال هنا ليه

 

[Haytham Mohamed]

هى المشكله ياعبدو ان تحت ال 31 ممكن يتمسك اول ما يروح انما 31 سنه بيكون عدى سن التجنيد المطلوب انا بتكلم ديما عن الاضمن.
والسبب ان ابن خالتى كان هاربان خدمه عسكريه وراح على سن 30 واتسحب واتسجن وكان حاله كارب ولغايه دلوقتى مش عارفين نجيب له وسطه

 

[Bahaa Tawfik]

منا يتكلم على الموضوع دة .. حد يكون حصل معاه الموقف دة ..

 

[Elexes Abdo Eglan]

روق يا بهاء وكمل ال 31 وانزل يا ريس وربنا يكرمك يا مان

 

[Bahaa Tawfik]

لسه هستنى ... انا زهقت ،

 

[Ayman Galal]

بالنسبه للتجنيد .. اخويا بعد ما تم ال 30 ب عشره ايام جاب محامى و جهز الاوراق اللى منطقه التجنيد طلبتها ( صوره بطايق الاخوه الذكور و شهاداتهم الجامعيه و حاجات زى كده ) و عمل ملف ب 90 جنيه و تم تحديد جلسه فى المحكمه العسكرية و يومها القاضى العسكرى حكم عليه بغرامه 3000 جنيه ( الغرامه حد ادنى 2000 و اقصى 4000 ) و بتاخد الحد الاقصى لو ملكش سبب تتغيب عن الجيش .. انما لو انت كنت مسافر هتجيب ما يثبت ده و تدفع ال 2000 بس و بعدها باسبوع بتاخد شهاده تجنيد مكتوب فيها ( غير مطلوب بعد دفع الغرامه فى القضيه رقم كذا ) و بتطلع جواز عادى و اخويا دلوقتى فى السعوديه و مفيش حاجه اسمها حبس عشان محدش يخاف .. طالما عديت ال30 سنه ب 7 ايام فقط بتدفع الغرامه فقط ..